ເປີດສູນປະສານງານແມ່ນ້ຳຂອງ ປອດໄພ ຢູ່ລາວ

ພິທີ ເປີດສູນປະສານງານ ແມ່ນ້ຳຂອງປອດໄພ ເຊິ່ງ ສປປ ລາວ ເປັນເຈົ້າພາບໄລຍະ 3 ເດືອນທ້າຍປີ 2018 ໄດ້ມີຂຶ້ນ ໃນ ທ້າຍອາທິດຜ່ານມາ, ໂດຍ ການເຂົ້າຮ່ວມຂອງທ່ານ ພົນຕີ ສົມຫວັງ ທຳມະສິດ ຫົວໜ້າ ຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດ ກະ ຊວງປ້ອງກັນຄວາມສະຫງົບ, ໂດຍມີຜູ້ເຂົ້າຮ່ວມຈາກປະເທດ ສະມາຊິກໂຄງການແມ່ນ້ຳຂອງ ປອດໄພ 6 ປະເທດ ຄື: ສປ ຈີນ, ສປປ ລາວ, ສະຫະພາບມຽນມາ, ຣາຊະອານາຈັກໄທ, ຣາຊະອານາຈັກກຳປູເຈຍ ແລະ ສສ ຫວຽດນາມ.

+ ໂຄງການຄຸ້ມຄອງປະມົງຂອງຊຸມຊົນຢູ່ແມ່ນ້ຳຂອງຕອນກາງ2018/

+ສະຖາບັນແມ່ນ້ຳຂອງມອບເງິນ 60 ລ້ານກີບໃຫ້ແຂວງຄຳມ່ວນເພື່ອຈັດຊື້ແນວພັນເຂົ້າໃຫ້ຊາວກະສິກອນຜູ້ປະສົບໄພ2018/

ໃນໂອກາດນີ້, ທ່ານ ພົນຕີ ສົມຫວັງ ທຳມະສິດ ໄດ້ຍົກໃຫ້ ເຫັນວ່າ: ບັນຫາຢາເສບຕິດໄດ້ ສ້າງຄວາມໜັກໃຈໃຫ້ລັດຖະບານຂອງຫລາຍປະເທດ, ເຊິ່ງ ໄດ້ ເປັນສິ່ງກົດໜ່ວງທ່ວງດຶງ ການພັດທະນາເສດຖະກິດ- ສັງຄົມ, ຄວາມເປັນລະບຽບຮຽບ ຮ້ອຍຂອງສັງຄົມ, ສະຖຽນລະ ພາບ ແລະ ຄວາມໝັ້ນຄົງຂອງ ປະຊາຊາດໃນໂລກ, ເຊິ່ງມັນ ຮຽກຮ້ອງໃຫ້ມີການຮ່ວມມືຢ່າງ ແໜ້ນແຟ້ນ ແລະ ຈິງໃຈລວມ ທັງການນຳໃຊ້ຊັບພະຍາກອນ ມະນຸດ ຢ່າງຫລວງຫລາຍ ແລະ ທຶນ ຮອນອັນມະຫາສານ ຈຶ່ງຈະ ສາມາດເອົາຊະນະຕໍ່ໄພຂົ່ມຂູ່ ດັ່ງກ່າວນີ້ໄດ້, ຍ້ອນແນວນັ້ນ ສປປ ລາວ ຈຶ່ງໄດ້ເຂົ້າຮ່ວມ ປະຕິບັດໂຄງການແມ່ນ້ຳຂອງ ປອດໄພ 4 ປະເທດ: ປະກອບ ດ້ວຍ ສປປ ລາວ, ສປ ຈີນ, ສະຫະພາບມຽນມາ ແລະ ຣາຊະອານາຈັກໄທ, ຕໍ່ມາປີ 2015 ໄດ້ ເຊື້ອເຊີນ ປະເທດ ກຳປູເຈຍ ແລະ ສສ. ຫວຽດນາມ ເຂົ້າເປັນສະມາຊິກຕື່ມອີກ, ໂຄງການດັ່ງ ກ່າວມີຈຸດປະສົງເພື່ອສະກັດ ກັ້ນ ສານເຄມີຕົ້ນບໍ່ໃຫ້ເຂົ້າເຖິງ ແຫລ່ງຜະລິດຢາເສບຕິດ, ສະ ກັດກັ້ນຢາເສບຕິດທີ່ຜະລິດ ແລ້ວ ບໍ່ໃຫ້ຖືກລັກລອບຂົນສົ່ງ ນຳອອກຈາກແຫລ່ງຜະລິດ ແລະ ທຳລາຍ ກຸ່ມຜະລິດ ແລະ ຜູ້ຄ້າ ຂາຍຢາເສບຕິດ, ສ້າງຄວາມ ຮ່ວມມືລະຫວ່າງ ເຈົ້າໜ້າທີ່ ກວດກາ ແລະ ຄວບຄຸມຢາເສບ ຕິດຂອງແຕ່ລະປະເທດໃຫ້ມີ ຄວາມເປັນເອກະພາບສາມາດ ປະຕິບັດໜ້າທີ່ສະກັດກັ້ນຢາເສບຕິດຮ່ວມກັນຢ່າງມີປະສິດທິຜົນ./.