3 ທີມດັງອັງກິດ ແຂ່ງລ່າຕົວນັກເຕະ ບາຊາ
October 31, 2018 - 5:44 PM
ອຸສມາເນ ເດມເບເລ ກອງໜ້າດາວຮຸ່ງທີມຊາດຝຣັ່ງ ຂອງທີມ ບາເຊໂລນາ ຍັງເນື້ອຫອມບໍ່ເຊົາ ເມື່ອຫລ້າສຸດມີ 3 ທີມດັງຈາກ ພຣີເມຍລີກ ອັງກິດ ຍາດແຍ່ງຕົວມາເສີມທີມ.
ເດມເບເລ ຍັງບໍ່ມີຕຳແໜ່ງຕົວຈິງໃນຖິ່ນຄຳນູ ນັບແຕ່ຍ້າຍຈາກທີມ ໂບຣຸສເຊຍ ດອດມຸນ ມາຢູ່ກັບ ບາຊາ ໃນລະດູການ 2017-18 ຈົນຮອດຕອນນີ້. ຫລ້າສຸດສື່ໃນປະເທດສະເປນ ລາຍງານວ່າ: ກອງໜ້າດາວຮຸ່ງ ໄວ 21 ປີ ຄົນນີ້ອາດຕັດສິນໃຈຍ້າຍທີມໃນຊ່ວງຕະຫລາດຊື້ຂາຍນັກເຕະຮອບ 2 ເປີດໃນເດືອນມັງກອນທີ່ຈະເຖິງນີ້.
ລາຍງານຂ່າວລະບຸອີກວ່າ: ມີຫລາຍທີມຍັກໃຫຍ່ຂອງເອີຣົບຢາກໄດ້ ເດມເບເລ ໄປເສີມເກມບຸກຂອງທີມ ໂດຍ 3 ທີມທີ່ອອກຕົວຈະແຈ້ງວ່າຕ້ອງການ ເດມເບເລ ມີ ລິເວີພູລ, ເຊລຊີ ແລະ ອາເຊນອລ ຍອດທີມຂອງອັງກິດ.
