ທີມຊາດຍິງ U16 ລາວ ພົບວຽກໜັກ ໃນການແຂ່ງຂັນ U16 ຊີງແຊ້ມອາຊີ 2019
ສະຫະພັນບານເຕະອາຊີ (AFC) ປະກາດຜົນຈັບສະຫຼາກແບ່ງກຸ່ມ ຮອບຄັດເລືອກ ຮອບ 2 ບານເຕະຍິງ U16 ຊີງແຊ້ມອາຊີ 2019 ທີ່ ສປປ ລາວ ແລະ ມຽນມາ ເປັນເຈົ້າພາບ ລະຫວ່າງ 27 ກຸມພາ ຫາ 3 ມີນາ 2019.
ກຸ່ມ A ປະກອບມີ: ລາວ ເຈົ້າພາບ, ອົດສະຕຣາລີ, ຫວຽດນາມ ແລະ ອີຣານ.
ນັດທີ 1 ວັນທີ 27 ກຸມພາ 2019 ລາວ ພົບ ຫວຽດນາມ ແລະ ອົດສະຕາລີ ພົບ ອີຣານ; ນັດທີ 2 ວັນທີ 1 ມີນາ 2019 ລາວ ພົບ ອີຣານ ແລະ ຫວຽດນາມ ພົບ ອົດສະຕຣາລີ; ນັດທີ 3 ວັນທີ 3 ມີນາ 2019 ລາວ ພົບ ອົດສະຕຣາລີ ແລະ ຫວຽດນາມ ພົບ ອີຣານ.
ສ່ວນກຸ່ມ B ປະກອບມີ: ມຽນມາ ເຈົ້າພາບ, ຈີນ, ຟິລິບປິນ ແລະ ບັງກະລາເທດ. ນັດທີ 1 ວັນທີ 27 ກຸມພາ 2019 ມຽນມາ ພົບ ຈີນ ແລະ ບັງກະລາເທດ ພົບ ຟິລິບປິນ; ນັດທີ 2 ວັນທີ 1 ມີນາ 2019 ມຽນມາ ພົບ ບັງກະລາເທດ ແລະ ຈີນ ພົບ ຟິລິບປິນ; ນັດທີ 3 ວັນທີ 3 ມີນາ 2019 ມຽນມາ ພົບ ຟິລິບປິນ ແລະ ບັງກະລາເທດ ພົບ ຈີນ.
ໂດຍຈະເອົາອັນດັບ 1, 2 ຂອງກຸ່ມ A ແລະ B ເຂົ້າຮອບສຸດທ້າຍທີ່ປະເທດໄທເປັນເຈົ້າພາບ ໂດຍມີ 4 ທີມສິດຢືນຖ້າຄື ເຈົ້າພາບໄທ, ສປປ ເກົາຫຼີ ແຊ້ມເກົ່າ 2017, ສ.ເກົາຫຼີ ຮອງແຊ້ມ 2017 ແລະ ຍີ່ປຸ່ນ ອັນດັບ 3 ປີ 2017.
