ພຽງສາມມື້ຂອງການຄົບງັນບຸນຊ່ວງເຮືອຢູ່ ນະຄອນຫລວງວຽງຈັນມີຜູ້ເສຍຊີວິດ 7 ຄົນ ຈາກອຸປະຕິເຫດ
ເຈົ້າຫນ້າທີ່ຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ໃນລະຫວ່າງວັນທີ 22-25 ຕຸລານີ້, ຢູ່ນະຄອນຫລວງວຽງຈັນ ມີອຸປະຕິເຫດເກີດຂື້ນ 27 ກໍລະນີ ສົ່ງຜົນເຮັດໃຫ້ມີຜູ້ເສຍຊີວິດ 7 ຄົນ, ທຽບໃສ່ປີຜ່ານມາເຫັນວ່າຈຳນວນອຸປະ
ຕິເຫດ ແລະ ຜູ້ເສຍຊີວິດເພີ່ມຂື້ນ 5 ຄົນ, ສ່ວນໃຫຍ່ສາເຫດສ່ວນໃຫຍ່ແມ່ນຍ້ອນຜູ້ຂັບຂີ່ດື່ມສິ່ງມຶນເມົາ ຄື: ໃນວັນທີ 24 ຕຸລານີ້, ເຊິ່ງເປັນມື້ບຸນອອກພັນສາ ແລະ ລອຍກະໂທງ, ມີອຸປະຕິເຫດເກີດຂື້ນ 10 ກໍລະນີ ແລະ ມີຜູ້ເສຍຊີວິດ 4 ຄົນ ຄື: ໃນເວລາ 20 ໂມງ, ມີອຸປະຕິເຫດລົດຈັກຕໍາລົດໃຫຍ່ຢູ່ທາງໂຄ້ງໂຮງງານເບຍ, ເຂດບ້ານສາລາຄໍາເມືອງຫາດຊາຍຟອງ ເຮັດໃຫ້ມີຜູ້ເສຍຊີວິດຄາທີ່ 2 ຄົນ.
ເຈົ້າໜ້າທີ່ ໃຫ້ຮູ້ວ່າ: ໃນປີຜ່ານມາ, ຢູ່ນະຄອນຫລວງວຽງຈັນມີອຸປະຕິເຫດເກີດຂຶ້ນ 1.521 ກໍລະນີ, ສົ່ງຜົນເຮັດໃຫ້ມີຜູ້ເສຊີວິດ 251 ຄົນ ແລະ ໃນປັດ
ຈຸບັນ, ສະພາບການສັນຈອນຕາມເສັ້ນທາງໃນນະຄອນຫລວງວຽງຈັນຂ້ອນຂ້າງສັບສົນ, ຍ້ອນການເພີ່ມຂຶ້ນໄວຂອງພາຫະນະປະເພດຕ່າງໆ ແລະ ມີນັກຂັບຂີ່ຈຳນວນໜຶ່ງໃຊ້ລົດໃຊ້ຖະໜົນດ້ວຍຄວາມປະໝາດ, ບໍ່ປະຕິບັດກົດລະບຽບຈະລາຈອນ ອັນເປັນເຫດໃຫ້ມີລົດຕິດອັ່ງອໍ ແລະ ເກີດອຸປະຕິເຫດເກີດຂຶ້ນຫລາຍ.
