ຟານເດີຟາດ ປະກາດລາອອກຈາກວົງການບານເຕະແລ້ວ
ຣາຟາເອລ ຟານ ເດິ ຟາດ ລາອອກຈາກວົງການບານເຕະແລ້ວ ຫລັງຈາກມີອາການບາດເຈັບເລື້ອຍໆ ໂດຍລາວກ່າວວ່າ: ນີ້ເປັນການຕັດສິນໃຈທີ່ຍາກລຳບາກສຸດໆ.
ຣາຟາເອລ ຟານ ເດິ ຟາດ ກອງກາງຄົນດັງຊາວດັດ ປະກາດເລີກຫລິ້ນບານເຕະອາຊີບເປັນທີ່ຮຽບຮ້ອຍແລ້ວ ດ້ວຍໄວ 35 ປີ.
ກ່ອນໜ້ານີ້ ຟານ ເດິ ຟາດ ຍັງມີຄວາມຕັ້ງໃຈຈະໂຊຝີຕີນໃນສະໜາມຕໍ່ໄປ ຈົນເຊັນສັນຍາກັບ ເອສເບິກ ທີມໃນລີກສູງສຸດຂອງປະເທດເດນມາກ ແຕ່ລາວມີອາການບາດເຈັບຕະຫລອດ ຈົນເຮັດໃຫ້ໄດ້ລົງຫລິ້ນໃນລີກໄປພຽງ 3 ນັດເທົ່ານັ້ນ.
ສຳລັບ ຟານ ເດິ ຟາດ ນັ້ນ ເລີ່ມເສັ້ນທາງການເປັນນັກເຕະອາຊີບກັບ ອາແຈັກ ອຳສະເຕີດຳ ໃນປີ 2000 ກ່ອນຈະໄດ້ຍ້າຍໄປຢູ່ກັບ ຮຳບູກ ໃນປີ 2005 ແລ້ວໄປຢູ່ກັບ ຣີລ ມາດຣິດ ໃນປີ 2008 ກັບ ທ໊ອດແນມ ຮ໊ອດສະເປີ ໃນປີ 2010 ໂດຍຫລັງອອກຈາກ ສະເປີ ໃນປີ 2012 ແລ້ວນັ້ນ ລາວໄດ້ກັບໄປຢູ່ກັບ ຮຳບູກ ແລະ ໄປຫລິ້ນໃຫ້ ຣີລ ເບຕິສ ກັບ ມິດທິລແລນ ກ່ອນຈະມາຢູ່ກັບ ເອສເບິກ ເປັນທີມສຸດທ້າຍ.
ຂະນະທີ່ຜົນງານການຮັບໃຊ້ທີມຊາດຮອລແລນນັ້ນ ຟານ ເດິ ຟາດ ລົງຫລິ້ນໃຫ້ທີມຊຸດໃຫຍ່ຂອງ ຮອລແລນ ໄປທັງໝົດ 109 ນັດ ແລະ ຍິງໄດ້ 25 ປະຕູ ໂດຍລາວຢູ່ໃນທີມຊຸດທີ່ໄດ້ຮອງແຊ້ມບານໂລກ 2010 ນຳອີກ.
