ກອງປະຊຸມຄົບຄະນະຂອງກຳມາທິການເສດຖະກິດ ເຕັກໂນໂລຊີ ແລະ ສິ່ງແວດລ້ອມ ປະຈຳປີ 2018
ກອງປະຊຸມຄົບຄະນະຂອງກຳມາທິການເສດຖະກິດ ເຕັກໂນໂລຊີ ແລະ ສິ່ງແວດລ້ອມ ໄດ້ຈັດຂຶ້ນໃນວັນທີ 18 ຕຸລານີ້ ທີ່ສູນຝຶກອົບຮົມ ICTC, ມີທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ລັດຖະມົນຕີ ກະຊວງກະສິກຳ ແລະ ປ່າໄມ້ ແລະ ບັນດາກຳມາທິການສະພາແຫ່ງຊາດເຂົ້າຮ່ວມຢ່າງພ້ອມພຽງ.
ກອງປະຊຸມນີ້ ເພື່ອແລກປ່ຽນທັດສະນະ, ປຶກສາຫາລືຮ່ວມກັນຂອງກຳມະການ ກ່ຽວກັບບັນຫາທີ່ພົ້ນເດັ່ນເກີດຂຶ້ນຢູ່ໃນສັງຄົມ ທີ່ຕິດພັນກັບໃນຂົງເຂດເສດຖະກິດ, ເຊິ່ງມີຫົວຂໍ້ ແລະ ເນື້ອໃນສຳຄັນດັ່ງນີ້: ລາຍງານ ກ່ຽວກັນການຄົ້ນຄ້ວາອອກນິຕິກຳຜັນຂະຫຍາຍນະໂຍບາຍຈັດຕັ້ງປະຕິບັດໂຄງການສົ່ງເສີມການຜະລິດເຂົ້າ ແລະ ການລ້ຽງສັດ ເພື່ອຄ້ຳປະກັນສະບຽງອາ ຫານ ແລະ ການຜະລິດເປັນສິນຄ້າຂອງລັດຖະບານ, ສະຫຼຸບຕີລາຄາ ການເຄື່ອນໄຫວວຽກງານປະຈຳປີ 2018 ແລະ ທິດທາງແຜນການປະຈຳປີ 2019 ຂອງກຳມາທິການເສດຖະກິດ, ເຕັກໂນໂລຊີ ແລະ ສິງແວດລ້ອມ ສະພາແຫ່ງຊາດອີກດ້ວຍ.
