ຫລວງນ້ຳທາຈູດທຳລາຍຢາເສບຕິດຫລາຍສິບກິໂລ
ເນື່ອງໃນໂອກາດວັນ ແຫ່ງຊາດຕ້ານຢາເສບຕິດ ຄົບ ຮອບ 17 ປີ, ໃນວັນທີ 16 ຕຸລານີ້, ເຈົ້າໜ້າທີ່ແຂວງ ຫລວງນ້ຳທາໄດ້ຈັດພິທີ ຈູດທຳລາຍຢາເສບຕິດທີ່ ຢຶດມາ ໄດ້ຈາກຂະບວນຄ້າ ຂາຍຢາເສບຕິດ ເຊິ່ງມີຢາ ບ້າຈຳນວນ 4 ແສນກວ່າ ເມັດ, ເຮໂລອິນ 12 ແທ່ງ.
+ ແຂວງອຸດົມໄຊຈູດທຳລາຍຢາເສບຕິດຈຳນວນຫລາຍ2018
+ ຫລາຍທ້ອງຖິ່ນທຳລາຍຢາເສບຕິດ ໃນວັນສາກົນຕ້ານຢາເສບຕິດ2018/
ທ່ານ ພັນເອກ ສົມໄຊ ຈັນທະວົງ ຫົວໜ້າກອງບັນ ຊາການ ປກສ ແຂວງຊີ້ໃຫ້ ເຫັນວ່າ: 1 ປີຜ່ານມາເຈົ້າໜ້າ ທີ່ຂອງຕົນໄດ້ເອົາໃຈ ໃສ່ລົງ ໂຄສະນາເຜີຍແຜ່ຜົນຮ້າຍ ຂອງຢາເສບຕິດຢູ່ບັນດາ ໂຮງຮຽນ ແລະ ບ້ານເປົ້າ ໝາຍຕ່າງໆ 13 ຄັ້ງມີຜູ້ ເຂົ້າ ຮ່ວມ ເກືອບ 2.000 ຄົນ, ລົງ ສະກັດກັ້ນທຳລາຍສວນ ຝິ່ນ ທີ່ປະຊາຊົນລັກລອບປູກ ມີ 100 ກວ່າເຮັກຕາ, ບຳບັດ ຜູ້ຕິດຢາເສບຕິດໄດ້ 2 ຊຸດ ມີຜູ້ສະໝັກໃຈເຂົ້າຮ່ວມ 70 ຄົນ ຍິງ 12 ຄົນ.
ພ້ອມນັ້ນ ໄດ້ມ້າງຄະດີ ກ່ຽວກັບຢາເສບຕິດ 154 ເລື່ອງ, ກັກຜູ້ຖືກຫາໄດ້ 212 ຄົນຍິງ 21 ຄົນ ແລະ ຢຶດຂອງ ກາງຢາເສບຕິດໄດ້ຈຳນວນ ຫລາຍ ພ້ອມຂອງກາງມີລົດ ໃຫຍ່ 6 ຄັນ, ລົດຈັກ 44 ຄັນ, ເຮືອ 1 ລຳ, ໂທລະສັບມືຖື 93 ເຄື່ອງ ແລະ ອື່ນໆ.
