ເຈັບໜ້າເອິກສັນຍານອັນຕະລາຍຂອງຫລາຍພະຍາດ

ສາເຫດຂອງອາການເຈັບໜ້າເອິກມີຢູ່ 4 ພະຍາດ ຄື : ພະຍາດຫົວໃຈ, ພະຍາດປອດ, ພະຍາດກ່ຽວກັບກະດູກ, ກ້າມຊີ້ນ ແລະ ປະສາດ, ພະຍາດລະບົບທໍ່ອາຫານ.

ອາການເຈັບໜ້າເອິກອາດເກີດຂຶ້ນໄດ້ນັບແຕ່ບໍລິເວນລຳຄໍ ໄປຈົນເຖິງໜ້າທ້ອງ ຂຶ້ນຢູ່ກັບສາເຫດຂອງອາການ. ຄວາມຮຸນແຮງຂອງອາການເຈັບໜ້າເອິກກໍມີຫລາຍລະດັບ ທ່ານອາດຮູ້ສຶກເຈັບມາເປັນບາດ, ແສບຮ້ອນ, ປວດ ຫລື ເຈັບຄືຖືກແທງ. ນອກຈາກນີ້, ທ່ານອາດມີຄວາມຮູ້ສຶກແໜ້ນໜ້າເອິກ ຫລື ມີຄວາມຮູ້ສຶກຄືຖືກບີບຢູ່ກາງເອິກ. ທ່ານຄວນໄປໂຮງໝໍເມື່ອເກີດອາການເຈັບໜ້າເອິກທີ່ບໍ່ສາມາດອະທິບາຍໄດ້ ໂດຍສະເພາະຫາກເກີດອາການແບບກະທັນຫັນ ແລະ ອາການບໍ່ຫາຍໄປ ເຖິງຈະກິນຢາລະງັບອາການ ຫລື ປັບພຶດຕິກຳແລ້ວກໍຕາມ ໃນກໍລະນີທີ່ອາການເຈັບໜ້າເອິກເກີດຮ່ວມກັບອາການອື່ນໆດັ່ງນີ້ :

– ເກີດອາການແໜ້ນໜ້າເອິກ ຫລື ຮູ້ສຶກຄືຖືກບີບບໍລິເວນກ້ອງກະດູກໜ້າເອິກ.

– ເກີດບັນຫາທີ່ກະດູກກົກບ່າ ແຂນເບື້ອງຊ້າຍ ຫລື ຫລັງຈາກອາການເຈັບໜ້າເອິກ.

– ເກີດອາການເຈັບຢູ່ໜ້າເອິກ ພ້ອມກັບຫາຍໃຈຖີ່ ຫລັງຈາກບໍ່ໄດ້ເຄື່ອນໄຫວເປັນເວລາດົນ.

– ເຈັບໜ້າເອິກພ້ອມກັບອາການປວດຮາກ, ອັດຕາການເຕັ້ນຂອງຫົວໃຈໄວຂຶ້ນ ຫລື ຫາຍໃຈຖີ່, ມຶນງົງ, ໜ້າຈືດ, ເຫື່ອອອກຫລາຍຜິດປົກກະຕິ.

– ຄວາມດັນເລືອດສູງຂຶ້ນຮຸນແຮງ ຫລື ອັດຕາການເຕັ້ນຂອງຫົວໃຈຕໍ່າຫລາຍ.