ຣີລ ມາດຣິດ ເພີ່ມຄ່າຈ້າງລໍ້ໃຈ ໂປເຊັດຕິໂນ
October 31, 2018 - 5:41 PM
ຣີລ ມາດຣິດ ມະຫາອຳນາດບານເຕະແຫ່ງ ລາລີກາ ສະເປນ ທີ່ຫາກໍປົດ ມູເລນ ໂລເປເຕກີ ອອກຈາກຕຳແໜ່ງ ເດີນໜ້າໄລ່ລ້າ ເມົາຣິຊິໂອ ໂປເຊັດຕິໂນ ຂອງ ທ໊ອດແນມ ຮ໊ອດສະເປີ ມາເປັນຜູ້ຈັດການທີມຄົນໃໝ່ ພ້ອມຈ່າຍຄ່າຈ້າງໃຫ້ສູງເຖິງ 7 ລ້ານປອນ ເຊິ່ງສູງເປັນ 2 ເທົ່າຈາກປັດຈຸບັນ ພອດ ໄດ້ຢູ່ປີລະ 8,5 ລ້ານປອນ ສັນຍາຍາວ 5 ປີ ມູນຄ່າລວມທັງໝົດ 85 ລ້ານປອນ.
ຟໍເຣນຕິໂນ ເປເຣຊ ປະທານສະໂມສອນ ເຊື່ອວ່າ: ໂປເຊັດຕິໂນ ເປັນຕົວເລືອກສົມບູນແບບທີ່ສຸດ ດ້ວຍອາຍຸຍັງນ້ອຍພຽງ 46 ປີ ແຕ່ປະສົບການສູງ ແລະ ຍັງສ້າງເກມບຸກໄດ້ດີ. ເປເຣຊ ຮູ້ດີວ່າອາດເປັນໄປໄດ້ຍາກທີ່ຈະດຶງມາກາງລະດູການ ແຕ່ຍິນດີທີ່ຈະລໍຖ້າຈົນຈົບລະດູການນີ້.
