IMF ຈະເປີດສຳນັກງານ ທີ່ອາກຊັງຕິນອີກເທື່ອໜຶ່ງ
October 16, 2018 - 5:06 PM
ກອງທຶນການເງິນສາກົນ (IMF) ຖະແຫລງວ່າ: IMF ຈະເປີດສຳນັກງານໃນອາກຊັງຕິນອີກເທື່ອໜຶ່ງ ຫລັງຍ້າຍອອກໄປເມື່ອ 6 ປີກ່ອນ.
ການຕັດສິນໃຈຂອງ IMF ມີຂຶ້ນພາຍຫລັງອາກຊັງຕິນບັນລຸຂໍ້ຕົກລົງກັບ IMF ໃນຂອບໂຄງການເງິນຊ່ວຍເຫລືອ, ອັດຕາດອກເບ້ຍ ແລະ ອັດຕາແລກປ່ຽນ. ຕາມຂໍ້ຕົກລົງດັ່ງກ່າວ IMF ຈະເລັ່ງຈັດສັນເງິນໃຫ້ກູ້ມູນຄ່າ 50.000 ລ້ານໂດລາ ພາຍໃນເດືອນມິຖຸນາແກ່ອາກຊັງຕິນປະເທດທີ່ມີເສດຖະກິດຂະໜາດໃຫຍ່ເປັນອັນດັບສາມຂອງອາເມລິກາລາຕິນ ເຊິ່ງກຳລັງປະສົບບັນຫາວິກິດເສດຖະກິດຄັ້ງໃໝ່.
