ສພຊ ສ້າງຄວາມເຂົ້າໃຈກ່ຽວກັບຊົນເຜົ່າ “ບຣູ” ໃຫ້ແກ່ ສສຊ
ໃນວັນທີ 5 ພະຈິກນີ້ ກໍາມາທິການບັນດາເຜົ່າ (ກບຜ) ສະພາແຫ່ງຊາດ (ສພຊ) ໄດ້ຈັດກອງປະຊຸມ ສໍາມະນາເພື່ອສ້າງຄວາມເຂົ້າ ໃຈກ່ຽວກັບຊົນເຜົ່າທີ່ມີຊື່ເອີ້ນ ວ່າ “ບຣູ” ໃຫ້ແກ່ສະມາຊິກ ສະພາແຫ່ງຊາດ (ສສຊ) ໃນ ບັນດາແຂວງທີ່ມີແຊງດັ່ງກ່າວ ຂຶ້ນທີ່ ເມືອງທ່າແຂກ ແຂວງ ຄໍາມ່ວນ ໂດຍການເປັນປະທານ ຂອງທ່ານ ພົທ. ແສງນວນ ໄຊ ຍະລາດ ຮອງປະທານ ສພຊ, ມີ ທ່ານ ໂອໄດ ສຸດາພອນ ເຈົ້າ ແຂວງຄໍາມ່ວນ, ທ່ານລັດຖະມົນ ຕີກະຊວງພາຍໃນ ແລະ ພາກ ສ່ວນຕ່າງໆ ເຂົ້າຮ່ວມ.
+ ຫົວພັນເຜີຍແຜ່ຜົນສຳເລັດກອງປະຊຸມສາມັນເທື່ອທີ 4 ຂອງ ສພຊ ແລະ ສພຂ2018/
ກອງປະຊຸມ ໄດ້ຮັບຟັງ ການລາຍງານຜົນຂອງກອງ ປະຊຸມເປີດກວ້າງກ່ຽວກັບຊື່ ເອີ້ນຊົນເຜົ່າ “ບຣູ” ຢູ່ສະຫວັນ ນະເຂດ ແລະ ນະຄອນຫລວງ ວຽງຈັນ ຈາກຮອງປະທານ ສູນກາງແນວລາວສ້າງຊາດ; ຜົນການຕິດຕາມກວດກາມະຕິ 213/ສພຊ ແລະທັດສະນະ ລວມຂອງ ກບຜ ກ່ຽວກັບການ ຄົ້ນຄວ້າຊົນເຜົ່າທີ່ມີຊື່ເອີ້ນວ່າ ບຣູ ຈາກປະທານກໍາມາ ທິການ ກບຜ ແລະ ຫລັກການຊົນເຜົ່າ ສາກົນຢູ່ລາວຈາກ ຮອງປະ ທານສະຖາບັນວິທະຍາສາດ ສັງຄົມແຫ່ງຊາດ.
ໃນໂອກາດດັ່ງກ່າວ, ທ່ານ ປະທານກອງປະຊຸມໄດ້ມີຄໍາ ເຫັນຊີ້ນໍາວ່າ: ກອງປະຊຸມສະ ໄໝ ສາມັນເທື່ອທີ 6 ຂອງສະພາ ແຫ່ງຊາດຊຸດທີ VI ໃນປີ 2008 ໄດ້ຮັບຮອງຊື່ເອີ້ນ ແລະ ຈໍານວນ ຊົນເຜົ່າຢູ່ ສປປ ລາວ ຂອງພວກ ເຮົາມີ 49 ຊົນເຜົ່າ; ໃນນັ້ນຊົນ ເຜົ່າທີ່ມີຊື່ເອີ້ນວ່າ “ບຣູ”ແມ່ນ ບໍ່ໄດ້ຮັບການຮັບຮອງໃນກອງ ປະຊຸມຄັ້ງນັ້ນ ແລະ ຈາກນັ້ນ ກໍໄດ້ມີປະຊາຊົນ, ພະນັກງານ ບໍານານ ແລະ ຊັ້ນຄົນຈໍານວນ ໜຶ່ງຢູ່ແຂວງສະຫວັນນະເຂດ ໄດ້ສະເໜີເຖິງອົງການທີ່ກ່ຽວ ຂ້ອງ ໂດຍສະເພາະແມ່ນ ສພຊ, ສູນກາງແນວລາວສ້າງຊາດ, ກະຊວງພາຍໃນ, ສະຖາບັນ ວິທະຍາສາດສັງຄົມແຫ່ງ ຊາດ, ທ່ານນາຍົກລັດຖະມົນຕີ, ທ່ານຜູ້ປະຈໍາການຄະນະເລຂາທິການສູນກາງພັກ ແລະ ການ ນໍາຂັ້ນສູງຂອງພັກ-ລັດ ຫລາຍ ທ່ານ ທີ່ຢາກໄດ້ຊື່ເອີ້ນຊົນເຜົ່າ ວ່າ “ບຣູ” ແລະ ພ້ອມກັນນີ້ອົງ ການກ່ຽວຂ້ອງຂັ້ນສູນກາງ ກໍໄດ້ຮັບການຊີ້ນໍາຈາກການ ນໍາຂັ້ນສູງໃຫ້ຮີບຮ້ອນດໍາເນີນ ການຄົ້ນຄວ້າບັນຫາດັ່ງກ່າວ; ເພາະບັນຫາຊື່ເອີ້ນຊົນເຜົ່າ “ບຣູ” ໄດ້ເປັນບັນຫາທີ່ແກ່ ຍາວມາ ເປັນເວລາເກືອບ 10 ປີ ແລ້ວ ແລະ ໃນປີ 2018 ນີ້ ຄະ ນະຮັບຜິດຊອບການຄົ້ນຄວ້າ ກ່ຽວກັບບັນຫາຊື່ເອີ້ນຊົນເຜົ່າ ດັ່ງກ່າວ ກໍໄດ້ປະຕິບັດໜ້າທີ່ ຄົ້ນຄວ້າປຶກສາຫາລື, ຈັດກອງ ປະຊຸມສໍາມະນາທາບທາມ ຄວາມຄິດເຫັນຈາກສັງຄົມ ແລະ ຊັ້ນຄົນຕ່າງໆ ພ້ອມທັງ ຂໍທິດຊີ້ນໍາຈາກຂັ້ນເທິງເປັນ ໄລຍະໄລຍະ ໃນນີ້ພວກເຮົາ ກໍໄດ້ຈັດກອງປະຊຸມສໍາມະນາ 2 ຄັ້ງ; ຄັ້ງໜຶ່ງຈັດຢູ່ແຂວງ ສະຫວັນນະເຂດ ແລະ ຄັ້ງທີ ສອງຢູ່ນະຄອນຫລວງວຽງຈັນ ເຊິ່ງຜ່ານການຮັບຟັງຄວາມຄິດ ເຫັນໃນກອງປະຊຸມນັ້ນ ໂດຍ ລວມແມ່ນເຫັນດີໃຫ້ຮັບຮອງ ເອົາຊື່ເອີ້ນຊົນເຜົ່າ “ບຣູ” ເຂົ້າ ໃນວົງຄະນະຍາດແຫ່ງຊາດ.
