ເຮັດ 5 ສິ່ງນີ້ກ່ອນນອນຜິວງາມຮູບຮ່າງສົມສ່ວນ
October 15, 2018 - 12:50 PM
- ອາບນຳ້ເຢັນ : ຫລາຍຄົນຈະບໍ່ມັກການອາບນຳ້ເຢັນກ່ອນນອນ ເພາະວ່າການອາບນຳ້ອຸ່ນຈະຊ່ວຍຜ່ອນຄາຍກ້າມຊີ້ນໄດ້ດີກ່ວາ, ແຕ່ທ່ານຮູ້ຫລືບໍ່ວ່າການອາບນຳ້ເຢັນກ່ອນນອນຈະເປັນການປຸກຄວາມສົດຊື່ນໃຫ້ຮ່າງກາຍ ແລະ ຊ່ວຍກະຕຸ້ນການເຜົາຜານໄຂມັນໄດ້ດີ ສິ່ງສຳຄັນນຳ້ເຢັນຍັງບໍ່ທຳລາຍຄວາມຊຸ່ມຊື່ນໃຕ້ຜິວໜັງ ຈຶ່ງເຮັດໃຫ້ຜິວບໍ່ແຫ້ງງ່າຍນັ້ນເອງ.
- ດື່ມນົມ : ການດື່ມນົມອຸ່ນໆໂດຍສະເພາະແມ່ນນົມພ່ອງມັນເນີຍ ຫລື ນຳ້ເຕົ້າຫູ້ ເຊິ່ງເຮັດມາຈາກຖົ່ວເຫລືອງທີ່ໃຫ້ຄຸນຄ່າທາງໂພຊະນາການສູງ ມີປະໂຫຍດຫລາຍຕໍ່ສຸຂະພາບ ແລະ ຍັງດີຕໍ່ຜິວ ເຮັດໃຫ້ບໍ່ຫ່ຽວຍານ ແລະ ເບິ່ງອ່ອນກ່ວາອາຍຸ ທັງຍັງນຸ້ມ ຊຸ່ມຊື່ນຍິ່ງຂຶ້ນ ສິ່ງສຳຄັນຍັງເປັນເຄື່ອງດື່ມທີ່ສາມາດດື່ມກ່ອນນອນໄດ້ຢ່າງບໍ່ເຮັດໃຫ້ຕຸ້ຍ ດື່ມແລ້ວຈະເຮັດໃຫ້ທ່ານນອນຫລັບສະບາຍ.
- ມີເພດສຳພັນກ່ອນນອນ : ສຳລັບຄົນທີ່ມີຄູ່ ການມີເພດສຳພັນກ່ອນນອນຖືເປັນອີກໜຶ່ງການອອກກຳລັງກາຍທີ່ຈະຊ່ວຍເຜົາຜານພະລັງງານໄດ້ເປັນຢ່າງດີ, ເຮັດໃຫ້ລະບົບໄຫລວຽນເລືອດເຮັດວຽກດີຂຶ້ນ ແລະ ຍັງເປັນການສ້າງຄວາມຜ່ອນຄາຍໃຫ້ຮ່າງກາຍໄດ້ດີນຳອີກ. ສະນັ້ນ ທ່ານໃດທີ່ຢາກຫລຸດນຳ້ໜັກກໍສາມາດໃຊ້ວິທີນີ້ເປັນໂຕຊ່ວຍໄດ້.
- ໂຍຄະເບົາໆ : ການຫລິ້ນໂຍຄະ ເປັນການອອກກຳລັງຫລຸດນຳ້ໜັກ ແລະ ຊ່ວຍເຮັດໃຫ້ຮູບຮ່າງງາມສົມສ່ວນໄດ້, ຜິວສຸພາບດີຂຶ້ນ ແລະ ຍັງເປັນການຝຶກສະມາທິ ທັງຊ່ວຍບຳບັດຄວາມເຄັ່ງຄຽດໄດ້ນຳ ແນະນຳໃຫ້ຫລິ້ນໂຍຄະເປັນປະຈຳທຸກແລງ ຫລື ກ່ອນນອນ ຮັບຮອງວ່າຈະຊ່ວຍກະຕຸ້ນລະບົບເຜົາຜານ ແລະ ເຮັດໃຫ້ທ່ານນອນຫລັບສະບາຍແນ່ນອນ.
- ເຂົ້ານອນໄວ ບໍ່ຄວນນອນເດິກ : ການນອນເດິກເຮັດໃຫ້ຮ່າງກາຍພັກຜ່ອນບໍ່ພຽງພໍ ສົ່ງຜົນໃຫ້ຮໍໂມນຄວາມອີ່ມເຮັດວຽກບໍ່ເຕັມປະສິດທິພາບ ແລະ ຍັງກະຕຸ້ນໃຫ້ຮູ້ສຶກເຄັ່ງຄຽດງ່າຍ, ອາລົມຫງຸດຫງິດຕະຫລອດ ຈົນຕ້ອງຢາກກິນແຕ່ອາຫານຫວານໆເພື່ອບຳບັດຄວາມເຄັ່ງຄຽດ ທັງຍັງກະຕຸ້ນໃຫ້ຮູ້ສຶກອີ່ມຊ້າ, ເມື່ອອີ່ມແລ້ວຍັງຫິວໄດ້ຫລາຍເທື່ອນຳອີກ ແລະ ຍັງເປັນການທຳລາຍລະບົບເຜົາຜານໃຫ້ເຮັດວຽກເສື່ອມປະສິດທິພາບລົງ. ສິ່ງສຳຄັນໃນດ້ານຂອງຜິວກໍຈະໝອງຄຳ້ ຫລື ໂຊມງ່າຍ. ດັ່ງນັ້ນ, ເຂົ້ານອນໄວຈະດີກ່ວາ ຮ່າງກາຍຈະໄດ້ຟື້ນຟູໂຕເອງ ເຮັດໃຫ້ຜິວງາມສົດໃສ ແລະ ຍັງມີຮູບຮ່າງງາມສົມສ່ວນງ່າຍຂຶ້ນ ຈາກພຶດຕິກຳການກິນຂອງຫວານທີ່ໜ້ອຍລົງ ທັງຍັງກິນຢ່າງມີສະຕິຂຶ້ນຕື່ມ.
