ໄວຣັສຊິກາລະບາດໃນອິນເດຍ ຈຳນວນຜູ້ເສຍຊີວິດເພີ່ມຂຶ້ນ
ເຈົ້າໜ້າທີ່ສາທາລະນະສຸກອິນເດຍ ລາຍງານໃນວັນທີ 26 ຕຸລາວ່າ: ເຊື້ອໄວຣັສຊິກາກຳລັງລະບາດໃນລັດຣາດສະຖານ ທາງຕາເວັນຕົກຂອງອິນເດຍ ໂດຍມີຈຳນວນຜູ້ຕິດເຊື້ອເພີ່ມຂຶ້ນເປັນ 140 ຄົນ.
ລາຍງານລະບຸວ່າ: ໃນໄລຍະ 24 ຊົ່ວໂມງຜ່ານມາ ມີຈຳນວນຜູ້ຕິດເຊື້ອເພີ່ມຂຶ້ນໃໝ່ອີກ 5 ຄົນ ເຮັດໃຫ້ຕົວເລກຜູ້ຕິດເຊື້ອທັງໝົດເພີ່ມເປັນ 140 ຄົນ ໂດຍສ່ວນຫລາຍຢູ່ເມືອງໄຊປຸຣະ ແລະ ເປັນແຮງງານອົບພະຍົບ. ກະຊວງສາທາລະນະສຸກອິນເດຍໄດ້ສົ່ງເຈົ້າໜ້າທີ່ເດີນທາງໄປລັດຣາດສະຖານແລ້ວ ແລະ ຕັ້ງສູນຄວບຄຸມຢູ່ສູນຄວບຄຸມພະຍາດແຫ່ງຊາດ ເພື່ອເຝົ້າຕິດຕາມສະຖານະການການແຜ່ລະບາດ ແລະ ດຳເນີນມາດຕະການສຸກເສີນ. ຖືເປັນຄັ້ງທີ 3 ທີ່ອິນເດຍຜະເຊີນການລະບາດຂອງເຊື້ອໄວຣັສຊິການັບແຕ່ເດືອນກໍລະກົດ 2017 ທີ່ພົບການລະບາດເປັນເທື່ອທຳອິດໃນລັດຄຸດຣາດ ທາງຕາເວັນຕົກຂອງປະເທດ ແລະ ພົບການລະບາດຄັ້ງທີ 2 ໃນລັດທະມິນນາທູ ທາງຕອນໃຕ້ ໃນເດືອນກໍລະກົດ 2017 ແຕ່ສາມາດຄວບຄຸມການລະບາດໄດ້ທັງສອງຄັ້ງ.
