ປາກຽວ ເຜີຍອາດເຈລະຈາຊົກກັບ ຟລອຍ ອີກປີໜ້າ
ແມນນີ ປາກຽວ ລະບຸເອງ ມີໂອກາດສູງທີ່ປີໜ້າຕົນກັບ ຟລອຍ ເມເວດເທີ ຈູເນຍ ຈະຫາລືກັນເລື່ອງກັບມາຊົກ ພ້ອມກ່າວວ່າ ການຊົກກ່ອນໜ້ານີ້ ຕົນບໍ່ສົມຄວນເສຍ.
ແມນນີ ປາກຽວ ນັກມວຍຊື່ດັງຊາວຟີລິບປິນ ເປີດເຜີຍວ່າ: ມີຄວາມເປັນໄປໄດ້ສູງທີ່ຕົນກັບ ຟລອຍ ເມເວດເທີ ຈູເນຍ ຈະເຈລະຈາເຖິງເລື່ອງການກັບມາຊົກກັນໃນປີໜ້າ.
ຫລາຍຄົນເຄີຍຢາກເຫັນ ປາກຽວ ກັບ ເມເວດເທີ ຈູເນຍ ມາຊົກກັນຫລາຍ ຫລັງຈາກທັງສອງຕ່າງເປັນຍອດນັກຊົກແຫ່ງຍຸກ ຈົນໃນທີ່ສຸດພວກເຂົາມາຊົກກັນເມື່ອປະມານ 3 ປີກ່ອນ ໂດຍຄັ້ງນີ້ນັກຊົກຊາວອາເມລິກາຊະນະຄະແນນໄປແບບເອກະສັນ.
ເຖິງຢ່າງໃດກໍຕາມ, ປາກຽວ ບໍ່ພໍໃຈຕໍ່ຄຳຕັດສິນດັ່ງກ່າວ ເພາະເບິ່ງວ່າ ເມເວດເທີ ຈູເນຍ ບໍ່ໄດ້ອອກມັດຫລາຍ ແລະ ແລ່ນໄປແລ່ນມາອ້ອມເວທີຫລາຍກວ່າ ເຊິ່ງນັ້ນເຮັດໃຫ້ຜ່ານມາມີກະແສກ່ຽວກັບການກັບຄືນຊົກຂອງພວກເຂົາເລື້ອຍໆ.
