ຄລ໊ອບ ເຜີຍ ຊາລາ ກັບມາຟິດເຕັມທີ່ແລ້ວ
November 28, 2018 - 5:22 PM
ເຈີເກັ້ນ ຄລ໊ອບ ຜູ້ຈັດການທີມ ລິເວີພູລ ລະບຸວ່າ: ໂມຮາເໝັດ ຊາລາ ປີກຄົນສຳຄັນກັບມາຟິດ 100% ເຊິ່ງກ່ອນໜ້ານີ້ ຊາລາ ຍັງບໍ່ຟິດເຕັມທີ່ ຈົນເຮັດໃຫ້ຟອມບໍ່ຮ້ອນແຮງເທົ່າທີ່ຄວນ.
ເຈີເກັ້ນ ຄລ໊ອບ ຜູ້ຈັດການທີມ ລິເວີພູລ ຍອດສະໂມສອນແຫ່ງ ພຣີເມຍລີກ ອັງກິດ ກ່າວວ່າ: ຕອນນີ້ ໂມຮາເໝັດ ຊາລາ ປີກຄົນເກັ່ງຂອງທີມ ມີສະພາບຮ່າງກາຍຟິດ 100% ແລ້ວ ຫລັງຈາກກ່ອນໜ້ານີ້ຍັງມີອາການບາດເຈັບລົບກວນ.
ລະດູການຜ່ານມາ ຊາລາ ໂຊຟອມບໍ່ຄ່ອຍດີ ຫລັງຈາກຍິງໄປ 44 ປະຕູ ກັບອີກ 16 ແອສຊິສ ຈາກການລົງຫລິ້ນ 52 ນັດໃນທຸກລາຍການ ແຕ່ລະດູການນີ້ລາວຟອມບໍ່ຮ້ອນແຮງຄືເກົ່າ ຫລັງຈາກຍິງໄປ 9 ລູກ ກັບອີກ 4 ແອສຊິສ ຈາກການລົງສະໜາມໃນທຸກລາຍການ 18 ເກມ.
