ຜູ້ອົບພະຍົບທາງໃຕ້ແມັກຊິກຜະເຊີນ ທັງສະພາບອຶດຫິວ ແລະ ພະຍາດລົມແດດ
ກຸ່ມສິດທິລາຍງານວ່າ: ກຸ່ມຜູ້ອົບພະຍົບຊາວອາເມລິກາຫລາຍຮ້ອຍຄົນໃນຂະບວນຄາລາວານຊຸດທີສອງ ແລະ ພັກຄ້າງຢູ່ລັດຊີປັສ ທາງພາກໃຕ້ຂອງແມັກຊິກ ມາແຕ່ວັນທີ 30 ຕຸລາ ຫລາຍຄົນບໍ່ສະບາຍຈາກພະຍາດລົມແດດ, ຂາດອາຫານ ແລະ ນ້ຳ.
ລັດຖະມົນຕີປ້ອງກັນປະເທດແມັກຊິກ ຖະແຫລງວ່າ: ປັດຈຸບັນມີຄາລາວານຜູ້ອົບພະຍົບຈຳນວນຫລາຍມຸ່ງໜ້າໄປທາງເໜືອ ໂດຍມີຜູ້ອົບພະຍົບຊາວອາເມລິກາກາງສູງເຖິງ 6.000 ຄົນທີ່ເດີນທາງເຂົ້າປະເທດ ເຊິ່ງໃນຈຳນວນນີ້ມີຢູ່ 2.200 ຄົນທີ່ມາຂໍລີ້ໄພໃນແມັກຊິກ ແລະ ຜູ້ອົບພະຍົບປະມານ 700 ຄົນເດີນທາງກັບປະເທດແລ້ວ. ກຸ່ມຜູ້ອົບພະຍົບທີ່ເດີນທາງຈາກຮົງດູຣັສ ແລະ ແອນຊາວາດໍ ມີຈຳນວນຫລາຍທີ່ຕ້ອງການເດີນທາງເຂົ້າໄປອາເມລິກາ, ເຖິງວ່າປະທານາທິບໍດີ ໂດນັລ ທຣຳ ຂອງອາເມລິກາ ປະກາດແລ້ວວ່າ: ຈະສະກັດກັ້ນຜູ້ລັກລອບອົບພະຍົບເຂົ້າປະເທດ ແລະ ຈະສົ່ງທະຫານມາປະຈຳການທາງຊາຍແດນຕິດແມັກຊິກ.
