ເຫດຜົນທີ່ເຮັດໃຫ້ຖົ່ວອາວມັອນເປັນຖົ່ວດີທີ່ສຸດ

ຖົ່ວອາວມັອນ ອຸດົມໄປດ້ວຍວິຕາມິນເອີ ແລະ ແຮ່ທາດຕ່າງໆ ເຊັ່ນ : ທາດການຊຽມ, ຟົສຟໍ, ສັງກະສີ, ເຊເລນຽມ, ທອງແດງ ແລະ ໄນອະຊິນ ເນື່ອງຈາກຖົ່ວອາວມັອນມີສານອາຫານຫລວງຫລາຍແບບນີ້ ຈຶ່ງເຮັດໃຫ້ມີປະໂຫຍດຕໍ່ສຸຂະພາບຫລາຍດ້ານ ຄື:

1. ອາຫານບຳລຸງສະໝອງ : ເພາະອາວມັອນມີແຫ່ລງສານອາຫານທີ່ຈຳເປັນຕໍ່ການພັດທະນາສະໝອງ, ມີການວິໄຈພົບວ່າການກິນອາວມັອນມີສ່ວນເຮັດໃຫ້ລະດັບສະຕິປັນຍາສູງຂຶ້ນສຳລັບຄົນທຸກເພດໄວ ເພາະອາວມັອນມີສານໄຣໂບຟລາວິນ ແລະ ແອລຄານິນທີນ ທີ່ເພີ່ມການເຮັດວຽກຂອງສະໝອງ ແລະ ສ້າງການເຊື່ອມຕໍ່ຂອງເສັ້ນປະສາດໃໝ່ໆເພີ່ມຂຶ້ນ, ແຕ່ຫລຸດຄວາມສ່ຽງທີ່ຈະເກີດພະຍາດຄວາມຈຳເສື່ອມ.
2. ຄວບຄຸມຄໍເລສເຕີໂຣນໃຫ້ຢູ່ໃນລະດັບປົກກະຕິ : ການກິນອາວມັອນເປັນປະຈຳຈະຊ່ວຍເພີ່ມລະດັບຄໍເລສເຕີໂຣນທີ່ດີ ແລະ ຫລຸດຄໍເລສເຕີໂຣທີ່ບໍ່ດີລົງ.
3. ປ້ອງກັນສຸຂະພາບຂອງກະດູກ : ເນື່ອງຈາກອາວມັອນມີຟົສຟໍຫລາຍ ເຮັດໃຫ້ຜູ້ກິນມີສຸຂະພາບດີ ລວມເຖິງແຂ້ວ ແລະ ກະດູກທີ່ແຂງແຮງ ພ້ອມທັງປ້ອງກັນບໍ່ໃຫ້ຜູ້ເຖົ້າເປັນພະຍາດກະດູກຜ່ອຍໄດ້.
4. ເພື່ອຫົວໃຈທີ່ແຂງແຮງ : ຄວນກິນອາວມັອນໃຫ້ຫລາຍຂຶ້ນເປັນປະຈຳ ເພາະຈະເຮັດໃຫ້ຫົວໃຈແຂງແຮງ ໂດຍອາວມັອນມີລະດັບໂປຣຕິນ, ໂປຕັສຊຽມ ແລະ ກົດໄຂມັນບໍ່ອີ່ມໂຕສູງ ທັງ 3 ຢ່າງນີ້ສຳຄັນຕໍ່ລະດົບຫົວໃຈ ແລະ ຫລອດເລືອດ ໂດຍສະເພາະຫົວໃຈ ຈຶ່ງສາມາດປ້ອງກັນ ແລະ ຫລຸດຜົນກະທົບຈາກຄວາມສ່ຽງຂອງພະຍາດກ່ຽວກັບຫົວໃຈໄດ້.
5. ເປັນເກາະປ້ອງກັນລະບົບພູມຕ້ານທານ : ອາວມັອນມີວິຕາມິນເຊ ຊ່ວຍໃຫ້ຮ່າງກາຍກຳຈັດສານຕ້ານອະນຸມູນອິດສະລະທີ່ ອາດທຳລາຍແຊນໃນຮ່າງກາຍ ເຮົາຈຶ່ງປອດໄພຈາກພະຍາດຊຳ້ເຮື້ອ ລວມໄປເຖິງພະຍາດມະເຮັງ ຫລື ພະຍາດຫົວໃຈ.
6. ຕ້ານມະເຮັງ : ອາວມັອນມີໄຍອາຫານສູງ ຊ່ວຍການເຮັດວຽກຂອງລະບົບຂັບຖ່າຍ ແລະ ການເຄື່ອນທີ່ຂອງອາຫານໃນລຳໄສ້ໃຫຍ່ ດັ່ງນັ້ນ, ຈຶ່ງປ້ອງກັນການເກີດພະຍາດມະເຮັງໃນລຳ ສ້ໃຫຍ່ໄດ້. ນັກວິໄຈພິສູດແລ້ວວ່າ ອາຫານທີ່ມີໄຍອາຫານສູງສາມາດຫລຸດຄວາມສ່ຽງທີ່ຈະເປັນພະຍາດມະເຮັງລຳໄສ້ໄດ້.