ໂຄງການເຮັດໝັນໝາ ແລະ ແມວໂດຍບໍ່ເສຍຄ່າ
ໃນວັນທີ 2 – 4 ພະຈິກນີ້, ອົງການ World Vets International Aid for Animal ຈາກ ສະຫະລັດ ອາເມຣິກາ ແລະ Vientiane Dog Paradise (ສູນຝຶກສອນໝາຄຳ ຮູ້ວຽງຈັນ) ໄດ້ຈັດໂຄງການ ເຮັດໝັນໝາ ແລະ ແມວ ໂດຍ ບໍ່ເສຍຄ່າຂຶ້ນເປັນຄັ້ງທຳອິດ ທີ່ ສູນຝຶກສອນໝາຄຳຮູ້ວຽງຈັນ ບ້ານ ດົງສະຫວາດ, ເມືອງ ສີສັດຕະນາກ ນະຄອນຫຼວງວຽງຈັນແລະ ໄດ້ຮັບການຮ່ວມມືຊ່ວຍເຫຼືອຈາກກົມປະ ມົງລ້ຽງສັດນະຄອນຫລວງ ວຽງຈັນ.
+ ຮັກງົວຄວາຍໃຫ້ຜູກຮັກລູກໃຫ້ຕີ2018/
+ ລາວເພີ່ມທະວີສະກັດກັ້ນເຊື້ອໄວຣັດວໍ້ຈາກສັດລ້ຽງ2018/
ໂຄງການເຮັດໝັນໝາ ແລະ ແມວ ເພື່ອໃຫ້ບໍລິການ ດ້ານສັດຕະວະແພດໂດຍບໍ່ ເສຍຄ່າ, ເຊິ່ງການໃຫ້ບໍລິການ ດ້ານສັດຕະວະແພດຄື: ເຮັດ ໝັນໝາ ແລະ ແມວ ທັງເພດຜູ້ ແລະ ເພດແມ່, ກວດສຸຂະພາບ, ໃຫ້ຄຳປຶກສາ, ປິ່ນປົວສັດປ່ວຍ ແລະ ບາດເຈັບ, ໃຫ້ຢາປ້ອງ ກັນເຫັບ-ໝັດ, ສັກຢາວັກ ຊີນປ້ອງກັນພະຍາດວໍ້, ປິ່ນ ປົວ ແລະ ຜ່າຕັດຕາມກໍລະນີ ຕ່າງໆ ໂດຍບໍ່ເສຍຄ່າໃດໆ.
ສຳລັບສັດລ້ຽງທີ່ມາ ຮັບບໍລິການເຮັດໝັນ ຫຼື ຮັບ ການຜ່າຕັດຕ້ອງງົດອາຫານ ແລະ ນຳ້ 12 ຊົ່ວໂມງ ກ່ອນເຂົ້າ ຮັບການຜ່າຕັດ.
ນອກຈາກນີ້ການເຮັດ ໝັນຍັງມີຜົນປະໂຫຍດ ໃຫ້ແກ່ ໝາ ແລະ ແມວຄື: ຫຼຸດຜ່ອນ ການຮຸກຮານ, ຫຼຸດຜ່ອນການ ຂັບຖ່າຍໂລເລ, ຫຼຸດຜ່ອນການ ໜີອອກນອກອານາເຂດ, ຫຼຸດ ຜ່ອນຄວາມສ່ຽງພະຍາດ ມະເຮັງບາງຊະນິດ, ຫຼຸດຜ່ອນ ຈຳນວນປະຊາກອນຂອງສັດ ລ້ຽງ ແລະ ເພີ່ມອາຍຸໄຂຂອງ ສັດລ້ຽງໄດ້ເຖິງ 3-5 ປີ.
