ວາງສີລາລຶກໂຄງການກໍ່ສ້າງເສັ້ນທາງ ເມືອງທ່າປາງທອງ ຫາເມືອງຕຸ້ມລານ

ພິທີວາງສີລາລຶກໂຄງ ການ ກໍ່ສ້າງເສັ້ນທາງແຕ່ ເຊບັ້ງນວນ ເມືອງທ່າປາງ ທອງຫາເມືອງຕຸ້ມລານ ແຂວງ ສາລະວັນ ໄດ້ມີ ຂຶ້ນ ໃນວັນທີ 24 ພະຈິກນີ້ ໂດຍການເຂົ້າຮ່ວມຂອງ ທ່ານ ບຸນຈັນ ສິນທະວົງ ລັດຖະມົນຕີກະຊວງ ໂຍທາ ທິການ ແລະ ຂົນສົ່ງ, ທ່ານ ສັນຕິພາບ ພົມວິຫານ ເຈົ້າ ແຂວງ ສະຫວັນນະເຂດ, ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງ ງານ-ບໍ່ແຮ່ ແລະ ພາກສ່ວນ ຕ່າງໆ ທີ່ກ່ຽວຂ້ອງເຂົ້າຮ່ວມ ຢ່າງພ້ອມພຽງ.

+ ວາງສີລາລຶກໂຄງການກໍ່ສ້າງ ພະເຈົ້າໃຫຍ່ ພຸດທະຣັດຕະນະບາຣະມີສຣີ ບໍ່ແກ້ວ2018/

+ ວາງສີລາລຶກກໍ່ສ້າງໂຮງຮຽນທິດສະດີການເມືອງກອງທັບປະຊາຊົນລາວ2018/

ຫົວໜ້າໂຄງການກໍ່ສ້າງ ເສັ້ນ ທາງດັ່ງກ່າວໃຫ້ ຮູ້ ວ່າ: ໂດຍໄດ້ຮັບການຕົກລົງ ຂອງລັດຖະມົນຕີກະຊວງ ໂຍທາທະການ ແລະ ຂົນສົ່ງ (ຍທຂ) ໂດຍແມ່ນບໍລິສັດ ອາກຄີເນຍ ອາສໂຊຊິເອສ ເປັນທີ່ປຶກສາ, ບໍລິສັດ ນໍລິນ ໂກ ສປ ຈີນ ເປັນຜູ້ຮັບເໝົາ ກໍ່ສ້າງ, ເສັ້ນທາງຍາວທັງ ໝົດ 88,2 ກິໂລແມັດ, ໃຫ້ ຮັບນ້ຳໜັກຂອງການອອກ ແບບ 9,1 ໂຕນ/ເພົາ, ໜ້າ ທາງຢາງມີຄວາມກວ້າງ 7 ແມັດ; ສະເພາະທາງໃນ ເຂດເທສະບານ ເມືອງທ່າ ປາງທອງ 3 ກິໂລແມັດ ແມ່ນມີໜ້າທາງປູຢາງ ກວ້າງ 9 ແມັດ ເຊິ່ງປະກອບ ດ້ວຍທາງຄົນຍ່າງ ແລະ ໄຟເຍືອງທາງ, ວຽກກໍ່ສ້າງ ຂົວເບຕົງ 19 ແຫ່ງ, ມີລວງ ຍາວ 458 ແມັດ, ວຽກກໍ່ ສ້າງທໍ່ລະບາຍນ້ຳລອດ ທາງ, ກໍ່ສ້າງພື້ນຖານໂຄງ ລ່າງ ເມືອງທ່າປາງທອງ (ສ້າງສູນຝຶກອົບຮົມເຕັກ ນິກກະສິກຳເຊສາລະ ລອງ), ລວມມີມູນຄ່າການ ກໍ່ ສ້າງທັງໝົດ 59,78 ລ້ານ ກວ່າ ໂດລາສະຫະລັດທີ່ໄດ້ ຮັບທຶນສະໜັບສະໜູນກູ້ ຍືມ ຈາກບໍລິສັດ ນໍລິນໂກ ສປ ຈີນ ແລະ ໄດ້ເລີ່ມລົງມືການ ກໍ່ສ້າງຕົວຈິງ ມາແຕ່ວັນທີ 1/10/2017, ຄາດວ່າຈະ ໃຫ້ສຳເລັດຕົ້ນເດືອນຕຸລາ 2020 .

ເສັ້ນທາງດັ່ງກ່າວເປັນ ເສັ້ນທາງຕັດຜ່ານເຂດຫ່າງ ໄກສອກຫລີກ, ເປັນທາງດິນ ເປ່ເພຊຸດໂຊມຫລາຍເຮັດໃຫ້ ການສັນຈອນໄປ-ມາຂອງ ປະຊາຊົນພົບຄວາມຫຍຸ້ງ ຍາກ, ໂດຍສະເພາະໃນໄລ ຍະດູຝົນ ສະນັ້ນ, ພັກ-ລັດ ຖະບານ ຈຶ່ງໄດ້ຕົກລົງກໍ່ສ້າງ ທາງດັ່ງກ່າວໃຫ້ກາຍເປັນ ທາງປູຢາງ 2 ຊັ້ນ.
ເຊິ່ງມາຮອດປັດຈຸບັນ, ການຈັດຕັ້ງປະຕິບັດໂຄງ ການແມ່ນມີຄວາມຄືບໜ້າ ແລ້ວ 13,92%./.