ຮາວເດິເທີດ ຄວ້າແຊ້ມ ອາຣເອສເອັມ
ຊາລ ຮາວ ເດິ ເທີດ ນັກກ໊ອຟຊາຍຊາວອາເມລິກາ ຄວ້າແຊ້ມ ເດິ ອາຣເອສເອັມ ຄລາສສິກ ໄປຄອງໄດ້ສຳເລັດ ຫລັງຈາກເອົາຊະນະ ແພດທຣິກ ຣ໊ອດເຈີ ໃນຊ່ວງດວນເພລອອຟ ພາຍຫລັງທັງສອງມີຄະແນນລວມ 4 ວັນໄດ້ 19 ອັນເດີພາຣ 263 ເທົ່າກັນ ໃນວັນທີ 18 ພະຈິກຜ່ານມາ.
ໃນຮອບສຸດທ້າຍ ຮາວ ເດິ ເທີດ ເຮັດຄະແນນເພີ່ມໄດ້ 3 ອັນເດີພາຣ, ຂະນະທີ່ ຣ໊ອດເຈີ ຕີເພີ່ມເຂົ້າມາເຖິງ 8 ອັນເດີພາຣ ເຮັດໃຫ້ພວກຕ້ອງມາຕັດສິນໃຈແຊ້ມໃນການເພລອອຟ ແລະ ສຸດທ້າຍເປັນ ຮາວ ເດິ ເທີດ ທີ່ເອົາຊະນະໄປໄດ້ພໍຮອດຂຸມທີສອງຂອງການແຂ່ງຂັນ.
ນີ້ຖືເປັນແຊ້ມລະດັບ ພີຈີເອ ທົວ ລາຍການທີ 3 ໃນຊີວິດຂອງ ຮາວ ເດິ ເທີດ ອາຍຸ 39 ປີ ແລະ ເປັນແຊ້ມລາຍການທຳອິດຂອງລາວໃນຮອບ 11 ປີ ເຊິ່ງລາວເປີດເຜີຍວ່າ: ທຳອິດຄິດວ່າຈະພາດແຊ້ມແລ້ວ ຫລັງຈາກເລີ່ມຕົ້ນຮອບສຸດທ້າຍໄດ້ບໍ່ດີ ຈາກການເສຍໂບກີ້ໃນຂຸມທຳອິດ ແລະ ເບິ້ນໂບກີ້ໃນຂຸມສອງ.
