ໄຊຍະບູລີຈະສູ້ຊົນໃຫ້ເສດຖະກິດຂະຫຍາຍຕົວບໍ່ຫລຸດ 8%
ກອງປະຊຸມເປີດກວ້າງ ຄັ້ງທີ 11 ສະໄໝທີ VI ຄົບຄະ ນະບໍລິຫານງານພັກແຂວງ ໄຊຍະບູລີ, ໄດ້ອັດລົງໃນວັນທີ 17 ຕຸລາ ຜ່ານມາ, ໂດຍພາຍໃຕ້ ການເປັນປະທານຂອງ ສະຫາຍ ພົງສະຫວັນ ສິດທະວົງ ກໍາມະ ການ ສູນກາງພັກ, ເລຂາພັກ ແຂວງ ເຈົ້າແຂວງໄຊຍະບູລີ. ກອງປະຊຸມໄດ້ຕົກລົງເຫັນດີ ເພີ່ມທະວີການຊຸກຍູ້ບັນດາໂຄງ ການລົງທຶນຂອງລັດ, ເອກະຊົນ ແລະ ທຶນຊ່ວຍເຫລືອຕ່າງໆໃຫ້ ໄດ້ຮັບການຈັດຕັ້ງປະຕິບັດ ໄປຕາມແຜນ ເພື່ອຍູ້ດັນເສດ ຖະກິດໃນໄລຍະ 3 ເດືອນທ້າຍ ປີໃຫ້ຂະຫຍາຍຕົວຕໍ່ເນື່ອງໃນ ລະດັບ 8,7%, ພ້ອມທັງເອົາ ໃຈໃສ່ປັບປຸງກົນໄກການ ບໍລິ ຫານລັດໃຫ້ມີຄວາມໂປ່ງໃສ ແລະ ຫັນສູ່ລະບຽບກົດໝາຍ ເທື່ອລະກ້າວ.
+ ກອງປະຊຸມຄົບຄະນະຂອງກຳມາທິການເສດຖະກິດ ເຕັກໂນໂລຊີ ແລະ ສິ່ງແວດລ້ອມ ປະຈຳປີ 20182018/
+ ເຂດພັດທະນາເສດຖະກິດໃໝ່ສີທັນດອນຈະຊ່ວຍຊຸກຍູ້ເສດຖະກິດຂອງຊາດເຂັ້ມແຂງ2018/
ທ່ານເລຂາພັກ ແຂວງໄຊ ຍະບູລີ ໃຫ້ຮູ້ວ່າ: ປັດຈຸບັນ, ການ ຜະລິດກະສິກໍາພາຍໃນແຂວງ ເຫັນວ່າເປັນຂະບວນກວ້າງ ຂວາງ ແລະ ພົ້ນເດັ່ນຫລາຍແມ່ນ ການປູກພືດເປັນສິນຄ້າ ເປັນ ຕົ້ນແມ່ນມັນຕົ້ນ, ສາລີແຂງ, ໝາກເດືອຍ, ພືດຕະກຸນຖົ່ວ ແລະ ອື່ນໆ ສາມາດປະຕິບັດໄດ້ 1 ແສນເຮັກຕາ, ໄດ້ຮັບຜົນຜະ ລິດກວ່າ 1,1 ໂຕນ. ນອກນີ້ ແມ່ນ ການປູກຫຍ້າລ້ຽງສັດທີ່ມີ ການຂະຫຍາຍຕົວດີ. ສ່ວນການ ພັດທະນາດ້ານອື່ນໆ ກໍເຫັນວ່າ ມີທ່າຕັ້ງໜ້າ, ໂດຍສະເພາະ ປະຊາຊົນທົ່ວແຂວງໄດ້ຊົມ ໃຊ້ໄຟຟ້າບັນລຸ 99% ຂອງ ຈໍານວນບ້ານທັງໝົດ ແລະ ຍັງມີຄອບຄົວທຸກຍາກພຽງ 1.202 ຄອບຄົວ ກວມເອົາ 1,62% ຂອງຄອບຄົວທັງໝົດ.
