ເກືອບຈະໝົດຫວັງ ! ໂປເຊັດຕິໂນ່ ຍອມຮັບ ສະເປີ ອາດຕົກຮອບ ແຊມປ້ຽນລີກ
ເມົາຣິຊິໂອ ໂປເຊັດຕິໂນ່ ນາຍໃຫຍ່ ສະເປີ ກົ້ມໜ້າຍອມຮັບ ສະເປີ ເກືອບຈະໝົດຫວັງໃນການຜ່ານເຂົ້າຮອບນ໊ອກເອົ້າຂອງ ແຊມປ້ຽນລີກ ແລ້ວ ພາຍຫລັງສະເໝີກັບ ພີເອສວີ 1-1 ຈົນເຮັດໃຫ້ມີພຽງແຕ່ຄະແນນດຽວຈາກ 3 ນັດ ພ້ອມຊີ້ ທີມຂອງຕົນເຮັດໄດ້ພຽງໂທດຕົນເອງເທົ່ານັ້ນທີ່ເຮັດໃຫ້ເກມຂາດບໍ່ໄດ້.
ເມົາຣິຊິໂອ ໂປເຊັດຕິໂນ່ ຜູ້ຈັດການທີມ ທ໊ອດແນມ ຮ໊ອດສະເປີ ສະໂມສອນຊັ້ນນຳແຫ່ງ ພຣີເມຍລີກ ອັງກິດ ຍອມຮັບວ່າທີມຂອງຕົນເກືອບຈະຕົກຮອບແບ່ງກຸ່ມຂອງ ຢູຟາ ແຊມປ້ຽນລີກ ເປັນທີ່ແນ່ນອນແລ້ວ ຫລັງຈາກທີ່ເຮັດໄດ້ພຽງບຸກໄປສະເໝີກັບ ພີເອສວີ ໄອນໂຮເຟນ 2-2 ທີ່ສະໜາມ ຟິລິບ ສຕາດິໂອນ ໃນເກມຂອງກຸ່ມ B ໃນວັນທີ 24 ຕຸລາຜ່ານມາ.
ການສະເໝີໃນຄັ້ງນີ້ເຮັດໃຫ້ ສະເປີ ມີພຽງ 1 ຄະແນນ ຈາກການລົງຫລິ້ນ 3 ນັດ ຕາມຫລັງ ອິນເຕີ ມິລານ ທີມໃນອັນດັບສອງຂອງກຸ່ມ 5 ຄະແນນ ໂດຍການແຂ່ງຂັນຕໍ່ຈາກນີ້ຂອງ ສະເປີ ໃນ ແຊມປ້ຽນລີກ ຄືການເປີດບ້ານພົບກັບ ພີເອສວີ ແລະ ອິນເຕີ 2 ນັດຕິດ ກ່ອນຈະປິດທ້າຍດ້ວຍການໄປຢາມ ບາເຊໂລນາ.
