ຮອງນາຍົກລັດຖະມົນຕີຕິດຕາມການຍົກຍ້າຍປະຊາຊົນຂອງໂຄງການເຂື່ອນໄຟຟ້າເຊຂະໜານ 1
ໃນໂອກາດລົງເຄື່ອນໄຫວຢຽ້ມຢາມ ແລະ ຕິດຕາມຄວາມຄືບໜ້າການຟື້ນຟູຊີວິດການເປັນຢູ່ຂອງປະຊາຊົນ ຢູ່ເມືອງໜາມໄຊ ໃນລະຫວ່າງ ວັນທີ 2-3 ພະຈິກນີ້, ທ່ານ ສອນໄຊ ສີພັນດອນ ຮອງນາຍົກນາຍົກລັດຖະມົນຕີ ປະທານຄະນະກໍາມະການສະເພາະກິດແກ້ໄຂໄພພິພັດລະດັບຊາດ ພອ້ມດວ້ຍຄະນະ ໄດ້ສືບຕໍ່ຕິດຕາມໂຄງການຈັດສັນທີ່ຢູ່ອາໃສໃຫ້ແກ່ປະຊາຊົນ ທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້າເຊຂະໜານ 1 ຢູ່ເມືອງ ຊານໄຊ, ແຂວງອັດຕະປື
ໃນໂອກາດນີ້, ທ່ານ ສອນໄຊ ສີພັນດອນ ໄດ້ໃຫ້ກຽດໂອ້ລົມປະຊາຊົນ ແລະ ຄະນະຮັບຜິດຊອບໂຄງການກໍ່ສ້າງເຂື່ອນໄຟຟ້າເຊຂະໝານ 1 ຊຶ່ງໄດ້ ສະແດງຄວາມຍ້ອງຍໍຊົມເຊີຍຕໍ່ຜູ້ຮັບຜິດຊອບໂຄງການທີ່ໄດ້ເອົາໃຈໃສ່ໃນການຈັດຕັ້ງປະຕິບັດວຽກງານການຍົກຍ້າຍຈັດສັນທີ່ຢູ່ອາໃສ ແລະ ກໍ່ສ້າງບັນດາພື້ນຖານໂຄງລ່າງໃຫ້ແກ່ປະຊາຊົນ. ພ້ອມໄດ້ເນັ້ນໃຫ້ອໍານນາດການປົກຄອງເມືອງເອົາໃຈໃສ່ປະສານສົມທົບກັບຜູ້ຮັບຜິດຊອບໂຄງການດັ່ງກ່າວ, ເພື່ອຈັດຕັ້ງປະຕິບັດດ້ານວຽກງານຕ່າງໆຕາມທີ່ໄດ້ຕົກລົງກັນໃຫ້ສາມາດດຳເນີນໄປມີຜົນສໍາເລັດ, ໂດຍສະເພາະແມ່ນວຽກງານຈັດສັນອາຊີບໃຫ້ປະຊາ ຊົນ, ການສ້າງເສດຖະກິດຄອບຄົວ, ການຈັດສັນເນື້ອທີ່ທໍາການຜະລິດ, ການຊຸກຍູ້ສົ່ງເສີມການປູກ-ການລ້ຽງ ແລະ ການຜະລິດເປັນສິນຄ້າຂອງປະຊາຊົນ, ວຽກງານສາທາລະນະສຸກ, ການສະໜອງນໍ້າສະອາດ ເພື່ອຕອບສະໜອງໃຫ້ປະຊາຊົນທີ່ໄດ້ຮັບຜົນກະທົບໃຫ້ມີຊີວິດການເປັນຢູ່ທີ່ດີຂຶ້ນກວ່າເກົ່າ ແລະ ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ຮັກສາຄວາມສາມັກຄີພາຍໃຫ້ໜັກແໜ້ນເຂັ້ມແຂງ ຄື: ບ້ານຫີນດໍາ, ບ້ານດອນແຄນ ແລະ ບ້ານຕັງເກີ, ມີ 815 ຄົວເຮືອນ.
