ເມືອງກາສີຮັບຮອງເອົາ 8 ບ້ານປ້ອງກັນຄວາມສະຫງົບດີ

ພິທີປະກາດຮັບຮອງບ້ານ ປຸ່ງຫລັກ, ຜາຕໍ່, ໂພນແບ່ງ, ໂພນ ທັນ, ຫົວເມືອງ, ທົ່ງເໝືອດ, ນາຊາຍຂາວ ແລະ ນາມົນໃຫຍ່, ເມືອງກາສີ, ແຂວງວຽງຈັນ ເປັນ ບ້ານປ້ອງກັນຄວາມສະຫງົບດີ, ໄດ້ຈັດຂຶ້ນດ້ວຍບັນຍາກາດຟົດ ຟື້ນເມື່ອບໍ່ດົນມານີ້, ຜູ້ຕາງໜ້າ ບ້ານດັ່ງກ່າວໃຫ້ຮູ້ວ່າ: 8 ບ້ານນີ້ ລວມມີພັນກວ່າຫລັງເຮືອນ, ມີພົນລະເມືອງ ທັງໝົດຫລາຍ ກວ່າ 6.400 ຄົນ, ຍິງກວມເອົາ ເກືອບ50% ໃນໄລຍະຜ່ານມາ ຄະນະພັກ, ອຳນາດການປົກ ຄອງແຕ່ລະບ້ານໄດ້ຊີ້ນຳ- ນຳພາປະຊາຊົນ, ເອົາໃຈໃສ່ຈັດຕັ້ງ ປະຕິບັດແນວທາງນະໂຍບາຍ ຂອງພັກ ແລະ ລະບຽບກົດ ໝາຍຂອງລັດ, ຕື່ນຕົວເຂົ້າຮ່ວມຂະບວນການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ, ພ້ອມທັງຕັ້ງໜ້າແກ້ ໄຂປາກົດການຫຍໍ້ ທໍ້ດ້ານຕ່າງໆຢ່າງເປັນເຈົ້າການຄົບຕາມເງື່ອນໄຂມາດຖານຄອບຄົວ ແລະ ບ້ານປ້ອງກັນຄວາມສະ ຫງົບດີປະກອບສ່ວນເຂົ້າໃນການປົກປັກຮັກສາ ແລະ ສ້າງສາເສດຖະກິດ-ສັງຄົມ ທ້ອງຖິ່ນ ມີຄວາມສະຫງົບ ແລະ ເຕີບໃຫຍ່ຂະຫຍາຍຕົວ.