ບຸນທາດຫລວງເປັນຫວ່ງໃນເລື່ອງຄວາມຈົບງາມ

ໂດຍ: ທິດກ່ຳ     

ຍັງບໍ່ພໍເທົ່າໃດວັນເດືອນ 12 ເພັງ (ເດືອນລາວ) ພສ 2561 ກໍຈະມາຮອດ ຈອດເຖິງອັນເປັນງານບຸນ ປາງໃຫຍ່ທີ່ຊາວລາວເຮົາ ເຄີຍນັບຖື ແລະ ປະຕິບັດກັນ ມານັ້ນ, ກໍຄືບຸນນະມັດສະ ການພະທາດຫລວງ.

+ ບຸນທາດຫລວງຢ່າໃຫ້ມີການສວຍໂອກາດເກັບຄ່າຝາກລົດເກີນກຳນົດ2018/

+ ສະຫວັນນະເຂດເລັ່ງບູລະນະປະຕິສັງຂອນພະທາດອີງຮັງຕ້ອນຮັບປີທ່ອງທ່ຽວລາວ2018/

ປີນີ້ຖ້າເຮົາເບິ່ງໃນປະ ຕິທິນສາກົນແລ້ວແມ່ນຕົງ ເປະກັບວັນທີ 22 ຂອງເດືອນ ພະຈິກ 2018 ເຊິ່ງກົງກັບ ມື້ ເພັງ 15 ຄ່ຳຂອງເດືອນ 12 ລາວເປັນມື້ຟັງທຳມະເທດ ສະໜາ, ຖວາຍສັງຄະທານ ແລະ ຕັກບາດຢາດນ້ຳ ແລະ ມີກິດຈະກຳທາງສາດ ສະໜາອື່ນໆ.
ແຕ່ວ່າໃນການຄົບງັນ ຕ່າງໆ ຕະຫລອດເຖິງການ ວາງສະແດງບໍລິການຈຳ ໜ່າຍສິນຄ້າຕ້ອງໄດ້ເລີ່ມ ກ່ອນເປັນສີ່ຫ້າມື້.
ຕາມເຮົາຄິດປີນີ້ຄາດ ວ່າບຸນທາດຫລວງຈະມ່ວນ ຊື່ນຄຶກຄື້ນພໍສົມຄວນເພາະ ວ່າ ສົມທົບກັບປີທ່ອງທ່ຽວ ລາວ ເຊິ່ງປີກາຍນີ້ໂອກາດບຸນ ທາດຫລວງເພິ່ນກໍມີພິທີເປີດ ປີທ່ອງທ່ຽວຢ່າງຍິ່ງໃຫຍ່ອາ ລັງການ, ແຕ່ສຳລັບປີນີ້ເພິ່ນ ອາດມີພິທີປິດຢ່າງເປັນທາງ ການເໝືອນດັ່ງພິທີເປີດ.

ຄືດັ່ງພວກເຮົາຮູ້ນຳກັນ ແລ້ວວ່າ, ບຸນນະມັດສະການ ພະທາດຫລວງເປັນບຸນປາງ ໃຫຍ່ລະດັບຊາດທີ່ສະແດງ ໃຫ້ເຫັນເຖິງຄຸນງາມຄວາມ ດີ, ຄວາມສາມັກຄີເປັນປຶກ ແຜ່ນ, ຄວາມກະຕັນຍູກະຕະ ເວທີຕໍ່ບັນພະບູລຸດຂອງຊາດ ຂອງແຜ່ນດິນທີ່ໄດ້ເສຍສະ ຫລະສ້າງສາປະເທດຊາດ ບ້ານເມືອງກໍຄືການສ້າງນະ ຄອນຫລວງວຽງຈັນ.

ໃນຫລາຍຮ້ອຍ ປີຜ່ານ ມາເປັນຕົ້ນຜູ້ເພິ່ນສ້າງພະ ທາດຫລວງ ແລະ ຍ້າຍນະ ຄອນຫລວງຈາກຊຽງທອງ (ຫລວງພະບາງ) ມາຕັ້ງຢູ່ ວຽງຈັນກໍແມ່ນພະເຈົ້າແຜ່ນ ດິນໄຊເຊດຖາທິລາດນັ້ນເອງ.

ເມື່ອເປັນດັ່ງທີ່ວ່ານີ້, ພວກ ເຮົາຜູ້ເປັນລູກຫລານທີ່ເກີດ ໃໝ່ລຸນສືບທອດກັນມາຕາມ ຍຸກຕາມສະໄໝນັບແຕ່ຍຸກ ຂອງເພິ່ນຈົນມາຮອດປັດຈຸ ບັນກໍເປັນເວລາຍາວນານ ເກືອບຫ້າຮ້ອຍປີກໍຍັງໄດ້ພາ ກັນປະຕິບັດຈົນກາຍເປັນມູນ ເຊື້ອວັດທະນະທຳປະເພນີຮີດ ຄອງອັນດີງາມຂອງຊາດລາວ ຄົນລາວເຮົາຕະຫລອດມາ.

ການເຮັດບຸນທາດ ຫລວງຍັງເປັນການປູກຈິດ ສຳນຶກ, ສຶກສາອົບຮົມລູກ ຫລານ ໃຫ້ເປັນຄົນດີ, ມີສິນ ທຳ, ຈິດໃຈຮັກຊາດ, ຮັກຜູ້ ນຳ, ຜູ້ໃຫຍ່ໄມ້ສູງຈາກຮຸ້ນ ກ່ອນມາເຖິງປັດຈຸບັນກາຍ ເປັນແບບຢ່າງຂອງຄົນດີ, ມີວິໄນ, ຮູ້ໃຫ້, ຮູ້ເມດຕາກະ ລຸນາ, ຮູ້ຕ່ຳຮູ້ສູງ ແລະ ຮູ້ບາບ ບຸນຄຸນໂທດ.
ດ້ວຍສາເຫດນີ້ລະ, ຈຶ່ງ ຖືວ່າບຸນທາດຫລວງເປັນ ກິດຈະກຳໃຫຍ່ອັນໜຶ່ງທາງ ຮີດຄອງປະເພນີຂອງຊາດ, ຂອງຜູ້ນຳເຮົາຕັ້ງແຕ່ໃດ ມາທີ່ຕ້ອງໄດ້ນຳພາປະຊາ ຊົນບັນດາເຜົ່າໃນທົ່ວປະ ເທດພາກັນເຮັດພາກັນທຳ ໃນທຸກໆປີເມື່ອເຖິງຍາມເອົາ ບຸນທາດຫລວງແຂກຕ່າງ ດ້າວທ້າວຕ່າງແດນຕ່າງກໍ ເດີນທາງມາຈາກທຸກສາ ລະທິດບໍ່ວ່າຢູ່ພາຍໃນ ແລະ ຕ່າງປະເທດເພື່ອມາເຄົາລົບ ນົບໄຫວ້, ມາທ່ຽວຊົມຄວາມ ຈົບຄວາມງາມຂອງບຸນນະ ມັດສະການພະທາດຫລວງ ດ້ວຍສັດທາອັນສູງສົ່ງ.

ເຖິງຢ່າງໃດກໍດີ, ຕາມ ເຮົາວ່າບຸນທາດຫລວງປີ ນີ້ ຂໍໃຫ້ມີແຕ່ສິ່ງທີ່ດີໆຕະຫລອດ ປອດໄພ, ມີແຕ່ຄວາມ ຈົບຄວາມງາມຢ່າໃຫ້ຄືບຸນ ອອກພັນສາຜ່ານມາເຊັ່ນວ່າ ປະກົດການຫຍໍ້ທໍ້ຕ່າງໆ ແຫກກະເປົາ 2 ລາຍທີ່ເຈົ້າໜ້າທີ່ ເຮົາຈັບໄດ້.
ນອກຈາກນັ້ນ, ກໍມີອຸປະ ຕິເຫດເກີດຂຶ້ນມີຄົນລົ້ມຄົນ ຕາຍອັນສອງມາກໍແມ່ນບັນ ຫາຂີ້ເຫຍື້ອຕ້ອງຕຽມການ ໄວ້ແຕ່ຫົວທີເປັນຕົ້ນຕ້ອງມີ ຖັງ ຫລື ຖົງຢັງຢາຍໄວ້ແຕ່ລະ ຈຸດເພື່ອປູກຈິດສຳນຶກຂອງ ຜູ້ມາທ່ຽວໃນງານບຸນ.

ກົງກັນຂ້າມຖ້າປະປ່ອຍ ໄປຫລາຍມື້ຫລາຍວັນຈະ ເຮັດໃຫ້ສີສັນເດີ່ນສະໜາມ ຫລວງກໍຄືເດີນພະທາດ ຫລວງເສຍຄວາມຈົບງາມ ແລະ ຄວາມເປັນລະບຽບ ຮຽບຮ້ອຍ.

ຢາກເຮັດໄດ້ຄືດັ່ງວ່າ ຂະແໜງການທີ່ກ່ຽວຂ້ອງ ຕ້ອງມີແຜນອັນລະອຽດ ແລະ ມີຄວາມຮັບຜິດຊອບຢ່າງ ຄັກແນ່, ຖ້າບໍ່ດັ່ງນັ້ນ, ແຂກ ຕ່າງດ້າວທ້າວຕ່າງແດນ ເພິ່ນ ມາເຫັນຈະເປັນການຂາຍໜ້າຂາຍຕາໃນຄວາມສົກກະປົກຂອງບ້ານເຮົາ, ສ່ວນໃນເລື່ອງ ອື່ນໆນັ້ນຊາເຫັນໃນປີຜ່ານໆ ມາມັນກໍດີໝົດທຸກຢ່າງແລ້ວ ຕາມທິດກ່ຳວ່າ!.