ເຫດຜົນທີ່ທ່ານຄວນກິນຜັກບົ້ງໃຫ້ຫລາຍຂຶ້ນ

ຄວາມເຊື່ອທີ່ວ່າ : ຢາກຈະຕາຫວານ ຫລື ຕາງາມຕ້ອງກິນຜັກບົ້ງ ຖືເປັນຄຳເວົ້າທີ່ເວົ້າກັນຕໍ່ໆມາຈົນເຖິງປະຈຸບັນ, ແຕ່ເມື່ອຕົກມາເຖິງຄົນຮຸ່ນໃໝ່ສະໄໝນີ້ ການຈະເຊື່ອຫຍັງງ່າຍໆນັ້ນບໍ່ຄ່ອຍມີ ຈຶ່ງມີການຫາເຫດຜົນທາງວິທະຍາສາດມາຮອງຮັບປະໂຫຍກທີ່ວ່າ “ກິນຜັກບົ້ງແລ້ວຈະຕາຫວານ ຕາຈະງາມ” ນີ້ ໂດຍຄວາມເປັນຈິງ ຜັກບົ້ງເປັນຜັກໃບຂຽວ ແລະ ມີສານກຸ່ມໜຶ່ງທີ່ອາດກ່ຽວຂ້ອງ ໂດຍກົງກັບສຸຂະພາບດວງຕານັ້ນ ກໍແມ່ນສານໃນກຸ່ມແຄໂຣທີນອຍ (Carotenoid) ສານກຸ່ມແຄໂຣທີນອຍ ເຊິ່ງມີຢູ່ຫລາຍຮ້ອຍຊະນິດ ແຕ່ຊະນິດທີ່ນັກວິທະຍາສາດພົບວ່າອາດຈະປ່ຽນໄປເປັນວິຕາມິນ A ໄດ້ແມ່ນເບຕ້າແຄໂຣທີນ. ວິຕາມິນ A ນັ້ນ ທຸກຄົນຮູ້ວ່າຊ່ວຍໃນເລື່ອງຂອງການເບິ່ງເຫັນ ຫລື ສາຍຕາ. ສ່ວນລູທີນ (Lutein) ກັບຊີແຊນທີນ (Zeaxanthin) ເປັນສານອີກຊະນິດໜຶ່ງ ເຊິ່ງຢູ່ໃນກຸ່ມແຄໂຣທີນອຍເຊັ່ນກັນ ໂດຍຈະຊ່ວຍເພີ່ມປະສິດທິພາບໃນການຮັບພາບ ແລະ ປ້ອງກັນແສງ ໂດຍສະເພາະແສງສີຟ້າອ່ອນ ແລະ ສີຟ້າແກ່ ເນື່ອງຈາກສານໃນກຸ່ມແຄໂຣທີນອຍເປັນສີເຫລືອງ ຈຶ່ງຊ່ວຍປ້ອງກັນແສງສີຟ້າອ່ອນ ແລະ ສີຟ້າແກ່ໄດ້. ດັ່ງນັ້ນ, ດວງຕາຂອງເຮົາກໍຈະເສື່ອມຊ້າລົງ. ບັນພະບູລຸດເຮົາເພິ່ນບໍ່ຮູ້ເລື່ອງຫຍັງ ແບບນີ້ດອກ, ແຕ່ອາໄສວ່າເປັນຄົນຊ່າງສັງເກດ ແລະ ຢູ່ກັບທຳມະຊາດ ຈຶ່ງໄດ້ຄວາມຈິງເຫລົ່ານີ້ມາຖ່າຍທອດ ຄຳອະທິບາຍຂອງ ວິທະຍາສາດຍຸກໃໝ່ກໍຈະເປີດເຜີຍເຫດຜົນ ເກີດຄວາມກ່ຽວຂ້ອງ ແລະ ຊ່ວຍເສີມສ້າງວັດທະນະທຳວິທະຍາສາດໃນສັງຄົມລາວ.

ເມື່ອຮູ້ແລ້ວວ່າຜັກບົ້ງມີຄຸນປະໂຫຍດຕໍ່ສຸຂະພາບ ແລະ ດວງຕາແນວນີ້ ຄວນຫັນມາກິນຜັກບົ້ງກັນຫລາຍຂຶ້ນ ໂດຍສະເພາະຜູ້ທ່ີຕ້ອງໃຊ້ອຸປະກອນໄອທີຕ່າງໆໃນການເຮັດວຽກແຕ່ລະມື້.