ເດເດ້ ຢືນຢັນ ອາການບາດເຈັບ ເອັມບັບເປ້ ບໍ່ໜ້າເປັນຫ່ວງ
November 21, 2018 - 5:18 PM
ເດເດ້ເຢ ເດສຊອງ ຜູ້ຈັດການທີມຊາດຝຣັ່ງ ກ່າວວ່າ: ຄີລິຢັນ ເອັມບັບເປ້ ກອງໜ້າດາວຮຸ່ງຂອງ ປາຣີ ແຊງແຊກແມງ ອາດຈະບໍ່ໄດ້ເຈັບໜັກ ຫລັງຈາກລາວຕຳກັບພື້ນສະໜາມແບບເຕັມແຮງ ໃນເກມອຸ່ນເຄື່ອງ ນັດທີ່ ຝຣັ່ງ ຊະນະ ອຸຣຸກວາຍ 1-0 ໃນວັນທີ 20 ພະຈິກຜ່ານມາ.
ໃນຊ່ວງເຄິ່ງທຳອິດຂອງນັດດັ່ງກ່າວ ເອັມບັບເປ້ ພະຍາຍາມຈະເຕະບານໜີ ມາຣຕິນ ກຳປາຢ່າ ຜູ້ຮັກສາປະຕູຂອງ ອຸຣຸກວາຍ ແຕ່ເຮັດບໍ່ສຳເລັດ. ເຖິງຢ່າງໃດກໍຕາມ ຮ້າຍແຮງກວ່ານັ້ນຄືລາວໄປເອົາແຂນລົງພື້ນກ່ອນໃນຈັງຫວະທີ່ເສຍຫລັກ ຈົນເຮັດໃຫ້ລາວໄດ້ຮັບບາດເຈັບບ່າໄຫລ່ ກ່ອນຈະຖືກປ່ຽນຕົວອອກຈາກສະໜາມ.
