ທີມຊາດລາວຊຸດໃຫຍ່ ຝືກຊ້ອມກຽມພ້ອມ ເຂົ້າຮ່ວມແຂ່ງຂັນ ຊູຊຸກີ ຄັບ 2018

ນັກກິລາທີມຊາດຊຸດໃຫຍ່ ຝຶກຊ້ອມເພື່ອກຽມຄວາມພ້ອມເຂົ້າຮ່ວມການແຂ່ງຂັນ AFF Suzuki Cup 2018 ເຊິ່ງທີມຊາດລາວ ຖືກຈັດຢູ່ກຸ່ມເອ ແລະ ຈະລົງສະໜາມຄັ້ງທໍາອິດພົບກັບ ທີມຊາດຫວຽດນາມ ໃນວັນທີ 8 ພະຈິກນີ້ ທີ່ສະໜາມກິລາແຫ່ງຊາດລາວ.

ການແຂ່ງຂັນ AFF Suzuki Cup 2018 ທີ​ມຊາດ​ລາວ ຢູ່ຮ່ວມກຸ່ມ ເອ ປະກອບມີ: ຫວຽດນາມ, ມາເລເຊຍ, ມຽນມາ, ກຳປູເຈຍ.

ສໍາລັບຕາຕະລາງການແຂ່ງຂັນຂອງ ທີມຊາດລາວ ຈະລົງສະໜາມ 4 ຄັ້ງຄື: ຄັ້ງທໍາອິດໃນວັນທີ 8 ພະຈິກ 2018 ພົບ ທີມຊາດຫວຽດນາມ ຢູ່ສະໜາມກິລາແຫ່ງຊາດລາວ, ຄັ້ງທີ 2 ວັນທີ 12 ພະຈິກ 2018 ພົບກັບ ທີມຊາດມາເລເຊຍ ແຂ່ງຂັນຢູ່ສະໜາມກິລາ Bukit Jalil National, Kuala Lumpur, ຄັ້ງທີ 3 ວັນທີ 16 ພະຈິກ 2018 ພົບ ທີມຊາດມຽນມາ ແຂ່ງຂັນຢູ່ສະໜາມກິລາແຫ່ງຊາດລາວ, ຄັ້ງທີ 4 ວັນທີ 20 ພະຈິກ 2018 ພົບກັບ ທີມຊາດກຳປູເຈຍ ແຂ່ງຂັນທີ່ສະໜາມກິລາ National Olympic, Phnom Penh.