U19 ລາວ ຕົກຮອບຄັດເລືອກຊີງແຊ້ມອາຊີ
October 29, 2018 - 6:14 PM
ການແຂ່ງຂັນບານເຕະຍິງຊີງແຊ້ມອາຊີ ລຸ້ນອາຍຸບໍ່ເກີນ 19 ປີ ຮອບຄັດເລືອກ 2019 ກຸ່ມ F ຮອບທີ 1 (AFC U-19 Championship Thailand 2019 Qualifiers) 24-28 ຕຸລາຜ່ານມານີ້ ທີ່ປະເທດມຽນມາ ເຊິ່ງທີມຊາດລາວບໍ່ສາມາດຜ່ານເຂົ້າຮອບ 2.
ການແຂ່ງຂັນຄັ້ງນີ້ ທີມຊາດລາວ ຖືກຈັດຢູ່ໃນກຸ່ມເອັຟ ປະກອບມີ: ລາວ, ອີຣານ ແລະ ມຽນມາ. ຜ່ານການແຂ່ງຂັນ ທີມຊາດລາວ ສາມາດເອົາຊະນt 1 ຄັ້ງ ເສຍ 1 ຄັ້ງ ລວມມີ 3 ຄະແນນ ແຕ່ມີປະຕູໄດ້ເສຍຫລາຍກວ່າສົ່ງຜົນໃຫ້ ທີມຊາດລາວ ຕົກຮອບການຄັດເລືອກຄັ້ງນີ້.
ສໍາລັບທີມທີ່ຜ່ານເຂົ້າສູ່ຮອບທີ 2 ປະກອບມີ: ອົດສະຕຣາລີ, ເນປານ, ອຸເບກິສຖານ, ສ.ເກົາຫລີ, ຫວຽດນາມ, ອີຣານ. ສ່ວນທີມອັນດັບ 2 ທີ່ດີທີ່ສຸດ 2 ທີມໄດ້ແກ່: ເລບານອນ ແລະ ມຽນມາ.
