ວຽງໄຊໃນຄວາມຊົງຈຳ

 ໂດຍ: ຊາຍພະເນຈອນ   

ວັນສ້າງຕັ້ງເມືອງວຽງ ໄຊ ຖານທີ່ໝັ້ນຂອງການປະ ຕິວັດລາວໄດ້ໝູນວຽນມາບັນ ຈົບຄົບຮອບ 50 ປີພໍດີຄືວັນທີ 30 ພະຈິກ1968-30 ພະຈິກ 2018, ເຊິ່ງຕະຫຼອດໄລຍະຫຼາຍ ເດືອນຜ່ານມາທີ່ພັກ-ລັດ ເພິ່ນກໍ ໄດ້ມີການຫ້າງຫາກະກຽມແກ່ ການຈັດຕັ້ງສະເຫຼີມສະຫຼອງ ວັນສໍາຄັນດັ່ງກ່າວໃຫ້ຄຶກຄື້ນ ມ່ວນຊື່ນ ແລະ ມີຄວາມໝາຍ ສໍາຄັນເລິກເຊິ່ງ ເພື່ອຫວນຄືນ ມູນເຊື້ອຄວາມປິຊາສາມາດ, ສະ ຫຼາດສ່ອງໃສຂອງພັກປະຊາ ຊົນ ປະຕິວັດລາວ ໃນການນໍາພາ ການປະຕິວັດ, ເປັນການລະນຶກ ເຖິງໄຊຊະນະອັນຍິ່ງໃຫຍ່ຂອງ ກອງທັບ ແລະ ປະຊາຊົນລາວ ກໍຄືຄຸນງາມຄວາມດີ ແລະ ຜົນ ງານອັນລໍ້າເລີດຂອງການນໍາ ຮຸ່ນກ່ອນ ໂດຍສະເພາະແມ່ນ ປະ ທານ ໄກສອນ ພົມວິຫານ ແລະ ບັນດາຜູ້ນໍາທ່ານອື່ນໆທີ່ໄດ້ ນໍາພາ ພາລະກິດປະຕິວັດຕໍ່ສູ້ ປົດປ່ອຍຊາດຍາດເອົາຄວາມ ເປັນເອກະລາດມາໃຫ້ປະຊາ ຊົນບັນດາເຜົ່າໂດຍເອົາເມືອງ ວຽງໄຊເປັນຖານທີ່ໝັ້ນອັນ ແຂງແກ່ນໃນເວລານັ້ນ.
ເມືອງວຽງໄຊ, ແຂວງຫົວ ພັນເປັນບ່ອນກໍາເນີດຂອງ ພັກ ປະຊາຊົນລາວ, ເຊິ່ງກອງປະ ຊຸມໃຫຍ່ສ້າງຕັ້ງພັກປະຊາຊົນ ລາວໄດ້ໄຂຂຶ້ນທີ່ເມືອງວຽງໄຊ ໃນວັນທີ 22 ມີນາ1955.

+ ທ່ຽວຊົມທຳມະຊາດເມືອງຄຳແຂວງຊຽງຂວາງ2018/

+ ທ່ຽວຊົມຫລວງພະບາງເມືອງມໍລະດົກໂລກ2018/

ກອງປະຊຸມໄດ້ກໍານົດໜ້າທີ່ສະເພາະໜ້າຂອງການປະຕິ ວັດລາວແມ່ນ: ນໍາພາທົ່ວປວງ ຊົນສາມັກຄີຕໍ່ສູ້ເຮັດສໍາເລັດ ພາລະກິດປົດປ່ອຍຊາດ, ສ້າງ ປະເທດລາວໃຫ້ເປັນປະເທດ ສັນຕິພາບ, ເອກະລາດ, ປະຊາ ທິປະໄຕ, ເອກະພາບ ແລະ ວັດທະນາຖາວອນ.
ໃນວັນທີ 3 ກຸມພາ 1972 ກອງປະຊຸມໃຫຍ່ຄັ້ງທີ II ຂອງ ພັກກໍໄດ້ໄຂຂຶ້ນທີ່ເມືອງວຽງ ໄຊອີກ ແລະ ກອງປະຊຸມຄັ້ງນີ້ ແມ່ນໄດ້ປ່ຽນຊື່ ພັກປະຊາຊົນ ລາວມາເປັນພັກປະຊາຊົນ ປະ ຕິວັດລາວ ໂດຍໄດ້ວາງແນວ ທາງການເມືອງການທະຫານ ທີ່ຖືກຕ້ອງ, ມີວິທີປະຕິບັດທີ່ ສອດຄ່ອງ, ມີຄວາມສາມັກຄີ ທົ່ວປວງຊົນທັງຊາດຢ່າງໜັກ ແໜ້ນ ແລະ ຕັດສິນໃຈຕໍ່ສູ້ ຢ່າງພິລະອາດຫານ ໂດຍພັກ ໄດ້ວາງແນວທາງລຸກຮື້ຂຶ້ນ ຢຶດອໍານາດດ້ວຍ 3 ບາດຄ້ອນ ຍຸດທະສາດ, ຍາດເອົາສິດ ເປັນເຈົ້າ ແລະ ສ້າງຕັ້ງອໍາ ນາດການປົກຄອງຂຶ້ນໃນຂອບ ເຂດທົ່ວປະເທດຈົນສາມາດ ຍາດໄດ້ໄຊຊະນະຢ່າງສົມບູນ ໃນປີ 1975.

ເມືອງວຽງໄຊເປັນບ່ອນ ກໍາເນີດອົງການແນວລາວ ສ້າງຊາດ, ເປັນໃຈກາງແຫ່ງ ການເຕົ້າໂຮມຄວາມສາມັກຄີ ທົ່ວປວງຊົນທັງຊາດ, ໂດຍພັກ ເພິ່ນໄດ້ກໍານົດວ່າ: ມະຫາສາ ມັກຄີທົ່ວປວງຊົນ, ສ້າງຕັ້ງ ແນວໂຮມເອກະພາບແຫ່ງຊາດ ຢ່າງກວ້າງຂວາງບົນພື້ນຖານ ພັນທະພາບກໍາມະກອນ- ຊາວ ນາ, ນໍາພາປະຊາຊົນລາວບັນ ດາເຜົ່າຈັດຕັ້ງປະຕິບັດແນວ ທາງແຜນນະໂຍບາຍຂອງ ພັກປະຊາຊົນປະຕິວັດລາວ, ເຕົ້າໂຮມຄວາມສາມັກຄີທຸກ ກໍາລັງທີ່ຮັກຊາດເພື່ອສ້າງ ເປັນກໍາລັງແຮງສັງລວມຕີ ເອົາຊະນະສັດຕູ.
ນອກນັ້ນ, ເມືອງວຽງໄຊ ຍັງເປັນບ່ອນກໍ່ສ້າງ ແລະ ປົກ ປັກຮັກສາຖານທີ່ໝັ້ນຂອງ ການປະຕິວັດ, ເປັນບ່ອນກໍ່ສ້າງ ແລະ ຂະຫຍາຍກໍາລັງປະກອບ ອາວຸດເຮັດໃຫ້ກໍາລັງປະກອບ ອາວຸດໄດ້ເຕີບໃຫຍ່ຂະຫຍາຍ ຕົວຢ່າງແຂງແຮງນັບທັງດ້ານ ປະລິມານ ແລະ ຄຸນນະພາບ, ກາຍເປັນກໍາລັງຫຼັກແຫຼ່ງໃນ ສົງຄາມປະຊາຊົນປົດປ່ອຍ ຊາດ, ຍິ່ງຕີຍິ່ງໄດ້ຮັບໄຊຊະ ນະ, ຍິ່ງຕີຍິ່ງມີຄວາມເຂັ້ມ ແຂງ, ຍິ່ງຕີຍິ່ງມີບົດຮຽນໃນ ການສູ້ຮົບ, ມີຄວາມເດັດດ່ຽວ ແລະ ພິລະອາດຫານ.

ເພາະສະນັ້ນ, ພວກເຮົາມີ ເມືອງວຽງໄຊ ເປັນຖານທີ່ໝັ້ນ ຂອງການປະຕິວັດກໍຍ້ອນມີ ການເສຍສະຫຼະຊີວິດ, ເລືອດ ເນື້ອເຫື່ອໄຄ ແລະ ຊັບສິນບໍ່ ຈັກວ່າເທົ່າໃດຂອງພະນັກງານ ນັກຮົບ ແລະ ປະຊາຊົນ, ເມືອງ ວຽງໄຊຈຶ່ງກາຍເປັນບ່ອນອີງ ໃຫ້ແກ່ການຕໍ່ສູ້ໃນສະເພາະ ໜ້າ ແລະ ຍາວນານ, ເປັນທີ່ ຕັ້ງ ຂອງອົງການການນໍາຂັ້ນສູງ ສຸດຂອງການປະຕິວັດ, ເປັນ ເຂດທີ່ໝັ້ນອັນແໜ້ນແກ່ນ ໃນທົ່ວປະເທດໃນການຕໍ່ສູ້ ຕ້ານສົງຄາມພິເສດຂອງຈັກ ກະພັດອາເມລິກາ, ເປັນບ່ອນ ຝຶກຝົນຫຼໍ່ຫຼອມພະນັກງານ ແລະ ເປັນບ່ອນກໍ່ສ້າງເສດຖະ ກິດ, ວັດທະນະທໍາ-ສັງຄົມ ໃຫ້ແກ່ການປະຕິວັດ.

ມາຮອດປັດຈຸບັນນີ້, ເມືອງ ວຽງໄຊຈຶ່ງເປັນສະຖານທີ່ ທ່ອງທ່ຽວທີ່ສໍາຄັນແຫ່ງໜຶ່ງ ທາງປະຫວັດສາດຊາດລາວ, ເຊິ່ງແຕ່ລະປີກໍມີນັກທ່ອງ ທ່ຽວທັງພາຍໃນ ແລະ ຕ່າງ ປະເທດເຂົ້າມາທ່ຽວຊົມເພື່ອ ສຶກສາ ແລະ ຮຽນຮູ້ປະຫວັດ ຄວາມເປັນມາຂອງເມືອງວຽງ ໄຊດິນແດນວິລະຊົນແຫ່ງ ນີ້ທີ່ໄດ້ຈາລຶກໄວ້ຢູ່ໃນຄວາມ ຊົງຈຳຂອງປວງຊົນລາວຕະ ຫລອດມາ./.