ລະຄອນຕຸກກະຕາລາວໄດ້ຮັບຫລຽນຄຳຊະນະເລີດຈາກການແຂ່ງຂັນລະຄອນຕຸກກະຕານາໆຊາດທີ່ຮ່າໂນຍ

ໂດຍ: ຊາຍເນຈອນ.   

ລະຄອນຕຸກກະຕາ ເວທີ ໜຶ່ງທີ່ໄດ້ນໍາໃຊ້ຕຸກກະຕາຫຼື (ຫຸ່ນ)ເປັນຕົວລະຄອນສະແດງແທນຄົນສະເພາະຢູ່ລາວເຮົາໄດ້ ເລີ່ມສ້າງຕັ້ງຂຶ້ນມາແຕ່ປີ 2006 ,ໂດຍແມ່ນກອງລະຄອນຕຸກກະຕາແຫ່ງຊາດ ຂອງກົມ ສິລະປະ- ການສະແດງກະຊວງຖະແຫຼງ ຂ່າວ, ວັດທະນະທໍາ ແລະ ທ່ອງທ່ຽວ.

+ ວິທະຍາໄລສິລະປະເຜີຍແຜ່ວິໄຈຫລັກສູດສ້າງຄູມັດທະຍົມລະດັບປະລິນຍາຕີລະບົບ 12+42018/

+ ພັດທະນາເດັກພິເສດດ້ວຍສິລະປະ ແລະ ດົນຕີ2018/

ໄດ້ມີການເຄື່ອນໄຫວ ເຮັດພາລະບົກບາດຂອງຕົນໃນການສະແດງຮັບໃຊ້ສັງຄົມ, ເຊິ່ງນອກຈາກສະແດງຢູ່ພາຍ ໃນປະເທດແລ້ວ, ຍັງໄດ້ໄປສະແດງຢູ່ບັນດາປະເທດອາຊຽນ ແລະ ເຂດເອີລົບນໍາອີກ, ດັ່ງ ທ່ານ ນ. ວັນສີ ສຸກຈະເລີນ, ຜູ້ ອໍານວຍການກອງລະຄອນຕຸກ ກະຕາແຫ່ງຊາດ, ໄດ້ເປີດເຜີຍ ໃຫ້ຮູ້ວ່າ: ສິ່ງພົ້ນເດັ່ນທີ່ສຸດ ແມ່ນການເຂົ້າຮ່ວມປະກວດ ການສະແດງລະຄອນຕຸກກະ ຕານາໆຊາດ, ເຊິ່ງຈັດຂຶ້ນຢູ່ ຮ່າໂນຍ ສສ.ຫວຽດນາມເມື່ອ ວັນທີ 14-15ຕຸລານີ້, ເຊິ່ງມີ ກອງລະຄອນຕຸກກະຕາລາ ຊະອານາຈັກໄທ, ປອກຕຸຍ ການ, ຟີລິບປິນ, ມາເລເຊຍ, ອິນໂດເນເຊຍ, ຝລັ່ງ, ເຢຍລະ ມັນ ແລະ ສ.ເກົາຫຼີ, ເຊິ່ງລາວ ເຮົາ ສາມາດຍາດໄດ້ຫຼຽນ ຄໍາ ໃນງານແຂ່ງຂັນດັ່ງກ່າວ ແລະ ຜ່ານມາຄື ປີ 2006 ແລະ 2009 ສາມາດຍາດໄດ້ລາງ ວັນຊົມເຊີຍ ແລະ ຕໍ່ມາ ປີ 2012 ສາມາດຍາດໄດ້ລາງວັນຜູ້ກໍາ ກັບການສະແດງດີເດັ່ນ, ປີ 2015 ແລະ 2018ກໍສາມາດ ຍາດໄດ້ລາງວັນຊະນະເລີດ ເຊັ່ນກັນ, ເຊິ່ງແມ່ນຜົນສໍາເລັດ ອັນຍອດຍິ່ງແຫ່ງຄວາມມາ ນະອົດທົນ ແລະ ຮັກໃນອາຊີບ, ການເສຍສະຫຼະທຸ້ມເທແຮງ ງານ ແລະ ສະຕິປັນຍາເຂົ້າ ໃນວຽກງານດັ່ງກ່າວມາເປັນ ເວລາຫຼາຍປີ, ເຊິ່ງແຕ່ລະປີກໍ ໄດ້ມີການປັບປຸງ ແລະ ພັດທະ ນາດ້ານເຕັກນິກການສະແດງ ຫັນໄປສູ່ຮູບແບບໃໝ່ ທີ່ມີສີສັນອັນອຸດົມສົມບູນໄປດ້ວຍ ເນື້ອໃນທີ່ມີຄວາມໝາຍຄວາມສໍາຄັນເອົາຊີວິດຕົວຈິງຂອງ ຕົວລະຄອນເຂົ້າຕິດພັນກັບ ການສ້າງສາພັດທະນະປະ ເທດຊາດ ແລະ ເຮັດໃຫ້ຜູ້ເບິ່ງ ຜູ້ຊົມເຂົ້າໃຈໄດ້ງ່າຍເລີ່ມມີ ຊື່ສຽງຂຶ້ນຢູ່ໃນສັງຄົມ ແລະ ເປັນທີ່ຍອມຮັບຂອງສັງຄົມ ທັງພາຍໃນ ແລະ ບັນດາປະ ເທດເພື່ອນມິດນັບມື້ຫຼາຍ ຂຶ້ນ, ເຊິ່ງມັນໄດ້ສະແດງໃຫ້ ເຫັນເຖິງວັດທະນະທໍາອັນດີງາມ ແລະ ສິລະປະການສະ ແດງ ທີ່ເປັນເອກະລັກສະເພາະ ຂອງຊາດ ແລະ ທັງເປັນຮູບ ແບບໜຶ່ງ ແລະ ໂອກາດໜຶ່ງໃຫ້ ແກ່ການແລກປ່ຽນວັດທະນະ ທໍາ ແລະ ຄວາມສາມັກຄີຮັກ ແພງລະຫວ່າງນາໆຊາດດ້ວຍ ກັນອີກດ້ວຍ.