ໂກໂລມບີໃຊ້ແກັສນ້ຳຕາສະຫລາຍ ກຸ່ມນັກສຶກສາປະທ້ວງຂໍທຶນການສຶກສາ
November 16, 2018 - 3:34 PM
ຕຳຫລວດປາບຈະລາຈົນໂກໂລມບີໃຊ້ແກັສນ້ຳຕາສະກັດກັ້ນກຸ່ມນັກສຶກສາທີ່ປະທ້ວງຮຽກຮ້ອງລັດຖະບານເພີ່ມງົບປະມານສະໜັບສະໜູນດ້ານການສຶກສາໃຫ້ຫລາຍຂຶ້ນ.
ກຸ່ມນັກສຶກສາທີ່ບໍ່ພໍໃຈດັ່ງກ່າວຖືເປັນການປະທ້ວງຫລ້າສຸດທີ່ຮຽກຮ້ອງໃຫ້ລັດຖະບານເພີ່ມງົບປະມານດ້ານການສຶກສາ ລວມທັງຂຶ້ນເງິນເດືອນຄູອາຈານ ເພື່ອຍົກລະດັບຄຸນນະພາບໃຫ້ດີຂຶ້ນ. ກຸ່ມຜູ້ປະທ້ວງຕ່າງຫວັງວ່າຈະກົດດັນລັດຖະບານໂກໂລມບີ ເພື່ອສະໜັບສະໜູນທຶນການສຶກສາໃຫ້ຫລາຍຂຶ້ນ ເຊິ່ງບາງຄັ້ງຖືກຕັດງົບປະມານກະທັນຫັນ. ດ້ານລັດຖະບານໂກໂລມບີຢືນຢັນວ່າ: ໄດ້ດຳເນີນໂຄງການສະໜັບສະໜູນງົບປະມານສົ່ງເສີມລະບົບການສຶກສາ, ແຕ່ນັກສຶກສາກ່າວວ່າ: ຈະຕ້ອງພິຈາລະນາປັບປຸງລະບົບທຶນການສຶກສານຳອີກ.
