ຫາລືການສຳຫລວດຄວາມເປັນໄປໄດ້ຂອງໂຄງການພັດທະນາແຫລ່ງທ່ອງທ່ຽວເບື້ອງຕາເວັນຕົກຂອງສາຍນ້ຳຊອງ

ເມື່ອບໍ່ດົນມານີ້, ຢູ່ທີ່ ເມືອງ ວັງວຽງ ແຂວງວຽງຈັນ, ໄດ້ ຈັດກອງປະຊຸມເຜີຍແຜ່ເນື້ອ ໃນເອກະສານກ່ຽວກັບການ ສຶກສາ-ສຳຫຼວດຄວາມເປັນ ໄປໄດ້ ຂອງໂຄງການພັດທະ ນາແຫຼ່ງທ່ອງທ່ຽວຢູ່ເຂດ ເບື້ອງຕາເວັນຕົກຂອງສາຍ ນ້ຳຊອງໂດຍການ ເຂົ້າຮ່ວມ ຂອງທ່ານ ບຸນສອນ ເພັດລາ ວັນ ຮອງເຈົ້າແຂວງໆວຽງຈັນ, ທ່ານ ເຈົ້າເມືອງໆວັງວຽງ, ແລະ ຫົວໜ້າກົມຄຸ້ມ ຄອງການ ທ່ອງທ່ຽວກະຊວງຖະແຫຼງ ຂ່າວວັດທະນະທຳ ແລະ ທ່ອງທ່ຽວ, ພ້ອມດ້ວຍປະທານ ບໍລິສັດພັດທະນາເຂດໃໝ່ ວັງວຽງລາວ ຈຳກັດ ແລະ ອຳ ນາດການປົກຄອງ 22 ບ້ານ ຢູ່ໃນເຂດດັ່ງກ່າວເຂົ້າຮ່ວມນຳດ້ວຍ.

+ ເຊີນທ່ຽວງານບຸນອອກພັນສາທີ່ບໍລິຄຳໄຊໄປຊົມບັ້ງໄຟພະຍານາກ2018/

+ ໄປເມືອງນ້ຳບາກທ່ຽວຊົມງານສະຫລອງປີທ່ອງທ່ຽວລາວ ແລະ ແຂ່ງຂັນຊ່ວງເຮືອປະຈຳປີ 2018

ໃນກອງປະຊຸມ, ທ່ານ ຮອງຫົວຫນ້າພະແນກຄົ້ນ ຄວ້າແລະວິໄຈໂຄງການ ກະ ຊວງແຜນການ ແລະ ການ ລົງທຶນ ໄດ້ຂຶ້ນຜ່ານເນື້ອໃນ ບົດບັນທຶກຄວາມເຂົ້າໃຈ ( MOU ) ຂອງໂຄງການ ພັດ ທະນາແຫຼ່ງທ່ອງທ່ຽວ ຢູ່ເຂດ ເບື້ອງຕາເວັນຕົກຂອງສາຍ ນ້ຳຊອງ ແລະ ທ່ານ ປະທານ ບໍລິສັດ ດັ່ງກ່າວກໍໄດ້ຂຶ້ນລາຍ ງານ ເຈດຈໍານົງ ຂອງໂຄງ ການໂດຍພາກລັດ ແລະ ຊາວ ເມືອງວັງວຽງ ຈະໄດ້ຮັບຜົນປະ ໂຫຍດ ແລະ ຜ່ານເນື້ອໃນດຳ ລັດຂອງນາຍົກລັດຖະມົນຕີ ສະບັບເລກທີ 84/ນຍ, ລົງວັນ ທີ 5/4/2016 ວ່າດ້ວຍການ ທົດແທນ ຄ່າເສຍຫາຍ ແລະ ການຈັດສັນຍົກຍ້າຍປະຊາ ຊົນຈາກໂຄງການພັດທະນາ ດັ່ງກ່າວ.

ໂຄງການນີ້ເປັນໂຄງການພັດທະນາຕາມທິດທາງ ແລະ ແຜນພັດທະນາຂອງລັດ ໄປ ຕາມທິດທາງແບບຍືນຍົງ ແລະສີຂຽວ, ຈະບໍ່ມີການຍົກ ຍ້າຍປະຊາຊົນອອກຈາກເຂດ ພື້ນທີ່, ຈະເປັນການນຳຜົນ ປະໂຫຍດໂດຍກົງມາໃຫ້ປະ ຊາຊົນໃນທ້ອງຖິ່ນເຮັດໃຫ້ຊີ ວິດການເປັນຢູ່ຂອງປະຊາຊົນ ນັບມື້ດີຂຶ້ນ; ຈັດຕັ້ງປະຕິບັດ ຕາມ ແນວຄວາມຄິດກໍ່ສ້າງ ທີ່ວ່າສ້າງສາບ້ານເມືອງຮ່ວມ ກັນ, ໄດ້ຮັບການພັດທະນາ ຮ່ວມ ກັນ, ຄາດວ່າຈະມີໄລຍະການ ກໍ່ສ້າງປະມານ 15 ປີ, ລວມມູນ ຄ່າການລົງທຶນທັງໝົດປະມານ 5,5 ຕື້ໂດລາສະຫະລັດ, ແບ່ງ ເປັນ 3 ໄລຍະການກໍ່ສ້າງ, ໂດຍ ປະເມີນວ່າ: ໃນແຕ່ລະປີຈະມີ ນັກທ່ອງທ່ຽວເຂົາມາຫລາຍ ເຖິງ 5 ລ້ານເທື່ອຄົນ ແລະ ຈະ ມີລາຍຮັບປະມານ 500 ລ້ານ ໂດລາສະຫະລັດຕໍ່ປີ.

ສາມາດສ້າງວຽກເຮັດ ງານທຳໂດຍທາງກົງໃຫ້ແກ່ ປະຊາຊົນທ້ອງຖິ່ນປະມານ 5.000 ກວ່າຕຳແໜ່ງ, ສ້າງ ວຽກເຮັດງານທຳໂດຍທາງ ອ້ອມປະມານ 50.000 ກວ່າ ຕຳແໜ່ງ./.