IAEA ຂໍ ສປປ ເກົາຫລີ ກວດສອບໂຄງການນິວເຄຼຍ
ຜູ້ອຳນວຍການອົງການພະລັງງານປະລະມານູສາກົນແຫ່ງສະຫະປະຊາຊາດ (IAEA) ຖະແຫລງຮຽກຮ້ອງໃຫ້ ສປປ ເກົາຫລີ ອະນຸຍາດຄະນະເຈົ້າໜ້າທີ່ເຂົ້າໄປກວດສອບໂຄງການນິວເຄຼຍອີກ.
ທ່ານ ຢູກິຢະ ອາມາໂນະ ຜູ້ອຳນວຍການ IAEA ຖະແຫລງຢູ່ນະຄອນຫລວງວຽນນາຂອງໂອຕຣິດ ໃນວັນທີ 22 ພະຈິກ ຕາມເວລາທ້ອງຖິ່ນວ່າ: ສປປ ເກົາຫລີ ໄດ້ເຈລະຈາໃນເດືອນກັນຍາຜ່ານມາກ່ຽວກັບແນວທາງປົດອາວຸດນິວເຄຼຍ ເຊິ່ງລວມທັງການຍົກເລີກໂຄງການນິວເຄຼຍຢ່າງຖາວອນ ຢູ່ເມືອງຍອງບາຍອນ. ຜູ້ອຳນວຍການ IAEA ກ່າວວ່າ: ມີການເຄື່ອນໄຫວທີ່ຍອງບາຍອນ ແລະ ຍັງບໍ່ໄດ້ມີການຕີລາຄາກວດສອບ ຈຶ່ງເຮັດໃຫ້ IAEA ບໍ່ສາມາດຢືນຢັນໄດ້ວ່າເປັນກິດຈະກຳເພື່ອຈຸດປະສົງໃດ. ກ່ອນໜ້ານີ້ ສປປ ເກົາຫລີ ຂັບໄລ່ຄະນະເຈົ້າໜ້າທີ່ IAEA ອອກຈາກປະເທດໃນປີ 2017, ແຕ່ທ່ານ ອາມາໂນະ ກ່າວວ່າ: IAEA ພ້ອມຈະກຽມກັບເຂົ້າກວດສອບອີກ. ນອກຈາກ ທ່ານ ອາມາໂນະ ກ່າວຕໍ່ຄະນະບໍລິຫານວ່າ: ອີຣານຍັງຄົງດຳເນີນການຕາມຂໍ້ຕົກລົງນິວເຄຼຍກັບປະເທດມະຫາອຳນາດ ໃນປີ 2015 ເພື່ອຢຸດການຜະລິດອາວຸດນິວເຄຼຍແລກປ່ຽນກັບຜົນປະໂຫຍດທາງເສດຖະກິດ.
