ເຈົ້າຂອງສະໂມສອນ ເລສເຕີ ຍົນຕົກເສຍຊີວິດ

ເລສເຕີ ຊິຕີ້ ຖະແຫລງເຫດການເຮລິກົບແຕຂອງທ່ານ ວິໄຊ ສີວັດທະນາປະພາ ເຈົ້າຂອງສະໂມສອນ ຕົກຢູ່ບໍລິເວນຂ້າງສະຫນາມ ຄິງ ພາວເວີ ສະເຕດ້ຽມ.
ເລສເຕີ ຊິຕີ້ ສະໂມສອນດັງແຫ່ງ ພຣີເມຍລີກ ອັງກິດ ອອກຖະແຫລງການຢືນຢັນວ່າ: ເຮລິກົບແຕຂອງທ່ານ ວິໄຊ ສີວັດທະນາປະພາ ເຈົ້າຂອງສະໂມສອນ ເກີດອຸປະຕິເຫດຕົກລົງບໍລິເວນບ່ອນຈອດລົດຂ້າງສະຫນາມ ຄິງ ພາວເວີ ສະເຕດ້ຽມ ຫລັງຈົບເກມລີກນັດທີ່ທີມເປີດບ້ານສະເຫມີ ເວສແຮມ ຢູໄນເຕັດ 1-1 ໃນວັນທີ 27 ຕຸລານີ້.
ທັງນີ້, ຍັງບໍ່ມີການຢືນຢັນເຖິງຈຳນວນຜູ້ເສຍຊີວິດ ແລະ ຜູ້ໄດ້ຮັບບາດເຈັບຈາກເຫດການຄັ້ງນີ້.