ບຸນທາດຫລວງປີນີ້ ຄັກກວ່າປີຜ່ານມາ

  ໂດຍ: ທິດກ່ຳ    

ເທົ່າທີ່ ທິດກ່ຳ ໄດ້ຕິດ ຕາມ ທັງໄດ້ເຫັນຕົວຈິງບຸນ ທາດຫລວງປີນີ້ ເບິ່ງຄືວ່າຄັກ ກວ່າປີຜ່ານມາຫລາຍເທົ່າ ຍ້ອນວ່າການຈັດສັນຫ້າງ ຮ້ານຂ້ອນຂ້າງເປັນລະບຽບ ຮຽບຮ້ອຍ, ສະຖານທີ່ກໍ ກວ້າງ, ຄົນເຂົ້າ-ອອກ ບໍ່ແອ ອັດຍັດແຍ້ກັນຄືແຕ່ກ່ອນ ແລະ ອັນສຳຄັນທີ່ສຸດ ແມ່ນ ບໍ່ໄດ້ຍິນຂ່າວຄາວວ່າມີປະກົດການຫຍໍ້ທໍ້ຕ່າງໆ ເກີດຂຶ້ນ ເຊັ່ນ: ດຶງກະເປົາ, ແຫກກະເປົາ ແລະ ຫລິ້ນກິນຊະຊາຍ, ເກີດ ຄວາມວຸ້ນວາຍຈົນວ່າ ທາງ ເຈົ້າໜ້າທີ່ ໄດ້ມາລະງັບເຫດ ການນີ້. ມັນກໍສົມກັບວ່າ ຄວາມມີອາລິຍະທຳ ແລະ ເປັນວັດທະນະທຳຂອງຊາດ ລາວຄົນລາວເຮົາ.

+ ສະຫວັນນະເຂດເລັ່ງບູລະນະປະຕິສັງຂອນພະທາດອີງຮັງຕ້ອນຮັບປີທ່ອງທ່ຽວລາວ2018/

+ ຊາວນະຄອນຫລວງວຽງຈັນຮ່ວມແຫ່ຜາສາດເຜິ້ງໃນບຸນນະມັດສະການພະທາດຫລວງດ້ວຍບັນຍາກາດຄືກຄື້ນ2018/

ເພາະສະນັ້ນ, ຈຶ່ງພໍສະ ຫລຸບ ໄດ້ວ່າບຸນນະມັດສະ ການພະທາດຫລວງປີນີ້ສິ້ນ ສຸດລົງດ້ວຍບັນຍາກາດຄຶກ ຄັກມ່ວນຊື່ນ ແລະ ມີຄວາມ ໝາຍທາງດ້ານວັດທະນຳ ທຳ, ຮີດຄອງປະເພນີຂອງ ຊາດລາວຄົນລາວຢ່າງ ເຕັມອີ່ມ.

ສິ່ງທີ່ປະທັບໃຈທີ່ສຸດ ແມ່ນຫາງສຽງຄົນທັງຫລາຍຊົມເຊີຍຄະນະຮັບຜິດຊອບ ຈັດງານບຸນ, ນັບທັງເຈົ້າໜ້າ ທີ່ທຸກພາກສ່ວນຕະຫລອດ ເຖິງພະສົງສຳມະເນນ, ອົງ ການພຸດທະສາດສະໜາສຳ ພັນລາວຂັ້ນສູນກາງ, ນະຄອນ ຫລວງ ແລະ ຂັ້ນເມືອງທີ່ ໄດ້ເຮັດໃຫ້ງານຄັ້ງນີ້ສິ້ນ ສຸດລົງດ້ວຍຄວາມຈົບງາມ ທຸກປະການ.

ພິເສດອີກອັນໜຶ່ງກໍແມ່ນການນຳພັກລັດ ຂັ້ນສູງສຸດ ຂອງ ປະເທດຫລາຍທ່ານ ໄດ້ເຂົ້າຮ່ວມພິທີຕັກບາດ ຖວາຍສັງຄະທານໃນຕອນ ເຊົ້າມື້ເພັງ 15 ຄ່ຳ ອັນເປັນ ແບບຢ່າງ ແລະ ດ້ວຍຄວາມ ຮູ້ສຶກຊາບຊຶ້ງຂອງປວງຊົນ ລາວກໍຄືການນຳພາປະເທດຊາດບ້ານເມືອງຂອງພວກ ເຮົາກ້າວສູ່ຍຸກໃໝ່ຄືຍຸກ ແຫ່ງອະລິຍະທຳ ແລະ ສົ່ງ ເສີມວັດທະນະທຳອັນດີ ງາມຂອງຊາດ ແລະ ຂອງ ປະຊາຊົນບັນດາເຜົ່າ.

ຄືດັ່ງພວກເຮົາຮູ້ນຳກັນແລ້ວວ່າ, ພະທາດຫລວງ ວຽງຈັນເປັນມິ່ງຂວັນຂອງ ຊາວລາວທົ່ວປະເທດ, ແຕ່ ລະປີເມື່ອຮອດເດືອນ 12 ເພັງ (ເດືອນລາວ) ເຊິ່ງກົງ ກັບເດືອນພະຈິກຊາວນະ ຄອນຫລວງວຽງຈັນກໍຄື ຊາວລາວເຮົາໃນທົ່ວປະເທດໄດ້ພ້ອມກັນມີສັດທາຈັດ ງານບຸນສະເຫລີມສະຫລອງ ເພື່ອສະແດງໃຫ້ເຫັນເຖິງ ຄວາມຮູ້ບຸນຄຸນກະຕະເວທີຕໍ່ ບັນ ພະບູລຸດທີ່ໄດ້ສ້າງສາ ພັດທະນາປະເທດຊາດກໍຄື ໄດ້ສ້າງສະຖາປັດຕະຍະກຳ ພະທາດຫລວງທີ່ສວຍສົດ ງົດງາມໂດດເດັ່ນໄວ້ໃຫ້ ພວກເຮົາໄດ້ເຄົາລົບນົບ ໄຫວ້ບູຊານັບຖືຈົນມາຮອດ ທຸກວັນນີ້.

ການເຮັດບຸນພະທາດ ຫລວງຍັງເປັນການເຕົ້າໂຮມພະລັງແຫ່ງຄວາມສາມັກ ຄີອັນເປັນປຶກ ແຜ່ນຂອງປວງ ຊົນລາວບັນດາເຜົ່າ, ເປັນການ ອະນຸລັກຮັກສາຮີດຄອງປະ ເພນີ ແລະ ວັດທະນະທຳອັນ ດີງາມຂອງຊາດ.

ຕົກມາໃນຍຸກ ສາທາ ລະນະລັດ ປະຊາທິປະໄຕ ປະ ຊາຊົນລາວເຮົານີ້, ພະທາດ ຫລວງ ວຽງຈັນຍິ່ງໄດ້ຮັບ ການປົກປັກຮັກສາ ແລະ ບູລະນະປົວແປງໃຫ້ສວຍ ງາມ ແລະ ໂດດເດັ່ນຍິ່ງ ຂຶ້ນ ເປັນຕົ້ນໄດ້ຕໍ່ຍອດຊໍ່ ຟ້າທີ່ເຮັດດ້ວຍຄຳສົດໆ ຈຳ ນວນຫລາຍກິໂລ, ບູລະນະ ສ້ອມແປງຈຸດທີ່ເກົ່າແກ່ມາ ຫລາຍປີໃຫ້ຢູ່ໃນສະພາບ ແໜ້ນໜຽວໝັ້ນຄົງ, ຟອກ ພະທາດຫລວງ ດ້ວຍນ້ຳ ຄຳໃຫ້ໃສເຫລື້ອມ, ຍົກຍ້າຍ ປະຊາຊົນອອກຈາກພື້ນທີ່ ບໍລິເວນ ເພື່ອເຮັດໃຫ້ເດິ່ນ ພະທາດຫລວງກວ້າງຂວາງ ຫລາຍກວ່າເກົ່າ, ຈັດສັນປູກ ດອກໄມ້ ແລະ ປູເດີ່ນພະທາດ ຫລວງໃຫ້ສວຍງາມ ແລະ ເປັນບ່ອນຜັກຜ່ອນຢ່ອນອາ ລົມຂອງຜູ້ທີ່ມາທ່ອງທ່ຽວ ໃຫ້ສົມກັບວ່າພະທາດຫລວງ ວຽງຈັນ ເປັນສະຖາປັດຕະ ຍະກຳ ສຳຄັນ ແລະ ເປັນມິ່ງ ຂວັນຂອງຊາວລາວເຮົາໄດ້ ເຄົາລົບນັບຖື.

ຕາມເຮົາວ່າ, ໃນປີຕໍ່ໆ ໄປກໍຄືອະນາຄົດຍາວນານ ການສະເຫລີມສະຫລອງ ບຸນນະມັດສະການພະທາດ ຫລວງກໍຍິ່ງມີບົດຮຽນ ແລະ ມີການພັດທະນາຂຶ້ນ ໃນທຸກດ້ານ.

ເຖິງຢ່າງໃດກໍດີ, ສິ່ງທີ່ ໜ້າເປັນຫວ່ງນັ້ນເມື່ອເສັດ ສິ້ນບຸນທາດຫລວງໄປແລ້ວ ຂໍຢ່າໃຫ້ມີ ແນວເຮີະຮ້າຍ ຕາມມາເຊັ່ນ: ກິ່ນເໝັນສາບ ຄາວ ແລະ ມີຂີ້ເຫຍື້ອຊະຊາຍ ອັນຈະເປັນການກະທົບເຖິງ ສິ່ງແວດລ້ອມ ແລະ ຄວາມ ສວຍງາມຂອງພະທາດ ຫລວງນັ້ນເອງ./.