ພັດຕະຄານມູນເດີໄນ ເປີດໃຫ້ບໍລິການຫ້ອງໄດມ້ອນຢ່າງເປັນທາງການແລ້ວ
ພິທີເປີດໃຫ້ບໍລິການຫ້ອງໄດມ້ອນຮໍ ຢ່າງເປັນທາງການ ຂອງພັດຕະຄານມູນເດີໄນ ທີ່ຕັ້ງຢູ່ບ້ານຂຸນຕາທ່າ, ເມືອງສີໂຄດຕະບອງ ນະຄອນຫລວງວຽງຈັນ, ໄດ້ມີຂຶ້ນໃນວັນທີ 13 ພະຈິກນີ້, ໂດຍມີນັກຮ້ອງຮັບເຊີນຈາກລາຊະອານາຈັກໄທ ລຳເພີນ ວົງສະກອນ ເຈົ້າຂອງຜົນງານເພງດັງ (ລຳຄານກະບອກກັນເດີ ແລະ ເພງ ຫໍ່ມົກຫວກໄປຝາກປ້າ) ພ້ອມດ້ວຍແຂກເຂົ້າຮ່ວມເປັນຈໍານວນຫລາຍ ແລະ ລຸ້ນຮັບໂປຣໂມຊັນຫຼຸດແລກແຈກແຖມພາຍໃນງານຢ່າງຫຼວງຫຼາຍ.
ທ່ານ ປະເສີດ ສິດທິພອນ ເຈົ້າຂອງຮ້ານອາຫານ ແລະ ພັດຕະຄານມູນເດິໄນ ໃຫ້ຮູ້ວ່າ: ຫ້ອງໄດມ້ອນຮໍ ເປັນຫ້ອງໂຖງໃຫຍ່ເພື່ອຮັບຈັດງານລະດັບຕ່າງໆຂອງພັດຕະຄານມູນເດິໄນ ສ້າງຕັ້ງຂຶ້ນໄດ້ 1 ປີກວ່າແລ້ວ, ດ້ວຍການບໍລິການ ອາຫານຕາມສັ່ງ ແລະ ການບໍລິການຮັບຈັດງານຕ່າງໆຄື: ງານດອງ, ກອງປະຊຸມ, ຄອນເສີດ, ຮັບໃບປະກາດ, ວັນເກີດ ແລະ ງານສັງສັນຕ່າງໆ, ສາມາດຮອງຮັບຈຳນວນຄົນໄດ້ເຖິງ 1.000 ກວ່າຄົນ ແລະ ໃນຄໍ່າຄືນຂອງວັນທີ 13 ພະຈິກນີ້ ແມ່ນງານເປີດໂຕຫ້ອງໄດມ້ອນຄັ້ງຍິ່ງໃຫຍ່ຢ່າງເປັນທາງການ ເຊິ່ງມີໂປຣໂມຊັນຫຼຸດແລກແຈກແຖມພາຍໃນງານຫຼາຍໆຢ່າງ. ສຳລັບໂປຣໂມຊັນທ້າຍປີຂອງການຈັດງານກໍມີຫຼາກຫຼາຍຄື: ຟຣີດົນຕີ, ແຖມເຄື່ອງດື່ມ, ຟຣີດອກໄມ້ເຈົ້າພາບ, ຟຣີຊໍ່ດອກໄມ້ໂຍນຂອງຄູ່ບ່າວສາວ, ຟຣີໂພດສເຕີ ແລະ ການບໍລິການດີ, ອາຫານລົດຊາດແຊບ ແລະ ຕົກແຕ່ງທີ່ໜ້າປະທັບໃຈ.
ທ່ານ ປະເສີດ ສິດທິພອນ ໃຫ້ຮູ້ຕື່ມວ່າ: ສຳລັບຄູ່ບ່າວສາວທີ່ມາຈັບຈອງກ່ອນລ່ວງໜ້າ ແມ່ນຈະໄດ້ຮັບສ່ວນຫຼຸດ ແລະ ຂອງແຈກຂອງແຖມອີກຫຼາຍຢ່າງ ຈາກພັດຕະຄານ ມູນເດິໄນ ອີກດ້ວຍ.
