ວັລເລດ ຄວ້າແຊ໊ມກ໊ອຟ ປໍຕູກັລ

ການແຂ່ງຂັນກ໊ອຟ ຢູໂຣ ປຽນທົວ ລາຍການ “ໂອເພນ ເດິ ປໍຕູກັລ” ທີ່ສະໜາມມໍກາໂດ ກ໊ອຟ ແອນ ຄັນທຣີ ຄລັບ ໃນ ເມືອງປໍຕິເມົາ ປະເທດໂປຣຕຸເກດ ໃນວັນອາທິດຜ່ານມາ ເປັນການ ແຂ່ງຂັນຮອບສຸດທ້າຍຜົນປາກົດວ່າ ແມດ ວັລເລດ ນັກກ໊ອຟຄົນ ອັງກິດ ເຮັດຜົນງານໄດ້ຮ້ອນ ແຮງຕໍ່ເນື່ອງ ເກັບເພີ່ມ 4 ອັນເດີ ພາ 69 ຄະແນນ ລວມ 21 ອັນເດີ ພາ 271 ຄະແນນ ຄວ້າແຊ໊ມ ລາຍການນີ້ໄປຄອງໄດ້ສຳເລັດ ໂດຍເອົາຊະນະ ຈູລຽນ ຊູຣິ ຈາກ ສະຫະລັດ ທີ່ຕາມມາເປັນອັບ 2 ດ້ວຍຄະແນນລວມ 18 ອັນເດີພາ 274 ຄະແນນ ຫ່າງເຖິງ 3 ສະ ໂຕຣກ.

ສ່ວນອັນດັບ 3 ເປັນ ມາຕິເຍີ ປາວົງ ຈາກຝຣັ່ງ ຄະແນນລວມ 16 ອັນເດີພາ 276 ຄະແນນ ແລະ ອັນດັບ 4 ຮ່ວມມີ 2 ຄົນຄື ແຊມ ວອກເກີ ຈາກ ອັງກິດ ແລະ ເຊບາສຕຽນ ໄຮເຊີເລີ ຈາກ ເຢຍ ລະມັນ ທີ່ຄະແນນລວມ 15 ອັນ ເດີພາ 277 ຄະແນນເທົ່າກັນ.