ແຂວງວຽງຈັນເປີດຂະບວນການຜະລິດລະດູແລ້ງ
ໃນວັນທີ 9 ພະຈິກນີ້, ບ້ານໂພນໂຮງ-ນາຝ້າຍ ເມືອງທຸລະຄົມ ແຂວງ ວຽງ ຈັນ ໄດ້ເປີດຂະບວນ ການ ຜະລິດລະດູແລ້ງຂຶ້ນຢ່າງ ຟົດຟື້ນເພື່ອເປັນການ ສະເຫຼີມສະຫຼອງ ວັນຊົນລະ ປະທານແຫ່ງຊາດ 3 ພະ ຈິກ, ວັນສັກຢາປ້ອງກັນພະ ຍາດສັດ 11 ພະຈິກ ແລະ ວັນດິນໂລກ 5 ທັນວາ 2018 ທີ່ຈະມາເຖິງນີ້, ຊຶ່ງມີ ການນໍາກະຊວງກະສິກໍາ ແລະ ປ່າໄມ້, ເຈົ້າເມືອງທຸ ລະຄົມ, ຄະນະແກ້ໄຂໄພພິ ບັດຊຸກຍູ້ການ ຜະລິດລະດູ ແລ້ງ ແລະ ພາກສ່ວນກ່ຽວ ຂ້ອງຕ່າງໆພ້ອມປະຊາຊົນ ເຂົ້າຮ່ວມຢ່າງເປັນຂະບວນ ຟົດຟື້ນ.
+ ຮອງລັດຖະມົນຕີກະຊວງກະສິກຳລົງຊຸກຍູ້ການຜະລິດລະດູແລ້ງຢູ່ແຂວງເຊກອງ2018/
+ ຊາວເມືອງທ່າແຕງກະກຽມປູກພືດລະດູແລ້ງທົດແທນຜົນເສຍຫາຍຈາກນ້ຳຖ້ວມ2018/
ໃນງານດັ່ງກ່າວ, ປະ ກອບມີ 5 ກິດຈະກໍາຫຼັກ ຄື: ເປີດນໍ້າຊົນລະປະທານ, ສັກ ຢາປ້ອງກັນພະຍາດສັດ, ໄຖປົກຕໍເຟືອງ ເພື່ອປັບປຸງ ບໍາລຸງດິນ, ເອົາຝຸ່ນຄອກ ລົງໃສ່ເນື້ອທີ່ນາ ເພື່ອຄືນ ຄວາມອຸດົມສົມບູນໃຫ້ພື້ນ ທີ່ການ ຜະລິດ ແລະ ພ້ອມ ທັງຂະຫຍາຍເນື້ອທີ່ນາ ຈາກ ໄຮ່ນ້ອຍເປັນນາໄຮ່ໃຫຍ່ ຄາດວ່າ: ທົ່ວເມືອງທຸລະ ຄົມຈະຂະຫຍາຍໃຫ້ໄດ້ຢ່າງ ໜ້ອຍ 30 ໄລ່.
