ຂຶ້ນພູຟ້າຊົມວິວ

ໂດຍ: ສົມຄິດ ແກ້ວນວນລາ   

ພູຟ້າຕັ້ງຢູ່ທິດຕາເວັນອອກສ່ຽງເໜືອຂອງຕົວເມືອງ ຜົ້ງ ສາລີ, ເປັນພູທີ່ມີຄວາມສູງຈາກ ລະດັບໜ້ານ້ຳທະເລ 1.625 ແມັດ, ມີເນື້ອທີ່ປ່າທຳມະຊາດ ອ້ອມຕາມພູຟ້າ 200 ເຮັກຕາ, ທີ່ອຸດົມສົມບູນໄປດ້ວຍຊີວະ ນາໆພັນ ແລະ ຕົ້ນໄມ້ເປັນຢາ ຫລາຍຊະນິດສາມາດປຸງແຕ່ງ ເປັນຢາປິ່ນປົວພະຍາດໄດ້ ແລະ ມີສັດສາວາສິ່ງ, ນົກນ້ອຍໃຫຍ່ ທີ່ ຫາຍາກນາໆຊະນິດ, ຢູ່ພູຟ້າ ຍັງມີພະທາດມິ່ງຂວັນພູຟ້າຕັ້ງ ຢູ່ ຈອມສູງສຸດຂອງພູທີ່ສຳເລັດ ການກໍ່ສ້າງໃນປີ 2006 ເປັນ ພະທາດທີ່ຊາວແຂວງຜົ້ງສາລີ ເຄົາລົບ ແລະ ສັກກາລະບູຊາ, ພໍ ແຕ່ພວກເຮົາກ້າວເຂົ້າສູ່ເທສະ ບານເມືອງຜົ້ງສາລີກໍຈະແນມ ເບິ່ງເຫັນພະທາດດັ່ງກ່າວຕັ້ງ ຢູ່ ຢ່າງສະງ່າຜ່າເຜີຍປະດັບ ໃຫ້ແກ່ຕົວເມືອງຜົ້ງສາລີ, ມີ ຄວາມໂດດເດັ່ນຍິ່ງຂຶ້ນ.

+ ທ່ຽວຊົມທຳມະຊາດເມືອງຄຳແຂວງຊຽງຂວາງ2018/

+ ທ່ຽວຊົມຫລວງພະບາງເມືອງມໍລະດົກໂລກ2018/

ພູຟ້າຕາມຊື່ເດີມຂອງຊົນ ເຜົ່າຜູ້ ນ້ອຍເອີ້ນວ່າ: “ປົວພູບ” ແລະ ໄປປ່ຽນຊື່ມາເປັນ “ພູຟ້າ” ຍ້ອນຕັ້ງຢູ່ທີ່ສູງ, ມາຮອດປີ 2005 ການນຳແຂວງ ແລະ ເມືອງຜົ້ງສາລີ ພ້ອມດ້ວຍປະ ຊາຊົນບັນດາເຜົ່າຜູ້ມີຈິດໃຈ ເຫລື້ອມໃສ່ສັດທາທັງພາຍ ໃນ ແລະ ຕ່າງປະເທດໄດ້ເຕົ້າ ໂຮມຊັບສິນເງິນຄຳ ແລະ ແຮງ ງານມາສ້າງຕັ້ງພະທາດ ຂຶ້ນຢູ່ ຈອມພູຟ້າເພື່ອເປັນມິ່ງຂວັນ ຂອງຊາວເມືອງແຫ່ງນີ້.
ພູຟ້ານອກຈາກເປັນສະ ຖານທີ່ ເຄົາລົບ ແລະ ສັກກະລະ ບູຊາ, ສະຖານທີທ່ອງທ່ຽວ ແລ້ວຍັງເປັນແຫລ່ງນ້ຳທີ່ສະ ໜອງນ້ຳໃຊ້ – ນ້ຳດື່ມໃຫ້ແກ່ ຊາວ ເມື້ອງ ຜົ້ງສາລີ ດ້ວຍເຫດ ນີ້ ອົງການປົກຄອງ ແລະ ປະຊາ ຊົນຈຶ່ງມີມາດຕະການອານຸລັກ ຮັກສາຄວາມເປັນທຳມະຊາດ ຂອງພູຟ້າໃຫ້ ຄົງຢູ່ໃນສະພາບ ເດີມໂດຍນຳເອົາພູຟ້າເຂົ້າໄປ ກ່ຽວຂ້ອງກັບ ພິທີກຳຫລາຍ ຢ່າງເພື່ອໃຫ້ເກີດຄວາມສັກ ສິດເຊັ່ນ: ປະກົດການຟານ ຂາວຮ້ອງໃນເຂດພູຟ້າ ກໍເປັນ ສັນຍານບົ່ງບອກເຖິງການ ປ່ຽນແປງຂອງດິນຟ້າອາກາດ ຕົວຢ່າງ: ເມື່ອມີອາກາດຮ້ອນ ແກ່ຍາວ ເມື່ອມີຟານຂາວມາ ຮ້ອງຢູ່ພູຟ້າ ເຊື່ອກັນວ່າຈະ ເຮັດໃຫ້ມີຝົນຕົກ ແລະ ກົງ ກັນຂ້າມ ເວລາມີຝົນຕົກແກ່ ຍາວ ຖ້າມີຟານຂາວມາຮ້ອງ ກໍຈະມີການປ່ຽນແປງມາ ເປັນແດດ ແລະ ທ້ອງຟ້າແຈ່ມ ໃສ່; ນອກຈາກນີ້ ກໍຍັງມີຕົ້ນ ໄມ້ໃຫຍ່ທີ່ມີໃບປ່ຽນສີປົກກະ ຕິໃບໄມ້ຈະປ່ຽນສີຕາມລະດູ ການຂອງມັນລະດູໃບໄມ້ຫລົ່ນ ໃບໄມ້ຈະເຫລືອງ, ລະດູໃບໄມ້ ປົ່ງໃບຂອງມັນຈະແດງ ຫລື ຂຽວແຕ່ຖ້າຕົ້ນໄມ້ຕົ້ນນັ້ນ ຫາກປ່ຽນເປັນສີອື່ນ ເຊື່ອກັນ ວ່າຈະມີເຫດຮ້າຍເກີດຂຶ້ນ.

ນອກຈາກນີ້ຄວາມເປັນ ມາຂອງ ພູຟ້າຍັງກ່ຽວຂ້ອງ ກັບຄວາມເຊື່ອ ຫລື ສິ່ງເລິກລັບ ອີກຫລາຍຢ່າງທີ່ຄົນໃນທ້ອງ ຖິ່ນຍັງບໍ່ສາມາດອະທິບາຍໄດ້ ຢ່າງສັດເຈນ ເຊັ່ນ: ຮ່ອງຮອຍ ຂອງສັດປະຫລາດທີ່ເອີ້ນວ່າ: “ຖ້າຜີກ່ອງກ່ອຍ” ແລະ ປະກົດ ການອອກແສງໃນຍາມທ່ຽງ ຄືນຂອງມື້ ວັນເພັງ 15 ຄ່ຳ, ນອກນີ້ພູຟ້າຍັງມີດອກໄມ້ ນາໆ ຊະນິດເບັ່ງບານຢ່າງງົດ ງາມເປັນຕົ້ນແມ່ນດອກຄາຍ ປ່າທີ່ເບັ່ງບານແດງເຮື່ອງເຮື່ອຢູ່ ຕາມເປີ້ນພູຟ້າ ເຊິ່ງແຂກຫລາຍ ຄົນທີ່ມາເຫັນກໍໃຫ້ສາຍານາມ ວ່າ: “ແດນສະກຸລະ” ເພາະ ດອກຄ້າຍປ່າມັນຄາຍຄືດອກ ສະກຸລະ ແລະ ເປັນດອກໄມ້ທີ່ ງົດງາມຂອງປະເທດຍີ່ປຸ່ນ, ພໍ ຮອດເດືອນ 3 ເດືອນ 4 ກໍມີ ດອກເບັ່ງບານຂາວຈ່ານພ່ານ ເຕັມເປີ້ນພູຟ້າ ແລະ ດອກປິດ, ດອກແຄ ສີແດງສີເຫລືອງ ປົນກັນໄປຢ່າງງົດງາມຍິ່ງ ສ້າງໃຫ້ພູຟ້າເປັນສຖານທີ່ຊົມ ວິວທີ່ງົດງາມຂອງນັກທ່ອງ ທ່ຽວອີກດ້ວຍ ແລະ ໃນຍາມ ໜາວຈະເຫັນສາຍໝອກທີ່ ສວຍງາມປົກຄຸມຕາມຮ່ອມພູ ແລະ ຕົວເມືອງ ຜົ້ງສາລີ ສົມ ກັບຄຳວ່າ: “ ເມືອງແຫ່ງ ທະ ເລໝອກ” ຖ້າໃຜຈະຂຶ້ນສຳ ພັດກັບບັນຍາກາດ ຈອມພູຟ້າ ແມ່ນມີ 2 ເສັ້ນທາງ ຄື: ການ ຍ່າງ ຈາກຕົວເມືອງແຕ່ຕີນພູ ຂຶ້ນທາງຂັ້ນໄດຈຳນວນ 863 ຂັ້ນໃຊ້ເວລາປະມານ 40 ນາທີ ກໍໄປເຖິງຈອມພູຟ້າໄດ້ ແລະ ອີກທາງໜຶ່ງສຳລັບທ່ານ ໃດ ທີ່ບໍ່ຢາກອອກແຮງຫລາຍ ແມ່ນສາມາດຂີ່ລົດຂຶ້ນໄປຕາມ ທາງຄົດໂຄ້ງຄ້າຍຄືກົ້ນຫອຍ ອ້ອມຂຶ້ນເຖິງຈອມພູແຕ່ດີແທ້ ແມ່ນຍ່າງຂຶ້ນຈະດີກວ່າ ເພາະ ຈະໄດ້ສຳຜັດກັບບັນຍາກາດ ສົດໆ ຂອງປ່າໄມ້, ສັດນາໆ ຊະ ນິດ ແລະ ບາງຄັ້ງກໍອາດຈະ ພົບເຫັນຟານ ຫລື ໝູປ່າ ແລະ ສັດອື່ນໆ ສ່ວນຢູ່ຕາມທາງຂຶ້ນ ກໍມີຈຸດຜັກຜ່ອນຊົມວິວ ແລະ ຈຸດໃຫ້ບໍລິການຂໍ້ມູນຂ່າວສານ ການທ່ອງທ່ຽວ ແລະ ອາຫານ, ເຄື່ອງດື່ມໄວ້ບໍລິການນັກທ່ອງ ທ່ຽວທີ່ມາຢ້ຽມຢາມ.

ເມື່ອທ່ານເຖິງຈຸດສູງສຸດ ຂອງພູຟ້າແລ້ວ ທ່ານ ສາມາດ ຂາບໄຫວ້ພະທາດ, ຊົມທິວ ທັດຂອງຕົວເມືອງຜົງສາລີ, ທະເລໝອກທີ່ສວຍງາມ ແລະ ສຳພັດກັບອາກາດທີ່ ບໍລິ ສຸດ ແລະ ຊຸ່ມເຢັນນະທີ່ນີ້.

ປີນີ້ ກໍແມ່ນປີທ່ອງທ່ຽວ ລາວ 2018 ທາງຄະນະຮັບ ຜິດຊອບ ແລະ ອານຸລັກຮັກ ສາພູຟ້າ ກໍໄດ້ປັບປຸງເຂດທ່ອງ ທ່ຽວພູຟ້າ ເພື່ອຕ້ອນຮັບແຂກ ຄົນທັງພາຍໃນ ແລະ ຕ່າງປະ ເທດທີ່ມາຢ້ຽມຊົມ, ພ້ອມເຊີນ ຊວນບັນດາທ່ານ ຍາດເວລາ ມາທ່ຽວຊົມພູຟ້າແດນສະຫວັນ ຜົງສາລີ ເຊິ່ງເປັນອີກສະຖານ ທີ່ທ່ອງທ່ຽວທີ່ສຳຄັນ ແລະ ມີ ຫລາຍສິ່ງຫລາຍຢ່າງທີ່ໜ້າ ຄົ້ນຫາຮັບຮອງວ່າ ຈະຕິດອົກ ຕິດໃຈກັບແດນສະຫວັນທະ ເລໝອກແຫ່ງນີ້ໄປຊົ່ວກາລະນານ./.