6 ເດືອນຕົ້ນປີສິນຄ້າສົ່ງອອກຂອງນະຄອນຫລວງວຽງຈັນ ເພີ່ມຂຶ້ນ 1,17%
ຮອງຫົວໜ້າພະແນກ ອຸດສາຫະກຳ ແລະ ການຄ້າ ນະຄອນຫລວງວຽງຈັນ ໃຫ້ຮູ້ ວ່າ: ໄລຍະ 6 ເດືອນຕົ້ນປີ 2018 ການສົ່ງອອກສິນຄ້າຂອງ ນະຄອນຫລວງວຽງຈັນບັນ ລຸໄດ້ 403 ລ້ານກວ່າໂດລາສະ ຫະລັດ, ເພີ່ມຂຶ້ນ 1,17% ທຽບ ໃສ່ໄລຍະດຽວກັນຂອງປີຜ່ານ ມາ. ສ່ວນໃຫຍ່ແມ່ນສີນຄ້າປະ ເພດອຸດສາຫະກຳ, ແຮ່ທາດ ແລະ ຜະລິດຕະພັນແຮ່ທາດ. ສ່ວນການນໍາເຂົ້າມີມູນຄ່າກວ່າ 990 ລ້ານໂດລາສະຫະລັດ, ເພີ່ມຂຶ້ນ 40% ທຽບໃສ່ ໄລຍະ ດຽວກັນຂອງປີຜ່ານມາ, ສ່ວນ ໃຫຍ່ແມ່ນປະເພດພາຫະນະ, ສິ້ນສ່ວນອາໄຫລ່, ເຄື່ອງກໍ່ສ້າງ, ເຄື່ອງໃຊ້ໄຟຟ້າ, ສິນຄ້າ ຮັບໃຊ້ກະສິກຳ ແລະ ອື່ນໆ.
+ ຄຳມ່ວນໄດ້ເກີນດູນການຄ້າຫລາຍກວ່າ 56 ລ້ານໂດລາໃນສົກປີຜ່ານມາ2018/
+ ພຽງສອງເດືອນການນຳເຂົ້າ ແລະ ສົ່ງອອກສິນຄ້າຂອງລາວ ບັນລຸ 1.765 ກວ່າລ້ານໂດລາ2018/
ສໍາລັບການຊຸກຍູ້ສົ່ງເສີມ ການຜະລິດສີນຄ້າຂອງຄອບ ຄົວຕົວແບບໃຫ້ໄດ້ຮັບກາໝາຍ ສິນຄ້າໜຶ່ງເມືອງ-ໜຶ່ງຜະລິດ ຕະພັນແຫ່ງຊາດ (ODOP) ແມ່ນເພີ່ມຂຶ້ນ 5 ຫົວໜ່ວຍຄື: ໂຮງງານຜະລິດຢາພື້ນເມືອງ ກາເສືອ 1 ໂຕ, ກຸ່ມຫັດຖະກຳ ຜ້າທໍໄໝ, ວິສາຫະກິດສ່ວນ ບຸກຄົນກາເຟຍົກລໍ້, ໂຮງງານ ຈິລະຍຸນ້ຳໝາກກ້ຽງຄັ້ນສົດ ແລະ ກຸ່ມຫັດຖະກຳຕໍ່າຫູກ ແລະ ມາຮອດປັດຈຸບັນ, ທົ່ວນະ ຄອນຫລວງໄດ້ມີຫົວໜ່ວຍ ໂອດ໊ອບທັງໝົດ 44 ຫົວໜ່ວຍ ແລະ ກຸ່ມຜະລິດສິນຄ້າຫັດຖະ ກຳທີ່ໄດ້ຮັບກາໝາຍໂອດອບ ແຫ່ງຊາດມີ 7 ກຸ່ມ./.
