ເມືອງ ສີສັດຕະນາກ ລົງຈັດສັນຄວາມບໍ່ເປັນລະບຽບຕາມເສັ້ນທາງຕ່າງໆ ໃນຕົວເມືອງ
ໃນວັນທີ 31 ຕຸລາ ນີ້, ໜ່ວຍ ງານກໍ່ສ້າງຮາກ ຖານເມືອງ ສີສັດຕະນາກນະຄອນຫລວງ ວຽງຈັນ ໄດ້ລົງຈັດສັນຄວາມ ບໍ່ເປັນລະບຽບຮຽບຮ້ອຍຕາມ ເສັ້ນທາງຕ່າງໆ ຢູ່ເຂດບ້ານ ທົ່ງພານທອງ, ສະພານທອງ ເໜືອ , ໂດຍສະເພາະການແກ້ ໄຂເທີບເງີບ ແລະ ການຂາຍ ເຄື່ອງ ຊະຊາຍຕາມທາງຍ່າງ, ເຊິ່ງຈະເລັ່ງແກ້ໄຂໃນທົ່ວເມືອງ ໃຫ້ສຳເລັດໃນທ້າຍປີນີ້ຕາມ ຂໍ້ຕົກລົງ ສະບັບເລກທີ 1184/ ຈນວ, ລົງວັນທີ 20 ທັນວາ 2018 ວ່າດ້ວຍການຈັດສັນ ຄວາມບໍ່ເປັນລະບຽບຮຽບ ຮ້ອຍໃນຕົວເມືອງ ແລະ ຊານ ເມືອງ; ຜັນຂະຫຍາຍ ແລະ ຈັດຕັ້ງປະຕິບັດວຽກງານຈຸດ ສຸມ 3 ຫຼຸດ 3 ເພີ່ມ 3 ຂະບວນ ການຕິດພັນກັບຂໍ້ແຂງຂັນ ຮັກຊາດ ແລະ ພັດທະນາ, ເພື່ອ ຄວາມສົມດູນລະຫວ່າງເຂດ ແຄວ້ນ, ທັງສອດຄ່ອງກັບຄວາມ ຮຽກຮ້ອງຕ້ອງການໃນການ ພັດທະນາລະບົບພື້ນຖານໂຄງ ລ່າງ, ລະບົບການບໍລິຫານ ຕົວເມືອງ ແລະ ສຸຂາພິບານ ຄົບຊຸດພຽງພໍກັບຄວາມຕ້ອງ ການຕົວຈິງ, ສ້າງນະຄອນ ຫລວງໃຫ້ມີສິ່ງແວດລ້ອມທີ່ ຍືນຍົງໜ້າຢູ່ ແລະ ເສດຖະກິດ- ສັງຄົມມີການຂະຫຍາຍຕົວ ຢ່າງຕໍ່ເນື່ອງ, ພັດທະນາຊຸມຊົນ ຫລື ບ້ານໃຫຍ່ໃຫ້ກາຍເປັນ ຕົວເມືອງນ້ອຍໃນເຂດຊົນນະ ບົດ, ເພື່ອຫລຸດຜ່ອນຄວາມແຕກ ໂຕນທາງດ້ານການພັດທະນາ ລົງເທື່ອລະກ້າວ; ພ້ອມທັງສ້າງ ຕົວເມືອງ ໃຫ້ມີຫລາຍສີສັນ, ໂດຍການເອົາໃຈໃສ່ປົກປັກ ຮັກສາບູລະນະຕົວເມືອງເກົ່າ ໃຫ້ກາຍເປັນພື້ນຖານທີ່ປົກປັກ ຮັກສາເອກະລັກທາງດ້ານ ສິລະປະວັດທະນະທຳທີ່ເປັນ ເອກະລັກຂອງຊາດ ແລະ ທ້ອງຖິ່ນໃຫ້ກົມກືນກັບການກໍ່ສ້າງ ພື້ນຖານໂຄງລ່າງ, ກໍຄືກໍ່ສ້າງ ອັນໃໝ່ ແລະ ການປັບປຸງສິ່ງ ແວດລ້ອມຕົວເມືອງແບບຍືນຍົງ, ເອົາໃຈໃສ່ປົກປັກຮັກສາ ເຂດຊຸ່ມຊື່ນ, ຫ້ວຍໜອງຄອງ ບຶງ, ທຳມະຊາດໃນຕົວເມືອງ, ພື້ນທີ່ສາທາລະນະບໍ່ໃຫ້ຖືກບຸກລຸກ ຫລື ຖືກທຳລາຍ; ນອກ ນີ້ ຕ້ອງສືບຕໍ່ປັບປຸງ ແລະ ຍົກ ລະດັບຂີດຄວາມສາມາດຂອງ ການຈັດຕັ້ງ ແລະ ເຄື່ອງມືທາງດ້ານນິຕິກຳໃນການຄຸ້ມຄອງ ຕົວເມືອງໃຫ້ຄົບຊຸດ ເພື່ອການ ຄຸ້ມ ຄອງ ແລະ ການບໍລິການ ຕົວ ເມືອງໃຫ້ມີປະສິດທິພາບ, ສົ່ງເສີມໃຫ້ທຸກພາກສ່ວນເສດ ຖະກິດ ນັບທັງພາກລັດ ແລະ ເອກະຊົນ, ປະຊາຊົນມີສ່ວນ ຮ່ວມໃນການກຳນົດວາງແຜນຄຸ້ມຄອງ ແລະ ພັດທະນາ ຕົວເມືອງໃຫ້ມີປະສິດທິຜົນ ແລະ ຍືນຍົງ.
+ ການຈັດສັນຄວາມເປັນລະບຽບຮຽບຮ້ອຍຂອງຕົວເມືອງຫລວງເຫັນວ່າຍາກຫລາຍ2018/
+ ການຈັດສັນຄວາມເປັນລະບຽບແຄມທາງຢູ່ຕົວເມືອງຫລວງດຳເນີນໄປຍາກ2018/
