ຄະນະພາສາສາດ ແລະ ກອງວິຊາການຂ່າວສານ-ໜັງສືພິມຕົກລົງຮ່ວມມືດ້ານວິຊາການ

ໃນວັນທີ 2 ພະຈິກນີ້ ຄະນະ ພາສາສາດ ມສ ສຸພານຸວົງ ແລະ ກອງວິຊາການຂ່າວສານ- ໜັງສືພີມ ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ແຂວງຫລວງພະບາງ ໄດ້ຮ່ວມກັນລົງນາມສັນຍາ ຮ່ວມມື ດ້ານວິຊາການຂ່າວ ສານ-ໜັງສືພີມຂຶ້ນທີ່ມະຫາ ວິທະຍາໄລສຸພານຸວົງ ລະຫວ່າງ ທ່ານ ນາງ ມະນີວັນ ສຸດຕະພົງ ຫົວໜ້າກອງວິຊາການຂ່າວ ສານ-ໜັງສືພີມ ພະແນກ ຖວທ ແຂວງຫລວງພະບາງ ແລະ ທ່ານ ສຸລິເດດ ແກ້ວບົວລະເພັດ ຄະນະບໍດີ ຄະນະພາສາສາດ ມສ ສຸພານຸວົງ ພ້ອມດ້ວຍຄະນະນຳ ແລະ ວິຊາການທັງສອງຝ່າຍ ເຂົ້າຮ່ວມນຳດ້ວຍ.

+ ຂ່າວດີ! ລາວມີແອບພລີເຄຊັນກົດໝາຍແລ້ວ2018/

+ 12 ປີໜັງສືພິມລາວພັດທະນານ້ອງໃໝ່ລາຍວັນ2018/

ເນື້ອໃນຂອງສັນຍາລະບຸ ວ່າ: ຄະນະພາສາສາດ ມສ ສຸພານຸວົງ ຈະຮັບຜິດຊອບ ດ້ານ ເນື້ອໃນຄໍລຳ ພັດທະນາມະຫາ ວິທະຍາໄລສຸພານຸວົງ, ສະໜອງຂ່າວ, ບົດເລື່ອງສັ້ນ, ກາບກອນ ແລະ ບົດຂຽນຕ່າງໆ ຫຼື ຂໍ້ມູນ ຂອງມະຫາວິທະຍາໄລສຸ ພານຸ ວົງ ທີ່ຕ້ອງການລົງຂ່າວ ສົ່ງໃຫ້ ບັນນາທິການໜັງສືພິມຫຼວງ ພະບາງໃໝ່ ທຸກໆວັນທີ 12 ແລະ ວັນທີ 26 ຂອງທຸກໆເດືອນ, ມີ ໜ້າທີ່ຈຳໜ່າຍໜັງສືພິມຫຼວງພະບາງໃໝ່ ໃຫ້ແກ່ທຸກພາກ ສ່ວນທີ່ຕ້ອງການ ໃນມະຫາວິ ທະຍາໄລສຸພານຸວົງໃຫ້ໄດ້ 30 ສະບັບຂຶ້ນໄປ ໃນລາຄາ 5.000 ກີບ ຕໍ່ສະບັບ.

ສຳລັບ ກອງວິຊາ ການ ຂ່າວສານໜັງສືພິມ ແມ່ນຕົກລົງ ໃຫ້ການຮ່ວມມືກັບຄະນະພາ ສາສາດ ມະຫາວິທະຍາໄລ ສຸ ພານຸວົງ ໃນການເປັນສະຖານທີ່ ເພື່ອນໍາພານັກສຶກສາລົງທັດ ສະນະສຶກສາ ແລະ ເຝິກງານ ຕົວຈິງ, ຈັດວາງເນື້ອທີ່ໂຄສະ ນາໃນຂະໜາດ 1/4 ຂອງໜ້າ ໜັງສືພິມ ດ້ວຍຄໍລຳທີ່ມີຊື່ວ່າ: ພັດທະນາມະຫາວິທະຍາໄລ ສຸພານຸວົງ ພ້ອມກວດແກ້ເນື້ອ ໃນບົດຂ່າວບົດຂຽນຕ່າງໆໃຫ້ ຖືກຕ້ອງ.