ພັດຕະຄານມູນເດີໄນ ເປີດຫ້ອງໄດມອນໃຫ້ບໍລິການຈັດງານສັງສັນຕ່າງໆ
ຮ້ານອາຫານມູນເດິໄນ ໄດ້ສ້າງຕັ້ງຂຶ້ນຕັ້ງແຕ່ປີ 1993 ເປັນເວລາ 25 ປີ, ເຊິ່ງຕັ້ງຢູ່ບ້ານອຸບມຸງ ເມືອງສີໂຄດຕະບອງ ນະຄອນຫຼວງວຽງຈັນ ຕິດກັບແຄມແມ່ນໍ້າຂອງ, ບັນຍາ ກາດດີທິວທັດທຳມະຊາດ ເປັນທີ່ຮູ້ຈັກ ແລະ ນິຍົມຊົມຊອບຂອງຫຼາຍໆຄົນ, ນອກຈາກຮ້ານອາຫານແລ້ວ ຍັງມີພັດຕະຄານມູນເດີໄນ ທີ່ເປີດຫ້ອງໄດມອນໃຫ້ບໍລິການຈັດງານສັງສັນຕ່າງໆ ອີກດ້ວຍ.
ທ່ານ ປະເສີດ ສິດທິພອນ ເຈົ້າຂອງຮ້ານອາຫານ ແລະ ພັດຕະຄານມູນເດິໄນ ໃຫ້ຮູ້ວ່າ: ຫ້ອງໄດມອນຈັດງານຂອງພັດຕະຄານມູນເດິໄນ ສ້າງຕັ້ງຂຶ້ນໄດ້ 1 ປີກວ່າ, ການບໍລິການ ຂອງມູນເດີໄນແມ່ນມີ 2 ແບບຄື: ການບໍລິການຮ້ານອາຫານຕາມສັ່ງ ແລະ ການບໍລິການຫ້ອງໄດມອນຈັດງານ (ຈັດງານດອງ, ກອງປະຊຸມ, ຄອນເສີດ, ຮັບໃບປະກາດ, ວັນເກີດ ແລະ ງານສັງສັນຕ່າງໆ) ສາມາດຮອງຮັບຈຳນວນຄົນໃນງານເຖິງ 1000 ກວ່າຄົນ. ໃນວັນທີ 13 ພະຈິກໜ້ານີ້ ແມ່ນຈະມີງານເປີດໂຕຫ້ອງໄດມອນຄັ້ງຍິ່ງໃຫຍ່ຢ່າງເປັນທາງການ ເຊິ່ງມີໂປຣໂມຊັນຫຼຸດແລກແຈກແຖມພາຍໃນງານຫຼາຍໆຢ່າງ. ສຳລັບໂປຣໂມຊັນທ້າຍປີຂອງການຈັດງານຕ່າງໆມີຫຼາກ ຫຼາຍຄື: ຟຣີດົນຕີ, ແຖມເຄື່ອງດື່ມ, ຟຣີດອກໄມ້ເຈົ້າພາບ, ຟຣີຊໍ່ດອກໄມ້ໂຍນຂອງຄູ່ບ່າວສາວ, ການບໍລິການດີ, ອາຫານລົດຊາດແຊບ.
ພິເສດ ໃນວັນທີ 13 ພະຈິກໜ້ານີ້ ງານເປີດໂຕຫ້ອງໄດມອນຄັ້ງຍິ່ງໃຫຍ່ຢ່າງເປັນທາງການ ແມ່ນຈະມີສິລະປິນຮັບເຊີນຈາກຝັ່ງໄທ ລຳເພີນ ວົງສະກອນ ເຈົ້າຂອງຜົນງານເພງດັງ ລຳຄານກະບອກກັນເດີ ແລະ ເພງ ຫໍ່ມົກຫວກໄປຝາກປ້າ ພ້ອມທັງໄດ້ສຳພັດກັບດົນຕີສຽງສົດຂອງສິລະປິນທີ່ທ່ານມັກ ແລະ ລຸ້ນຮັບໂປຣໂມຊັນຫຼຸດແລກແຈກແຖມພາຍໃນງານ ຢ່າລືມຢ່າພາດໂອກາດດີໆແບບນີ້.
