ເປີດໂຕ ສະບູຝຸ່ນ ແອັດແທັກ ອີຊີ ຮູບແບບໃໝ່
ບໍລິສັດ ຄາໂອ ຄອມເມີເຊຍ ປະເທດໄທ ຈໍາກັດ ຮ່ວມກັບ ບໍລິສັດ ສະຫວັນວາລີ ເທຣດດິ້ງ ອິມພອດ-ເອັກພອດ ຈໍາກັດ ໄດ້ຈັດງານເປີດໂຕສິນຄ້າ ສະບູຝຸ່ນ ແອັດ ແທັກ ອີຊີ ໃໝ່, ຂຶ້ນໃນວັນທີ 27 ຕຸລານີ້, ທີ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ໂທຊິຍ່າ ນິຊິໂນະ ຜູ້ບໍລິຫານບໍລິສັດ ຄາໂອ ຄອມເມີເຊຍ ປະເທດໄທ ຈໍາກັດ, ທ່ານ ນາງ ວິລະຄໍາ ສະ ຫວັນວາລີ ປະທານບໍລິສັດ ສະ ຫວັນວາລີ ເທຣດດິ້ງ ອິມພອດ- ເອັກພອດ ຈໍາກັດ, ຕົວແທນຈໍາໜ່າຍຈາກແຂວງອຸດົມໄຊ, ຫຼວງພະບາງ, ນະຄອນຫຼວງວຽຈັນ, ສະຫວັນນະເຂດ, ຈໍາປາສັກ ແລະ ມວນຊົນເຂົ້າຮ່ວມຢ່າງຫຼວງຫຼາຍ.
ທ່ານ ນາງ ກອງການ ນິການກູນ ຜູ້ຈັດການຜະລິດຕະພັນສະບູຝຸ່ນ ແອັດແທັກ ອີຊີ ຝ່າຍການຕະຫລາດ ໃຫ້ຮູ້ວ່າ: ສະບູຝຸ່ນ ແອັກແທັກ ອີຊີ ສູດໃໝ່ມີຮູບສວຍງາມໂດດເດັ່ນກວ່າເກົ່າດ້ວຍການລວມສູດທີ່ດີທີ່ສຸດຂອງ ແອັດແທັກ ອີຊີ, ພ້ອມທັງເພີ່ມປະ ສິດທິພາບຂອງພະລັງຍ່ອງຂຶ້ນ 10 ເທົ່າ ຊຶ່ງຈະຊ່ວຍໃຫ້ການຊັກ ດ້ວຍມືຍ່ອງງ່າຍຂຶ້ນ ແລະ ສະອາດກໍາຈັດຮອຍເປື້ອນອອກຈາກເສື້ອຜ້າຕ່າງໆໄດ້ຢ່າງງ່າຍດາຍກວ່າເກົ່າ ພ້ອມທັງໄລອອກງ່າຍ ຊຶ່ງໃຊ້ ໄດ້ທັງມື ແລະ ຕູ້ຊັກຜ້າ ແລະ ສະບູຝຸ່ນດັ່ງກ່າວຍັງມີກິ່ນຫອມໃຫ້ເລືອກ 4 ກິ່ນຄື: ກິ່ນແຮັບ ປີ້ ສະວີດ (Happy Sweet) ມີທັງໝົດ 6 ຂະໜາດຄື: ຂະໜາດ 120 ກຣາມ, 450 ກຣາມ, 800 ກຣາມ, 2.700 ກຣາມ, 4.500 ກຣາມ ແລະ 8.500 ກິໂລ ກຣາມ, (2). ກິ່ນຊາກຸຣະ ສະວີດ (Sakura Sweet) ມີ 5 ຂະໜາດຄື: ຂະໜາດ 120 ກຣາມ, 450 ກຣາມ, 800 ກຣາມ, 2.700 ກຣາມ, 4.500 ກຣາມ, (3). ກິ່ນເຊັກຊີ່ ສະວີດ (Sexy Sweet) ມີ 4 ຂະໜາດຄື: 120 ກຣາມ, 450 ກຣາມ, 800 ກຣາມ, 2.700 ກຣາມ ແລະ (4). ກິ່ນຮັນນີ່ ສະວີດ (Honey Sweet) ມີ 2 ຂະໜາດຄື: ຂະໜາດ 800 ກຣາມ ແລະ 2.700 ກຣາມ.
ແອັດແທັກ ອີຊີ ເປັນສະບູຝຸ່ນ ຊັກ ເຄື່ອງສູດມາດຕະຖານໄດ້ຮັບຄວາມນິຍົມເປັນອັນດັບ 1 ໃນປະ ເທດໄທ, ເລີ່ມອອກສູ່ຕະຫຼາດ ຕັ້ງແຕ່ປີ ພສ 2549 ພາຍໃຕ້ການ ຄິດຄົ້ນ ແລະ ພັດທະນາຈາກ ບໍລິສັດ ຄາໂອ ຄອບເປີເຣຊັ່ນ ປະເທດຍີ່ປຸ່ນ ໂດຍໄດ້ຮັບຄວາມນິຍົມຕະຫຼອດມາ ແລະ ໃນປີ 2018 ນີ້, ເປັນປີແຫ່ງການປັບຮູບແບບຄັ້ງສໍາຄັນ ແລະ ຄາດວ່າຈະເພີ່ມຖານລູກຄ້າໃຫ້ຫຼາຍຂຶ້ນທັງໃນປະ ເທດໄທ ແລະ ປະເທດເພື່ອນບ້ານ, ໂດຍພາຍໃຕ້ຄໍາຂວັນ “ແອັດ ແທັກ ອີຊີ ໃໝ່ ຊັກມ່ວນຮອຍ ເປື້ອນຫຼຸດອອກຄາມື” ຊຶ່ງຈະອອກຈໍາໜ່າຍຕາມຮ້ານຄ້າຕ່າງໆ ໃນປະເທດລາວ ຕັ້ງແຕ່ວັນທີ 1 ພະຈິກນີ້ ເປັນຕົ້ນໄປ.
ໃນງານເປີດໂຕດັ່ງກ່າວ, ຍັງມີການຈັບສະຫຼາກລຸ້ນຮັບຂອງລາງວັນທັງໝົດລວມມີ 15 ລາງວັນ ຄື: ມີຜູ້ໂຊກດີໄດ້ຮັບລາງວັນເປັນຜະລິດຕະພັນໄມໂຄຣເວບ 5 ລາງວັນ, ໂທລະພາບ 5 ລາງວັນ ແລະ ສາຍຄໍຄໍາ 5 ລາງວັນລາງວັນລະ 2 ສະ ຫລຶງ, ນອກນີ້, ຍັງມີການຫຼິ້ນເກມຮັບຂອງທີ່ລະນຶກອື່ນໆຈາກແອັດ ແທັກ ອີຊີ ຢ່າງຫຼວງຫຼາຍລວມມູນຄ່າຫຼາຍກວ່າ 2 ແສນບາດໄທ.
