ຢ່າຫລົງກົນ

ໂດຍ: ທ່ຽງທຳ   

ສະບາຍດີ, ເພື່ອນຜູ້ອ່ານ ທີ່ຮັກແພງ, ໃນຍຸກຂໍ້ມູນຂ່າວ ສານ, ເຊິ່ງມັນມີຫລາຍແຫລ່ງ ຂ່າວທີ່ເຂົ້າມາສູ່ສັງຄົມນັບທັງ ດ້ານລົບ ແລະ ດ້ານບວກ, ອັນ ດີ ແລະ ອັນບໍ່ດີ, ອັນມີກຸສົນ ແລະ ອະກຸສົນຕ່າງໆນາໆ, ໂດຍສະ ເພາະແມ່ນສື່ສັງຄົມອອນລາຍ ທີ່ບໍ່ມີຕົນໂຕ, ສ້າງຂຶ້ນໂດຍລຳ ພັງເພື່ອເປັນເຄື່ອງມືສື່ສານໃຫ້ ແກ່ຕົນເອງ, ແຕ່ສິ່ງນັ້ນຖ້າເຮົາ ຮູ້ນຳໃຊ້ກໍຈະເປັນຜົນປະໂຫຍດ ອັນດີມາສູ່ຕົນເອງ ແລະ ປະເທດ ຊາດບ້ານເມືອງ, ແຕ່ກໍໜ້າເສຍ ດາຍບັນດາສື່ເລົ່ານັ້ນບາງອັນ ສ້າງຂຶ້ນເພື່ອເປົ້າໝາຍໂຄ່ນ ລົ້ມໂຈມດີຜູ້ອື່ນ, ຂົ່ມເພິ່ນຍໍໂຕ, ອວດດີອອດເກັ່ງ, ໃສ່ຮ້າຍປ້າຍ ສີທັບຖົມຜູ້ອື່ນກໍມີຫລາຍ.

ດັ່ງນັ້ນຜູ້ບໍລິໂພກຂໍ້ມູນ ຂ່າວສານຕ່າງໆຕ້ອງຮູ້ຄັດ ເລືອກໄຕ່ຕອງວ່າອັນໃດເປັນຂໍ້ ມູນຂ່າວສານທີ່ມີປະໂຫຍດໃຫ້ ແກ່ຕົນເອງ, ກໍຄືຊາດບ້ານເມືອງ ແລະ ອັນໃດເປັນຂ່າວ ອະກຸສົນ ໂຄ່ນລົ້ມໂຈມຕີປະເທດຊາດ ບ້ານເມືອງເຮົາກໍຕ້ອງຮູ້ຫລີກ ເວັ້ນ ແລະ ໜີໄກຈາກມັນກໍດັ່ງ ມີຫລາຍເຟສບຸກ, ເວບຊາຍ ທີ່ພວກເຮົາເຄີຍເຫັນໃນກະໂຕ ເຈົ້າຂອງເວບຊາຍ ແລະ ເຟສ ບຸກ ນັ້ນກໍແມ່ນຄົນລາວແທ້ໆ, ແຕ່ບໍ່ຮູ້ວ່າມັນເປັນ ບ້າແນວໃດ, ແຕ່ລະມື້ຊອກແຕ່ເລື່ອງດ່າຜູ້ ນັ້ນເວົ້າຜູ້ນີ້, ວິຈານປະເທດ ຊາດບ້ານເມືອງຂອງຕົນຢ່າງ ໄຮ້ຄວາມເປັນມະນຸດຄວາມ ເປັນເຊື້ອເປັນຊາດກຳເນີດເກີດມາໃນບົນດິນແດນແຫ່ງນີ້ພັດ ກັບກາຍເປັນຄົນເນລະຄຸນ ແນວນັ້ນ.
ກໍດັ່ງ “ເຟສບຸກ ຂອງບຸກ ຄົນໜຶ່ງ” ທີ່ໄດ້ສ້າງເລື່ອງຂຶ້ນ ມາໃນຄືນວັນທີ 14 ຕຸລານີ້, ໂດຍການໂພສ ບຸກຄົນຈຳນວນ ໜຶ່ງ ອ້າງວ່າເປັນເຈົ້າໜ້າທີ່ ບ້ານ ເມື່ອເຂົ້າໄປຈັບຕົວຜູ້ນຸ່ງ ເສື້ອ ທີ່ມີຕົວໜັງສືຂຽນໃສ່ ວ່າ: “ຂ້ອຍບໍ່ມີເງິນຈ້າງເຂົ້າ ເຮັດວຽກ” ຢູ່ໃນງານມ່ວນຊື່ນ (ຄອນເສີດ) ແຫ່ງໜຶ່ງໃນ ແຂວງສະຫວັນນະເຂດ, ໂດຍ ມີເປົ້າໝາຍໂຟດເຫດການ ດ່ັງກ່າວເພື່ອໃສ່ຮ້າຍປ້າຍສີ ອຳນາດການປົກຄອງ ແລະ ເຈົ້າ ໜ້າທີ່ຮັກສາຄວາມສະຫງົບ ເຮົາ, ເຊິ່ງເຫດການນີ້ ກໍດັ່ງ ຫລາຍໆເຫດການທີ່ເຟສບຸກ ດັ່ງກ່າວສ້າງຂຶ້ນໃສ່ຮ້າຍປ້າຍ ສີຜູ້ອື່ນ, ສ້າງຂຶ້ນເພື່ອແບ່ງແຍກ ຄວາມສາມັກຄີພາຍໃນ, ແບ່ງ ພັກແບ່ງພວກເພື່ອຜົນປະໂຫຍດໃດໜຶ່ງຂອງພວກເຂົາ.

ດັ່ງນັ້ນຜູ້ບໍລິໂພກແຫລ່ງ ຂ່າວຈະຕ້ອງໄດ້ເຂົ້າໃຈ ແລະ ຮູ້ໄຕ່ຕອງເພື່ອຈະໄດ້ຕອບຕ້ານກັບຂ່າວອະກຸສົນຕ່າງໆນັ້ນ ໃຫ້ໝົດໄປ./.

+ ເຟສບຸກລົງໂຄສະນາເຕັມໜ້າໜັງສືພິມ ຂໍໂທດເລື່ອງຂໍ້ມູນຮົ່ວ2018/

+ ເຟສບຸກຈະໃຊ້ມາດຕະການເພ່ືອປ້ອງກັນ ບໍ່ໃຫ້ຖືກນຳໃຊ້ໂດຍຜູ້ກໍ່ການຮ້າຍ2017/