ທຶນມະນຸດເປັນຊັບພະຍາກອນທີ່ຕ້ອງມາກ່ອນ
ໂດຍ: ທິດກ່ຳ
ໃນເງື່ອນໄຂທີ່ປະເທດຊາດຂອງພວກເຮົາພວມກ້າວເຂົ້າສູ້ຍຸກແຫ່ງການສ້າງສາພັດທະນາພັກ ແລະ ລັດຖະບານເຮົາໄດ້ ກຳນົດເອົາ 4 ບຸກທະລຸເປັນເປົ້າ ໝາຍສະຫະສະວັດໃນ ການພັດທະນາເພື່ອລົບລ້າງຄວາມທຸກຍາກ ແລະ ດ້ອຍພັດທະນາຂອງປະເທດ.
ໜຶ່ງໃນ 4 ບຸກທະລຸທີ່ວ່ານີ້ ແມ່ນບັນຫາການສ້າງຊັບພະຍາກອນມະນຸດຫລືເອີ້ນກັນຢ່າງໜຶ່ງແມ່ນທຶນມະນຸດ.
+ ເບິ່ງນະໂຍບາຍປ້ອງກັນສິ່ງແວດລ້ອມ ແລະ ຮັກສາຊັບພະຍາກອນທຳມະຊາດຢູ່ບາງປະເທດ2018/
+ ເຍົາວະຊົນເປັນຊັບພະຍາກອນອັນປະເສີດຂອງຊາດ2018/
ໃນໄລຍະຜ່ານມາ, ເຮົາເຫັນ ວ່າ ນັບແຕ່ແຜນການພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 7, ຄັ້ງທີ8, ຄັ້ງທີ 9 ແລະ ຄັ້ງທີ 10 ຂອງພັກກໍແມ່ນຕ້ອງ ນຳພາປະເທດຊາດໃຫ້ໄປ ເຖິງເປົ້າໃນປີ 2020 ທີ່ຈະມາ ເຖິງໃນມໍ່ໆນີ້.
ແຕ່ກໍເຫັນວ່າໃນປີທີ່ຜ່ານ ມາທາງອົງການສະຫະປະຊາ ຊາດໄດ້ມີການກວດກາຕາມມາດຕະຖານເງື່ອນໄຂເຫັນວ່າຍັງ ບໍ່ທັນໄດ້ຕາມຄວາມຫວັງຍ້ອນຍັງຂາດມາດຕະຖານຄວາມ ບອບບາງທາງດ້ານເສດຖະກິດ.
ສະນັ້ນ, ອາດແກ່ຍາວໄປ ຮອດ ປີ 2023 ຫລື 2024 ຈຶ່ງຈະສາມາດເຮັດສຳເລັດ ຕາມເປົ້າ ໝາຍທີ່ວາງໄວ້ນີ້ກໍ ສະແດງວ່າຕ້ອງມີການແກ່ຍາວຊັກຊ້າໄປຕື່ມອີກ 5 ຫລື 6 ປີ ຂ້າງໜ້າຈຶ່ງຈະເຫັນຜົນຢ່າງ ເປັນຮູບປະທຳ.
ແນວໃດກໍຕາມ, ໃນກອງ ປະຊຸມຄົບຄະນະບໍລິຫານງານ ສູນກາງພັກຄັ້ງທີ 7 ສະໄໝທີ X ເຊິ່ງໄດ້ໄຂຂຶ້ນໃນວັນທີ 22-30 ຕຸລາທີ່ຜ່ານມາພັກ ແລະ ລັດຖະ ບານເຮົາຕ່າງກໍຢືນຢັນ ຢ່າງເຕັມ ຕົວວ່າຈະນຳພາປະເທດຊາດ ໃຫ້ຫລຸດພົ້ນອອກຈາກສະຖາ ນະພາບຄວາມທຸກຍາກ ແລະ ດ້ອຍພັດທະນາໃນປີ 2024 ຢ່າງ ແນ່ນອນ.
ໃນວັນທີ 30 ເດືອນຕຸລາ ຜ່ານມານີ້, ກໍໄດ້ມີແຫລງຂ່າວ ຈາກສື່ອອນລາຍລາວໂພສ (Lao post) ໄດ້ມີການອອກ ຂ່າວຕື່ມວ່າ, ທາງທະນາຄານ ໂລກໄດ້ເລື່ອນສະຖານະປະ ເທດລາວທີ່ນອນຢູ່ໃນບັນຊີ ລາຍຮັບຕ່ຳຂຶ້ນມາເປັນລາຍ ຮັບປານກາງແລ້ວ.
ນີ້ຄືສິ່ງໜຶ່ງທີ່ຢັ້ງຢືນວ່າ ໃນປີ 2024 ລາວເຮົາຕ້ອງໄດ້ ສະເຫລີມສະຫລອງໄຊຊະ ນະທັງປະກາດສັກສີຂອງຕົນ ອອກຈາກປະເທດທີ່ທຸກຍາກ ແລະ ດ້ອຍພັດທະນາຢ່າງມີ ຄວາມຫວັງ.
ເຖິງຢ່າງໃດກໍດີ, ຕາມ ເຮົາວ່າກວ່າຈະເດີນທາງໄປ ເຖິງຈຸດໝາຍປາຍທາງນັ້ນ, ອັນສຳຄັນກວ່າໝູ່ເຮົາຕ້ອງ ມີທຶນເປັນທີ່ຕັ້ງ ເຊັ່ນວ່າ ທຶນ ຊັບພະຍາກອນມະນຸດ ຫລື ວ່າ ທຶນມະນຸດມາເປັນຕົວຊີ້ວັດ, ເປັນຫຍັງຈຶ່ງວ່າແນວນັ້ນ? ຍ້ອນ ວ່າທຸກສິ່ງທຸກຢ່າງກ່ອນຈະ ເຮັດຫຍັງທຳຫຍັງລົງໄປມັນ ກໍຕ້ອງແມ່ນຄົນເຮົາເປັນຜູ້ ເຮັດ, ເປັນຜູ້ສ້າງມັນຂຶ້ນມາ, ຢາກໄດ້ໜ້ອຍໄດ້ຫລາຍກໍ ຍ້ອນຄົນ, ຢາກກິນໜ້ອຍກິນ ຫລາຍກໍແມ່ນຂຶ້ນຢູ່ກັບຄົນ.
ໃນລະຫວ່າງຕົ້ນທຶນ ນີ້ມັນ ກໍຍ່ອມສະແດງອອກ 2 ດ້ານຄື: ການສ້າງທຶນມະນຸດມັນກໍຕ້ອງຜ່ານແຕ່ນ້ອຍຫາໃຫຍ່, ແຕ່ ຕ່ຳຫາສູງ, ກ່ອນອື່ນແມ່ນຕ້ອງ ສ້າງໃຫ້ເປັນຄົນເກັ່ງໆ, ມີຫົວ ຄິດປັນຍາເປັນເລີດ, ມີສຸຂະ ພາບແຂ່ງແຮງ, ມີຄວາມສັດ ຊື່ບໍລິສຸດ, ມີສິນທຳປະຈຳໃຈ, ມີຈັນຍາບັນ, ຈົ່ງຮັກພັກດີຕໍ່ປະ ເທດຊາດຖືເອົາຜົນປະໂຫຍດ ຂອງຊາດ ແລະ ຂອງປະຊາຊົນ ເປັນໃຫຍ່.
ສ່ວນວ່າບັນຫາກ່ຽວກັບ ການນຳໃຊ້ທຶນນັ້ນ, ໃນເມື່ອສ້າງ ໄດ້ຜູ້ເກັ່ງໆແລ້ວກໍຕ້ອງນຳໃຊ້ ເຂົາໃຫ້ໝົດຄຸນຄ່າ, ຮັບເອົາ ຄົນຜູ້ທີ່ເກັ່ງໆ ເຂົ້າມາເຮັດວຽກ ຕາມມາດຕະຖານຄວາມຮູ້ ຄວາມສາມາດຢ່າງແທ້ຈິງ, ບໍ່ ຄວນຮັບເອົາຄົນທີ່ບໍ່ເປັນຕາສາ ເທດເຂົ້າເຮັດວຽກໃນກົງຈັກ ບໍລິຫານຂອງລັດ ຫລື ອົງການ ປົກຄອງບ້ານເມືອງ.
ອັນສຳຄັນທີ່ສຸດແມ່ນພະ ຍາຍາມຫລີກລ້ຽງຄົນໂລບມາກໂລພາ, ສໍ້ລາດບັງຫລວງ, ເຫັນ ແກ່ແຕ່ຜົນປະໂຫຍດຂອງ ຕົນ ເອງບໍ່ເຫັນຜົນປະໂຫຍດຂອງ ຊາດ ແລະ ຂອງປະຊາຊົນເພາະ ຄົນພວກ ນີ້ລະມັນຈະພາເພ ແລະ ເຮັດໃຫ້ບ້ານເມືອງຈິບ ຫາຍວາຍວອດ.
ໃນຫລາຍສິບປີ ຜ່ານມາ, ນັບແຕ່ປະເທດຊາດເຮົາມີການປ່ຽນແປງໃໝ່ພາຍໃຕ້ການ ນຳພາຂອງພັກ ແລະ ລັດຖະ ບານພວກເຮົາໄດ້ມີຜົນງານ ສ້າງສາພັດທະນາປະເທດ ຊາດຢ່າງ ໂດດເດັ່ນ ແລະ ຮອບ ດ້ານ, ດ້ານການເມືອງ ກໍມີ ສະເຖຍລະພາບໝັ້ນຄົງ ແລະ ໜັກແໜ້ນ.
ດ້ານເສດຖະກິດມີການ ຂະຫຍາຍຕົວຢ່າງຕໍ່ເນື່ອງ, ດ້ານສັງຄົມກໍມີຄວາມຈະເລີນ ຮຸ່ງເຮືອງ ແລະສະຫງົບສຸກຮົ່ມ ເຢັນ, ປະຊາຊົນຢູ່ທ່າງສ້າງສາ ແລະ ພັດທະນາປະເທດຊາດ ດ້ວຍຄວາມຕັ້ງໜ້າຫ້າວຫັນ ແລະ ເຊື້ອໝັ້ນການນຳພາຂອງ ພັກຂອງລັດຖະບານດ້ວຍ ຄວາມ ຈົງຮັກພັກດີ.
ແຕ່ໄປຄຽງຄູ່ກັນນັ້ນ, ຍັງ ມີຫລາຍຢ່າງທີ່ຍັງອືດອາດແກ້ ບໍ່ທັນຕົກກາຍເປັນສິ່ງຫຍໍ້ທໍ້ກົດ ໜ່ວງໜ່ຽວຄວາມຈະເລີນຂອງຊາດເຊັ່ນ: ການສໍ້ລາດບັງຫລວງ ຢ່າງໜັກໜ່ວງ ແລະ ເປັນວົງ ກວ້າງ, ບັນຫາຢາເສບຕິດທີ່ກຳ ເລີບເຕີບສານເປັນວົງກວ້າງ ແລະ ປະກົດການຫຍໍ້ທໍ້ອື່ນໆ ທີ່ຍັງຕິດຫ້ອຍອັດຕັນຈົນເຮັດ ໃຫ້ຊັບໃນດິນສິນໃນນ້ຳເກືອບ ວ່າກ້ຽງເອີດເຕີດ. ການເກັບລາຍ ຮັບກໍບໍ່ໄດ້ຕາມຄາດໝາຍຍ້ອນ ເງິນມັນມະຫັບມະຫາຍໄປຢູ່ ນຳບຸກຄົນ, ກຸ່ມຄົນປຽບເໝືອນ ຖອກນ້ຳໃສ່ຫົວເປັດ.
ຕາມທິດກ່ຳວ່າ, ໃນສິບ ຊາວ ປີຜ່ານມາຖ້າພວກເຮົາ ຫາກມີຄວາມເຂັ້ມແຂງເດັດ ຂາດ, ມີການກວດກາເຂັ້ມ ງວດກວດຂັນຄືດັ່ງທຸກວັນນີ້ ລາຍຮັບຂອງຊາດກໍຈະບໍ່ຮົ່ວ ໄຫລຢ່າງຫລວງຫລາຍປານ ນັ້ນ ແລະ ເຮົາກໍຄິດວ່າປະເທດ ຊາດອັນແສນຮັກ ແລະ ຫວງ ແຫນຂອງພວກເຮົາຕ້ອງໄດ້ ຫລຸດພົ້ນອອກຈາກຄວາມທຸກ ຍາກ ແລະ ດ້ອຍພັດທະນາມາ ຕັ້ງແຕ່ມື້ເຫິງ.
ຈາກສາເຫດທີ່ທິດກ່ຳ ໄດ້ ເວົ້າມາຂ້າງເທິງນີ້ມັນກໍເນື່ອງ ມາຈາກການສ້າງທຶນມະນຸດ ແລະ ການນຳໃຊ້ທຶນມະນຸດທີ່ ບໍ່ມີຄຸນນະພາບ ແລະ ບໍ່ຖືກຕ້ອງ ເໝາະສົມນັ້ນເອງ./.
