ລາຄາວານຜູ້ອົບພະຍົບເພີ່ມຂຶ້ນ ບໍ່ສົນທ່ານ ທຣຳ ຂູ່ໃຊ້ທະຫານ
ຈຳນວນຜູ້ອົບພະຍົບຈາກອາເມລິກາກາງ ເຊິ່ງຫວັງເດີນທາງເຂົ້າສູ່ອາເມລິກາເພີ່ມຂຶ້ນຢ່າງຕໍ່ເນື່ອງ, ເຖິງວ່າປະທານາທິບໍດີ ໂດນັລ ທຣຳ ເຕືອນການໃຊ້ “ມາດຕະການທາງທະຫານ” ຄວບຄຸມສະຖານະການກໍຕາມ.
Full efforts are being made to stop the onslaught of illegal aliens from crossing our Souther Border. People have to apply for asylum in Mexico first, and if they fail to do that, the U.S. will turn them away. The courts are asking the U.S. to do things that are not doable!
— Donald J. Trump (@realDonaldTrump) October 21, 2018
ສຳນັກຂ່າວຕ່າງປະເທດລາຍງານວ່າ: ປະທານາທິບໍດີ ໂດນັລ ທຣຳ ກ່າວໃນວັນທີ 21 ຕຸລາວ່າ: ທ່ານ ແລະ ໜ່ວຍງານລັດທີ່ກ່ຽວຂ້ອງກຳລັງຮ່ວມກັນ “ພະຍາຍາມຢ່າງສຸດຄວາມສາມາດ” ໃນການສະກັດກັ້ນບໍ່ໃຫ້ “ການໂຈມຕີ” ຂອງຄາລາວານຜູ້ອົບພະຍົບຜິດກົດໝາຍ ສາມາດຂ້າມຊາຍແດນທາງຕອນໃຕ້ຂອງອາເມລິກາໄດ້.
ຜູ້ນຳອາເມລິກາ ກ່າວອີກວ່າ: ຜູ້ອົບພະຍົບເຫລົ່ານີ້ຕ້ອງສະມັກຂໍພິຈາລະນາຮັບສາຖານະຜູ້ລີ້ໄພທີ່ເມັກຊິກກ່ອນ, ຖ້າບໍ່ໄດ້ຮັບການອະນຸມັດ ລັດຖະບານວໍຊິງຕັນຈະຊຸກດັນກຸ່ມຄົນເຫລົ່ານີ້ອອກນອກປະເທດແບບບໍ່ມີເງື່ອນໄຂ.
After 24 hours stuck on a bridge between nations, the 7,000+ migrant caravan found another way. It's a 2,500-mile walk north to America. And that walk will include jungles, deserts and monsoon rains.@BillWeirCNN from the Guatemalan-Mexican border: https://t.co/I9Jc3FxDjF pic.twitter.com/ZpB9kgKer2
— CNN International (@cnni) October 21, 2018
ທ່າທີດັ່ງກ່າວຂອງທ່ານ ທຣຳ ເກີດຂຶ້ນທ່າມກາງວິກິດການໂຍກຍ້າຍຖິ່ນຖານຂອງຄາລາວານຜູ້ອົບພະຍົບຈາກອາເມລິກາກາງ ເຊິ່ງສ່ວນຫລາຍເປັນຊາວຮົງດູຣັດ ທະວີຄວາມຮຸນແຮງຂຶ້ນັບແຕ່ອາທິດຜ່ານມາ ຖືເປັນການທົດສອບດ້ານນະໂຍບາຍຜູ້ອົບພະຍົບຄັ້ງຫລ້າສຸດຂອງຜູ້ນຳອາເມລິກາ ເຊິ່ງປະກາດໃຫ້ເລື່ອງນີ້ເປັນໜຶ່ງໃນວາລະແຫ່ງຊາດໃນການຫາສຽງເລືອກຕັ້ງ ເພື່ອປ້ອງກັນການລັກລອບເຂົ້າເມືອງຂອງແກ້ງອາຊະຍາກຳ ເຊິ່ງສ່ວນຫລາຍມີຖານທັບຢູ່ປະເທດເຂດອາເມລິກາກາງ. ຂະນະທີ່ລັດຖະບານເມັກຊິກພະຍາຍາມສະກັດກັ້ນການຂ້າມຊາຍແດນຂອງຜູ້ອົບພະຍົບ.
