ອັນຕະລາຍຈາກຖົງຜ້າ ຮັກໂລກ ແຕ່ອາດບໍ່ຮັກສຸຂະພາບ

     ຖົງຜ້າທີ່ເຮົາໃຊ້ໃສ່ສິ່ງຂອງຕ່າງໆ ໂດຍສະເພາະແມ່ນອາຫານ ອາດເກີດການປົນເປື້ອນເຊື້ອພະຍາດຕ່າງໆທີ່ເຮັດໃຫ້ເຮົາເຈັບປ່ວຍໄດ້. ເຊື້ອພະຍາດທີ່ພົບໄດ້ຫລາຍແມ່ນເຊື້ອອີໂຄໄລ ຊາລໂມເນນລາ ທີ່ອາດປົນເປື້ອນມາກັບອາຫານຕ່າງໆ ນັບຕັ້ງແຕ່ອາ ຫານແຫ້ງ ໄປຈົນເຖິງອາຫານສົດ ໂດຍສະເພາະໄຂ່ໄກ່, ຊີ້ນສັດ (ທີ່ເປັນອັນຕະລາຍທັງຈາກການປົນເປື້ອນເຊື້ອພະຍາດຈາກຊີ້ນສັດສົດ ຫລື ການປົນເປື້ອນເຊື້ອພະຍາດຢູ່ປລາສະຕິກທີ່ຫຸ້ມຫໍ່ຊີ້ນສັດອີກຊັ້ນໜຶ່ງ) ຜັກ – ໝາກໄມ້ຕ່າງໆ ເຊື້ອພະຍາດເຫລົ່ານີ້ອາດຕິດຢູ່ໃນຖົງຜ້າໄດ້ດົນກ່ວາຖົງປລາສະຕິກທີ່ເຮົາອາດໃຊ້ແລ້ວຖິ້ມ. ດັ່ງນັ້ນ, ຫາກເຮົາເຮັດຖົງຜ້າມາໃຊ້ໃສ່ອາຫານຕໍ່ໂດຍບໍ່ມີການເຮັດຄວາມສະອາດໃຫ້ດີ ເຮົາອາດໄດ້ກິນອາຫານທີ່ຕິດເຊື້ອພະຍາດເຫລົ່ານີ້ຈົນ ເຮັດໃຫ້ເກີດອາການຖອກທ້ອງໄດ້ ນັບແຕ່ 1 – 7 ມື້.

     – ວິທີໃຊ້ຖົງຜ້າຢ່າງປອດໄພຕໍ່ຮ່າງກາຍ :

1. ຊັກຖົງຜ້າທຸກເທື່ອຫລັງການໃຊ້ງານ (ໃສ່ອາຫານ) ຖ້າຊັກໃນນຳ້ຮ້ອນໄດ້ຍິ່ງດີ ຈະຊ່ວຍກຳຈັດເຊື້ອພະຍາດໄດ້ຫລາຍຂຶ້ນ, ຢ່າລືມຕາກແດດໃຫ້ແຫ້ງດີກ່ອນໃຊ້ງານ.
2. ແຍກຖົງຜ້າລະຫ່ວາງຖົງທີ່ໃສ່ຊີ້ນສັດ, ໄຂ່ໄກ່ ອອກຈາກຖົງທີ່ໃສ່ຜັກ – ໝາກໄມ້ສົດ, ແຍກຖົງຜ້າອີກໜ່ວຍໜຶ່ງສຳລັບໃສ່ອາຫານພ້ອມກິນ ຫລື ອາຫານທີ່ປຸງແຕ່ງສຸກແລ້ວ ແລະ ແຍກຖົງຜ້າອີກໜ່ວຍໜຶ່ງສຳລັບສິ່ງຂອງເຄື່ອງໃຊ້ອື່ນໆ.
3. ຕ້ອງມີຖົງຢາງປລາສະຕິກມາໃສ່ອາຫານສົດແຕ່ລະຢ່າງກ່ອນຈະເອົາໃສ່ໃນຖົງຜ້າ (ເຊັ່ນ: ຖົງປລາສະຕິກບາງໆທີ່ເອົາໄວ້ໃສ່ໝາກໄມ້ກ່ອນຊັ່ງນຳ້ໜັກ ຕິດປ້າຍລາຄາ) ແຕ່ວິທີນີ້ເປັນການໃຊ້ຖົງປລາສະຕິກຕື່ມຄືເກົ່າ ເຖິງຈະຊ່ວຍໃຫ້ສຸຂະພາບຂອງເຮົາປອດໄພຫລາຍຍິ່ງຂຶ້ນກໍຕາມ.
4. ຢ່າໃຊ້ຖົງຜ້າທີ່ເຄີຍໃຊ້ໃສ່ສິ່ງຂອງແລ້ວໄປໃສ່ອາຫານຕໍ່ອີກ ຫລື ເອົາຖົງຜ້າທີ່ເຄີຍໃຊ້ໃສ່ອາຫານແລ້ວມາໃສ່ສິ່ງຂອງອື່ນໆ ໂດຍທີ່ຍັງບໍ່ທັນໄດ້ຊັກ.