ພາຫະນະນັບມື້ຫລາຍ, ທາງນັບມື້ເພ, ລົດນັບມື້ຕິດ

ໂດຍ: ທິດກ່ຳ     

ນັບແຕ່ປະເທດຊາດ ເຮົາກ້າວເຂົ້າສູ່ໄລຍະແຫ່ງ ການສ້າງສາພັດທະນາ ເບິ່ງ ທຸກສິ່ງທຸກຢ່າງຄືວ່ານັບມື້ມີ ການປ່ຽນແປງໄປຢ່າງວ່ອງ ໄວ, ໜຶ່ງໃນປະກົດການ ທີ່ ສະແດງໃຫ້ເຫັນເຖິງການພັດທະນາ ແລະ ຄວາມມັ່ງຄັ່ງ ຮັ່ງມີນັ້ນແມ່ນໃນດ້ານລົດ ລາງພາຫະນະນັບມື້ມີຈຳ ນວນຫລາຍຂຶ້ນຕິກໆ, ກ່ອນ ໜ້ານັ້ນ 30 ປີຜູ້ໃດໄດ້ຂີ່ລົດ ຖີບ, ລົດຈັກ ຖືວ່າເປັນຜູ້ທີ່ ມີ ລາຍໄດ້, ມີໜ້າມີຕາໄປມາ ທາງໃດກໍມີຄວາມສະດວກ. ສ່ວນຜູ້ທີ່ມີລົດໃຫຍ່ກໍຈັດຢູ່ ໃນປະເພດຜູ້ຮັ່ງມີ ຫລື ບໍ່ກໍ ແມ່ນຜູ້ເພິ່ນເປັນພະນັກງານ ຂັ້ນສູງ.
ພໍຕົກມາໃນສະໄໝນີ້, ໄລຍະພຽງຊາວສາມສີບ ປີ ລົດມັນກໍນັບມື້ເພີ່ມຂຶ້ນ, ຊ້ຳ ບໍ່ໜຳຢູ່ໃນນະຄອນຫລວງ ແລະ ຕົວເມືອງໃຫຍ່ໆ ການ ໄປມາແຕ່ລະມື້ມີສະພາບລົດ ຕິດປານວ່າເສັ້ນເຂົ້າປຸ້ນ.

+ ນະຄອນຫລວງຈະສຸມໃສ່ຈັດສັນການສັນຈອນໃນຕົວເມືອງ

+ ຈະແກ້ໄຂສະພາບລົດລົ້ນທາງແນວໃດ ?2017/

ຈາກປັດໄຈ ແລະ ເງື່ອນ ໄຂທີ່ກ່າວມານີ້, ພວກເຮົາຄິດ ວ່າ ມັນເກີດມາຈາກໃສ? ຕາມທິດກ່ຳວ່າມັນເກີດມາ ຈາກຫລາຍເງື່ອນໄຂ ແລະ ຫລາຍປັດໄຈເຊັ່ນວ່າ: ອັນ ທີໜຶ່ງບ້ານເມືອງເຮົານັບ ມື້ມີການສ້າງສາພັດທະນາ, ເສດຖະກິດ-ສັງຄົມຂອງ ປະເທດມີການຂະຫຍາຍຕົວຕໍ່ເນື່ອງ, ການລົງທຶນນັບມື້ ເພີ່ມຂຶ້ນ ແລະ ການຜະລິດ ມີການຂະຫຍາຍຕົວໃນແຕ່ ລະປີ, ອັນສອງມາພວກເຮົາ ໄດ້ເຊື່ອມໂຍງກັບພາກພື້ນ ແລະ ສາກົນອັນມີຜົນກະທົບ ຕໍ່ການພັດທະນາໄປຕາມກົນໄກເສດຖະກິດຕະຫລາດ.

ເມື່ອເປັນດັ່ງວ່ານີ້, ຢາກ ບໍ່ຢາກລະບົບເສດຖະກິດໃນ ຂົງເຂດການຜະລິດຂະໜາດນ້ອຍ ແລະ ຂະໜາດກາງ ກໍ ມີການຂະຫຍາຍຕົວ, ເຮັດ ໃຫ້ຄົນເຮົາມີລາຍໄດ້ເພີ່ມ ຂຶ້ນ, ໄດ້ກິນອິ່ມນຸ່ງອຸ່ນ, ມີ ຄວາມສາມາດຊື້ເຄື່ອງໃຊ້ ສອຍທີ່ຈຳເປັນໃນຄົວເຮືອນ ແລະ ກ້າວໄປເຖິງການ ຊື້ ລົດ ລາງພາຫະນະມາຂີ່ເພື່ອສະ ດວກໃນການໄປມາ.

ເທົ່າທີ່ທິດກ່ຳເຫັນ, ບາງ ຄອບຄົວທີ່ຢູ່ໃນຕົວເມືອງ ແລະ ທັງຊົນນະບົດມີລົດ ໃຫຍ່ຂີ່ນັບມື້ນັບຫລາຍຈົນ ວ່າລົດຈັກກັບລົດຖີບໃກ້ຈະ ສູນພັນ ແລະ ນັບມື້ນັບໜ້ອຍ ລົງຊັກໃຊ້, ປັດຈຸບັນໃນຄອບ ຄົວຜູ້ເພິ່ນເປັນເຈົ້າເປັນນາຍ ຂັ້ນສູງ ກໍມີລົດໃຫຍ່ຊະນິດ ຕ່າງໆເປັນຫ້າເປັນສິບ, ພະ ນັກງານລະດັບຂັ້ນກາງ ກໍ ເປັນສອງເປັນສາມ, ນັກທຸ ລະກິດທີ່ພວມເຕີບໂຕກໍມີ ເປັນສິບເປັນຊາວ. ຜູ້ເປັນ ຊາວ ໄຮ່ຊາວນາ, ກຳມະ ກອນທີ່ມີລາຍຮັບໝັ້ນຄົງ ແດ່ກໍສາມາດດາວລົດໃຫຍ່ ມາ ຂີ່ເພື່ອສະດວກສະບາຍ ໃນ ການໄປມາ. ຊ້ຳບໍ່ໜຳບັນ ດາບໍລິສັດທີ່ເຮັດທຸລະກິດ ຂາຍລົດໃຫຍ່ຊ້ຳພັດມີນະ ໂຍບາຍໃຫ້ດາວລົດທີ່ມີ ດອກເບ້ຍຕ່ຳ ຫລື ບາງບໍລິ ສັດກໍບໍ່ມີຮອດດອກເບ້ຍ, ເຜີໆ ມາບາງໄລຍະເຂົານຳ ໄປຮອດເຮືອນເພື່ອໂຄສະນາ ໃຫ້ດາວລົດ.

ແນວໃດກໍຕາມ, ເມື່ອ ຄົນສ່ວນຫລາຍມີລົດຄັນໃໝ່ ຄັນງາມຂີ່ແຕ່ພັດໜັກໃຈ ເລື່ອງເສັ້ນທາງ ເພາະວ່າ ຢູ່ໃນນະຄອນຫລວງວຽງຈັນເຮົາ ແລະ ຕາມທ້ອງຖິ່ນຊົນ ນະບົດຫລາຍແຫ່ງເສັ້ນ ທາງຍັງເປ່ເພຢ່າງໜັກໜ່ວງຍ້ອນໄລຍະລະດູຝົນຜ່ານມາ ທຸກເຂດແຂວງໃນທົ່ວປະເທດໄດ້ຮັບຜົນກະທົບຈາກຝົນ ຕົກໜັກ, ຊ້ຳບໍ່ໜຳເກີດ ໄພ ນ້ຳຖ້ວມເປັນບໍລິເວນກວ້າງ ຈົນມາຮອດປັດຈຸບັນທາງ ບາງເສັ້ນຍັງບໍ່ທັນມີການ ສ້ອມແປງ ແລະ ບາງເສັ້ນ ເມື່ອສ້ອມແປງໄປແລ້ວ ບໍ່ພໍ ສາມສີ່ເດືອນກໍກັບມາເພຄື ເກົ່າ. ບາງເສັ້ນທາງ ຜູ້ຮັບ ເໝົາກໍ່ສ້າງເຮັດໄປແລ້ວບໍ່ ມີທຶນສືບຕໍ່ ຫລື ຜ່ານການ ກວດກາບໍ່ໄດ້ມາດຕະຖານກໍ ເລີຍຖືກຢຸດສະງັກປະປ່ອຍ ໄປຕາມຍະຖາກຳ ດັ່ງເສັ້ນ ທາງຕານມີໄຊ-ໜອງບຶກ ມີແຕ່ຂີ້ຝຸ່ນໄງ້ກຸ່ມ, ເສັ້ນທາງ 13 ເໜືອ ແລະ ໃຕ້ເອົາດິນ ແດງໄປຖົມພໍຊາມຊາສຸດ ທ້າຍ ມາກໍເປັນຂຸມຄືເກົ່າ ເວົ້າຢ່າງໜຶ່ງຄືເສຍຫຍ້າ ປົກຂີ້ໝາ.

ເຖິງຢ່າງໃດກໍດີ, ຕາມ ແຫລ່ງຂ່າວອອກມາສົດໆ ຮ້ອນໆວ່າໃນປີ 2018 ນີ້ມີ ແຜນສ້ອມແປງທາງຫລວງ ແຫ່ງຊາດ 130 ສັນຍາຂຶ້ນ ກັບ 25 ໂຄງການ, ມູນຄ່າ 596,98 ຕື້ກີບ ແລະ ມີ ຄວາມຍາວລວມທັງໝົດ 5.800 ກວ່າກິໂລແມັດ.

ສ່ວນວ່າເສັ້ນທາງອື່ນໆ ທີ່ບໍ່ແມ່ນທາງຫລວງນັ້ນ ອາດແມ່ນຄວາມຮັບຜິດ ຊອບຂອງທ້ອງຖິ່ນໃຜມັນ, ໃຫ້ອົດໃຈບໍ່ປີນີ້ກໍປີໜ້າ ຫລື ປີຕໍ່ໄປເຮົາຈະເຫັນທາງດີ, ໃຜ ມີລົດຄັນງາມໃຫ້ຄ່ອຍໄປ ຄ່ອຍມາເພາະຢ້ານລົດຕົກຂຸມ ແລະ ເກີດອຸປະຕິເຫດ.